عظمت علي شاه په پېښور کې د مشال راډیو خبریال دی چې د خیبر پښتونخوا پر سیاسي او امنیتي چارو او د خلکو د ژوند ژواک په اړه راپورونه جوړوي.
له خیبر پښتونخوا د یوشمېر بې درکه کسانو خپلوانو په پېښور کې د خبریالانو مرکز مخې ته مظاهره کړې ده او له حکومته یې عدالتونو ته د هغوی وړاندې کولو غوښتنه کړې ده. چارواکو لا د مظاهرچیانو د څرګندونو په غبرګون کې څه نه دي ویلي. ویډيويي رپورټ.
په افغانستان کې د طالبانو د حکومت او پاکستان ترمينځ تر وروستي کړکېچ او ترينګلتيا وروسته پر ډیورنډ کرښه د دواړو هېوادونو ترمينځ د تګ راتګ لارې تړل شوي چې له امله يې په پاکستان کې د تازه سبزيو او مېوو پر کاروبار منفي اغېز کړی دی.
په پېښور کې د خيبر پښتونخوا د بلدياتي ادارو استازو د پیسو نه ترلاسه کېدو ضد يو ځل بيا احتجاج کړی دی. تر اوسه صوبايي حکومت د دې راپور تر برابرېدو پورې د بلدياتي استازو غوښتنو ته ځواب نه دی ويلی.
په ۲۰۲۵ کې په خیبرپښتونخوا او بلوچستان کې د نور پاکستان په پرتله ناامني ډېره وه
په داسې حال کې چې د پاکستان حکومت د بې اسناده او اسناد لرونکو افغانانو ایستلو ته دوام ورکړی دی، د مردان په یو پنډغالی (کیمپ) کې له ۵۰۰ څخه اوس یوازې دوه کورنۍ پاتې دي، نورې ټولې افغانستان ته تللې دي. ویډيويي رپورټ.
په مردان کې په یوه کلیسا کې مسیحیان (عیسویان) په پښتو ژبه عبادت کوي او پادریان ورته خطبې هم په پښتو کې کوي. د کلیسا مرستیال پادري وايي، هغه کلیسا په ۱۹۳۶ز کال کې جوړه شوې وه او پکې مسیحیان له ۱۹۳۹ز راهیسې عبادت کوي. تفصیل په دې ویډيويي رپورټ کې.
پاکستان د اکتوبر په میاشت کې تر هغه وروسته له افغانستان سره لارې وتړلې چې پوځيانو یې د افغان طالبانو د حکومني ځواکونو سره نښتې وکړې. کرندګر وايي هغه لارې بايد پرانیستل شي.
په خيبر پښتونخوا کې د ورځپاڼو اېجنسۍ او خرڅوونکي وايي، د موبایل او انټرنېټ له راتلو سره يې کاروبار ورځ تر بلې پر کمېدو دی. په مردان کې د یو اخبار پلورونکی وايي چې اوس یوازې په دې کار د کور اړتیاوې نه شي پوره کولای بلکې ورسره یې دوکان هم پرانیستی دی. ویډيويي رپورټ.
د مردان تخت بایي ځینې سیمو اوسېدونکي وايي چې د د څکلو د پاکو اوبو د نیشتوالي له وجې ځينو کورنیو نورو سيمو ته کډې کړې دي. دوی وايي چې د اوبو د وروړلو لپاره یې دوه ټانکران اخیستې دي چې کور پر کور اوبه وېشي چې د دوی په خبره، بیا هم یې ضرورت نه پوره کوي.
پاکستان تحریک انصاف (پي ټي ای) د خپل بنسټګر او پخواني وزیراعظم عمران خان خوشې کولو لپاره د پیل کړي غورځنګ په لومړۍ جلسه کې له ریاسته غوښتنه کړې چې نه یوازې هغه بلکې ټول سیاسي بندیان دې ژر تر ژره خوشې کړي. په دې اړه ویډیويي رپورټ وګورئ.
په پېښور کې د نجونو ترمینځ د لوبو سیالۍ چې د نومبر پر ۲۶مه پیل شوې وې، د ډېسېمبر په لومړۍ نېټه پای ته ورسېدې.
په خیبر پښتونخوا کې د اېچ ای وي او اېډز ناروغۍ د مخنيوي ادارې د نومبر میاشتې په رپورټ کې ویلي چې په تېرو اووه کلونو کې په هغه صوبه کې په وایرس او ناروغۍ د اخته کسانو شمېر ۲۰۰ فیصده زیات شوی دی. ویډیويي رپورټ.
په خیبر پښتونخوا کې د شاتو فارمونه لرونکي او کاروباریان وايي له کله نه چې د پاکستان حکومت د افغان کډوالو جبري ستنول پیل کړي، د هغوی روزګار ورسره خراب شوی دی.
د خيبر پښتونخوا د صوبايي حکومت پر بلنه په هغه صوبه کې د امن په اړه يو ورځنۍ جرګه د نومبر پر ۱۲مه پیل شوې ده. په خيبر پښتونخوا اسمبلۍ کې روانې هغې جرګې کې د ګډون لپاره صوبايي حکومت د ټولو سياسي ګوندونو مشرانو او يوشمېر ولسي مشرانو ته د ګډون بلنه ورکړې ده. د جرګې له تالاره ژوندۍ حال..
د پاکستاني حکومت تر امر وروسته ګڼ شمېر کډوال افغانستان ته ستانه شوي دي چې پکې يوشمېر کسانو په کېمپونو کې جوړ کړي خپل کورونه وران کړي او سامانونه يې په ارزانه بیه خرڅ کړي ول. خو اوس هم داسې کورنۍ شته چې لا په کېمپونو کې ژوند کوي.
د خيبر پښتنونخوا په مردان، صوابۍ او بونېر کې هم ځايي خلک لا هم دوديزه لوبه "موخه" کوي. د هغو سيمو ولس وايي چې موخه نه يوازې يوه لوبه ده، بلکې د هغوی په وينا، دا د دوی لپاره د خپل کلتور ژوندي ساتلو او خوندي کولو يوه لاره هم ده.
د خيبر پښتونخوا د مېوو او سبزيانو سوداګر وايي چې د پاکستان او افغانستان تر مينځ د سرحدي لارو بندېدو له امله پاکستان ته د سبزيو او مېوو راتګ بند شوی چې ورسره د سبزيانو او مېوو نرخونه زيات شوي دي.
په خيبر پښتونخوا کې د يو شمېر تعليمي ادارو د شخصي کولو پرضد د اکتوبر پر شپږمه د هغې صوبې په بېلا بېلو ښارونو کې احتجاجي مظاهرې وشوې او د سرکاري کالجونو ښوونکو او زده کوونکو له زدکړو پرېکون وکړ.
نور وښیئ
