یو اېس اې جي اېم د مارچ پر ۲۴مه تر اورېدنې لږ ساعت مخکې ژمنه وکړه چې ازادې اروپا راډیو ته د کانګرس له تایید کړې بودیجې څخه شاوخوا اووه نیم مېلیونه ډالره ورکوي. دا پیسې د مارچ په لومړیو دوو اونیو کې د راډیو د لګښتونو لپاره وې چې یو اېس اې جي اېم نه وې ورکړې.
د ازادې اروپا راډیو سټیفن کېپس په بیان کې ویلي: "دا د امریکا مخالفو تبلیغاتو او سانسور ته د ځای پرېښودو نه دی. موږ باور لرو چې قانون زموږ په حق کې دی او په ټوله نړۍ کې زموږ د ادارې په ختمېدو د زورواکو خوشالي تر وخت مخکې عمل دی."
د ولسمشر ټرمپ تر فرمان څو ساعته وروسته رسنيو د يو اېس اې جي اېم وړاندې کړی هغه ليک خپور کړ چې پکې راغلي چې د ازادې اروپا راډيو تمويلوونکی فنډ، چې کانګرس تصویب کړی دی، ختم شوی دی.
د سپینې ماڼۍ یوه چارواکي د نوم نه خپرولو په شرط د مارچ پر درېيمه رسنیو ته ویلي چې دوی د دې باوري کولو لپاره دا مرستې درولې او بیا کتنه ورته کوي چې په حل لارو موندلو کې مرسته وشي.
نور وښیئ
