نجیب الله الوخېل په خوست کې د مشال راډیو خبریال دی او د خوست، پکتیا، پکتیکا او لوګر پر حالاتو رپورټونه جوړوي.
د خوست ولایت سپیرې ولسوالۍ اوسیدونکي د سړک له خرابوالي شکایت کوي
د افغانستان د ځینو نورو سیمو په شان په خوست کې هم د اکتوبر پر ۲۳مه شپې مهال د افغان کرکټ لوبډلۍ د برياليتوب جشن ولمانځل شو. په هند کې د ۵۰ اووره نړيوال کرکټ جام سياليو لړ کې افغانستان پاکستان ته په اتو وېکټو ماتې ورکړه.
په خوست کې د مس عینک زون د کرکټ ۱۳ لوبډلو ترمینځ سیالۍ د افضلي لوبډلې په بریا پای ته رسېدلې دي. د کرکټ بورډ مسوولین وایي چې د دې لوبو موخه یې د کرکټ پرمختیا او راتلونکو ولایتي لوبو ته لوبغاړو چمتو کول دي. تفصیل په ویډیو کې
شولې د پکتیا له مهمو فصلونو یو بلل کېږي. د ولایت کروندګر سږ کال د شولو (وریژو) زیات حاصل ته خوشاله دي خو وايي چې لا زیاتو اسانتیاوو ته اړتیا لري. د پکتیا کروندګر وايي، چارواکي دې ورسره پر وخت د تخم او کیمیاوي سرو مرسته وکړي. ویډیويي رپورټ.
په پکتیا کې سوداګر د چین په ګډون نورو هېوادونو ته د زڼغوځیو د صادرولو اسانتیاوې غواړي. په افغانستان کې د پکتیا په ګډون په نهو ولایتونو کې زڼغوځي (جنغوزي او ځڼغوزي هم بلل کېږي) کېږي او سوداګر یې اکثر له هېواده بهر په لېږدولو کې مشکلات لري. تفصیل په ویډیو کې.
په خوست کې د "رنګین ماښام" په نوم په ازاده مشاعره کې ګڼو شاعرانو خپل کلامونه وړاندې کړل. د اکتوبر پینځمې مشاعرې ته ولسي وګړي هم ورغلي ول او منتظمینو یې وویل چې موخه یې د خلکو یووالی او د افغانانو د فرهنګ پرمختیا وه. نور په ویډیويي رپورټ کې.
په خوست کې یو شمېر ښوونکو د تنخاګانو د لږوالي او د سرپناوو نه لرل د مهمو ستونزو په توګه یادې کړې دي
د خوست د غرغښت مرکزي لېسې زده کوونکو د کیمیا او بیولوژۍ یا ژوپوهنې په څانګو کې د جوړو کړیو ماډلونو نندارتون کړی دی. زده کوونکو د اکتوبر پر دویمه د نندارتون پر مهال یوشمېر تجربې یا ازموینې هم وکړې. نندارتون ته ګڼ زده کوونکي او ښوونکي ورغلي ول. ویډيويي رپورټ.
د سېپټمبر په ۲۸مه په خوست کې یو خصوصي روغتیايي انسټیټوټ له درو څانګو عالي نرسېنګ، قابله ګۍ او فارمسۍ څخه لسګونه نجونې او ځوانان ټولنې ته د خدمت لپاره وړاندې کړل. فارغانو غوښتنه کوله چې د روغتیا په حکومتي او خصوصي سکټور کې دې و
په خوست کې د افغان سرې میاشتې ټولنې په ۵۰۰ هغو کونډو کې چې د خپلو اولادونو او کورنیو سرپرستي پر غاړه لري، نغدي مرستې وېشلې دي. ښځو مشال راډیو ته وویل چې بې وزله دي او د خوراک څښاک تر څنګ یوشمېر شیانو ته اړتیا لري. ویډیويي رپورټ.
د خوست په صبریو ولسوالۍ کې د پنځو کلیو لپاره، د سوېس (سوېتزرلېنډ) هېواد د مرستو پراختیايي ادارې په مالي ملاتړ د اړیکو دفتر لخوا د اوبو د یو کانال د جوړولو کار پیل شو.
په پکتیا کې د مرکز ګردېز او زرمت ولسوالۍ ترمینځ د ۲۰ کېلومیټره سړک د جوړولو چارې پیل شوې دي. چارواکي وايي، د سړک جوړونې چارې به څلور میاشتې وخت ونیسي او په لومړي پړاو کې ورباندې ۱۰۰ مېلیونه افغانۍ لګېږي. ویډیويي رپورټ.
خوست کې د ښوونځیو او دیني مدرسو زده کوونکو ترمینځ د کرکټ سیالۍ پای ته ورسېدې
د پکتیا ولایت په مرکز ګردېز کې د نښتر کلنۍ دودیزه مشاعره شوې چې ورته ګڼ لیکوالان او مینه وال ورغلي ول. د سېپټېمبر اوومې د مشاعرې ګډونوالو د طالبانو د حکومت له چارواکو وغوښتل چې د خلکو د فکرونو روښانولو او د ولسونو ترمینځ د باور او یووالي لپاره دې د فرهنګي هڅو ملاتړ وکړي. نور په ویډیويي رپورټ کې.
د خوست په دوو ولسوالیو کې د ځوانانو د یووالي، له نشه يي توکو څخه یې د ساتلو او په ناقانونه توګه بهرنیو هېوادونو ته د ځوانانو د تګ مخنیوي لپاره د کرکټ سیالۍ پیل شوې دي. منتظمین وايي، د سیالیو لګښت د افغانستان لپاره د ناروې کمېټي ورکوي. په وروستیو کې په خوست کې د بېلابېلو لوبو دا ډول سیالۍ شوې دي.
په کابل کې د افغانستان استقلال ورځ په مناسبت د فټبال سیالیو پایلوله د پکتیا اتحاد او د کابل استقلال ترمینځ شوې. سیالۍ د افغانستان فټبال فیدارسیون جوړ کړی وو
په پکتیا ولایت کې د افغانستان لپاره د ناروې کمېټۍ نېږدې ۹،۰۰۰ کسان په لنډمهالي کار ګومارلي دي. هغه کسان د خپلو سیمو په ویالو، کارېزونو او سربندونو کې کار کوي او کمېټۍ ورته یوازې یو ځل ۱۰۰ امریکايي ډالره تنخا ورکوي. ویډیويي رپورټ.
په خوست کې د طالبانو د حکومت د ښاروالۍ چارواکي وايي، هلته د ملګرو ملتونو په مرسته د بیارغونې ۱۷ پروژې روانې دي چې پکې سلګونه کسانو ته د کار زمینه برابره شوې ده. دوی وايي، په هره پروژه د څه د پاسه یو لک امریکايي ډالرو لګښت راځي. ویډیويي رپورټ.
په خوست ولایت کې اوس مهال د تفریح او ساعت تیري لپاره د هغه ولایت لېرې پرتو شنو او سړو سیمو ته د ځوانانو ورتګ زیات شوی دی. د سیمې خلک وایي پخوا د ګواښونو له کبله لېرې ځایونو ته نه شول تلای او څو محدودو ځایونو ته به ورتلل خو اوس د غرونو تر لمنو او ورشوګانو ورځي. تفصیل په ویډیو کې
په خوست کې د ښوونځیو او مدرسو زده کوونکو ترمینځ د معارف جام په نوم د کرکټ ۱۰ اوریزې سیالۍ پيل شوي. په سیالیو کې ۲۴ لوبډلې برخه لري او جوړونکي یې وایي، هدف یې د ښوونځي او مدرسې ترمینځ واټن ختمول او د سیمې خلکو ته ساعت تیری برابرول دي. تفصیل د نجیب الله الوخېل په ویډیو کې
نور وښیئ
