کراچۍ مېشتي افغانان وايي مجبور دي چې کاروبارونه پرېږدې او هېواد ته ولاړ شي

د پاکستان له کراچۍ ښاره د افغانانو خپل هېواد ته د ستنېدو بهیر روان دی. هلته مېشتو افغانانو مشال راډیو ته وویل، که په خپله خوښه ولاړ نه شي، نو پولیس یې نیسي، ځوروي یې او افغانستان ته یې لېږدوي. کراچۍ د ابادۍ له پلوه د پاکستان تر ټولو لوی ښار دی او د هغه هېواد کاروباري مرکز بلل کېږي. افغانان وايي، هلته یې لسیزې ژوند وکړ، کاروبارونه یې په پښو ودرول او حیران دي چې په افغانستان کې به د ژوند لګښتونه څنګه پوره کوي، خو په وینا یې، د ګرفتارۍ او ځورونې له وېرې "مجبور" دي چې هر څه پرېږدي او ولاړ شي. د پاکستان حکومتي چارواکي وايي، افغانان په "پوره درناوي" ستنوي او دا کار د ملي امنیت په ګټه بولي. ویډيويي رپورټ.