د خیبر پښتونخوا ګورنر دا خبره د کورمې پاړه چنار ته د خپلې دورې پر مهال ځايي مشرانو ته وکړه.
د خیبر پښتونخوا ګورنر وايي،تر څو چې موږ په خپلو کې متحد او اتفاق یو، ترهګر به مو هېڅکله مقابله ونه کړي.
د خیبر پښتونخوا ګورنر دا باور ورکړل چې خپل ټول وسایل به پکار راولي او د ولس ځان او مال حفاظت کوي.
نوموړي دا هم وايي چې د پاړه چنار په پېښه کې ملوث عناصر به نه پرېږدي او هغوی ته به سزا ورکولی شي.
د دې نه علاوه اقبال ظفر جګړا د قبایلې مشرانو پر غوښتنې د ۵۰ بسترو مشتمل یو ټرومه سنټر د جوړولو اعلان وکړل دا یې هم وویل چې په راتلونکې کې به د پاړه چنار روغتون له ګریډ سي تر ګریډ ای درجه ورکوي.
د خیبر پښتونخوا ګورنرپه پاړه چنار کې هغو متاثره کورنیو کې د مرستې پیسې وویشلي چې خپل خپلوان یې د بمي چاودنو او ملیشې سرتېرو پر ډزو وژل شوي او یا ژوبل شوي ول.
د مالوماتو ترمخه، دغه پیسې متاثره کورنیو ته د وژل شویو په سر ۱۰ لکه او زخمي په سر پنځه لکه ورکړل شوي دي.
ځايي مشر ابرار جان توري وايي، له احتجاج کونکو سره دا وعده شوې وه چې د پنجاب په بهاولپور کې د اور لګېدو د پیښې متاثرینو ته کومه معاوضه ورکړې شوې وه هغه شان مرستې به له دوی سره هم کېږي، خو داسې ونه شول.
په پاړه چنار کې د جون پر ۲۳ نیټې له توري مارکیټ سره نږدې پرله پسې بمي چاودنو او د ملیشې سرتېرو په ډزو کې د سرکاري ریکارډ ترمخه، ۶۹ کسان مړه او تر ۲۰۰ زیات زخمیان شوي ول.
