نورالله ترين: څوک چې د تشدد خبره کوي هغوی د پي ټي ایم غړي نه دي
په کراچۍ کې د پښتون ژغورنې غورځنګ مشر نورالله ترين وايي ډېر زر به د غورځنګ مشر منظور پښتين او نوره مشر تابه مخې ته راشي. دا په داسې حال کې ده چې د پي ټي ايم مشر منظور پښتين له تېرې څه مودې راهيسې نه په عام محضر کې ښکاري او نه یې هم له رسنیو سره خبرې کړې دي. نورالله ترین وايي د دوی مبارزه سوله ییزه ده او د تشدد خبرې کوونکي د غورځنګ غړي نه دي. دی وايي په پښتنه سیمه کې امن او په ناامنیو کې ښکېل په ډاګه کول غواړي. له نورالله ترين سره د مشال راډیو خبریال اسرار عالم مومند مرکه کړې او په سر کې يې ترې پوښتلي چې پي ټي اېم دا وخت په کوم حالت کې دی؟