د هند د کرکټ په غوره لیګ (انډیین پرېمییر لیګ) کې د مارچ پر ۲۹مه رایل چیلېنجرز بنګلورو او کلکته نایټ رایډرز یو بل ته مخامخېږي.
د بنګلور په لوبغالي کې دا سیالي د پېښور پر وخت د ماښام پر اووه او د کابل پر شپږ نیمو بجو پیلېږي.
تر دې یوه ورځ مخکې راجستان رایلز ، دلي کیپېټلز ته په ۱۲ منډو ماتې ورکړه.
ټاکل شوې چې د مارچ پر ۳۰مه لکنو سپر جاينټس او پنجاب کنګز لوبډلې یو بل ته مخامخ شي.
په ای پي اېل کې ټولې ۱۰ لوبډلې برخه اخلي چې پکې د افغانستان په ګډون د یوشمېر هېوادونو لوبغاړي شامل دي.
د هند غوره لیګ سیالۍ د مارچ پر ۲۲مه پیل شوې او ټاکل شوې چې پایلوبه یې د مې پر ۲۶مه نېټه وشي.
چېنای سوپر کېنګز لوبډله د تېر ۲۰۲۳ز کال د ای پي اېل اتله شوې وه.
