Розиямоҳ Боронова, модари як зани ҷавон, ки 18 майи соли равон дар пеши чашми ду фарзандаш худкушӣ карда буд, васияти духтарашро ба ҷо овард ва ду фарзандони ӯро ба тарбияи худ гирифт, аммо барои нигоҳубини ин ду кӯдак ӯ ҳеҷ сармояе надорад.
Хабарнигори Радиои Озодӣ Шаҳлои Абдуллоҳ бо як хонуми дӯлонафурӯш дар маркази Душанбе ҳамсӯҳбат шуд. Ҳанифамоҳ Сафарова мегӯяд, онҳо дӯлонаро аз теппаҳои канори хонаашон ҷамъвоварӣ намуда, қабл аз фурӯш онро дар ҳамел мекашанд.
Сокинони ноҳияи Восеъ мегӯянд, сарфи назар аз он, ки то ҳол дар ҷумҳурӣ лимити таъмини нерӯи барқ ҷорӣ нашудааст, дар соатҳои муайяни рӯз онҳо аз камбуди барқ азият мекашанд.
Манижа Зардиева, мураббии дастаи шамшерзанони Кӯлоб рӯзи чоршанбеи 30 сентябр дар сӯҳбат ба Радиои Озодӣ гуфт, ки ӯ аввалин духтаре аз минтақа буд, ки шамшерзаниро омӯхт ва ба сатҳи устодӣ расид.
Саломат Пирова, сокини 23-солаи ноҳияи Вахш ҳамроҳ бо се тифли хурдсолаш кӯшиши худкушӣ карда, боиси ҳалокати се кӯдакаш шудааст. Ҳодиса рӯзи 21 сентябр рух додааст.
Дар вилояти Хатлон бузургтарин вилояти кишоварзии Тоҷикистон ҷамъоварии ҳосили пахта, як маҳсулоти стратегии кишвар идома дорад ва мисли солҳои пешин кори заҳматталаби пахтачинӣ бар дӯши занону кудакон аст.
Қаноат Нуруллоева, сокини ноҳияи Ғончиро аввалин зане дар деҳааш медонанд, ки қонуни нонавиштаи аз кор манъ кардани занон дар муассисаву корхонаҳоро шикаст ва даҳҳо занони ҳамдеҳаашро соҳиби ҷойи кор кард.
Деҳаи Сафо, ки 47 хонавода аз ноҳияи Мастчоҳ онро ҳудуди 10 сол пеш макони зисти худ интихоб кардаанд, тақрибан 50 километр дур аз маркази ин ноҳия ва дар наздикии сарҳади Узбакистон ҷойгир аст. Ин деҳ ба ҷуз хати барқ ва як мавҷпарокани Тиселл дигар нишонаҳое аз ҳаёти муосир надорад.
Дар рӯ ба рӯйи Идораи сабти ҳолатҳои шаҳрвандӣ(ЗАГС)-и Кӯлоб муҷассамаи "Оилаи хушбахт" қомат афрохт, ки ба қавли масъулон ба муносибати Соли оила ва орзуи таҳкими оилаҳои тоҷик бунёд шудааст.
Хабарнигори Радиои Озодӣ дар Кӯлоб Маҳмудҷони Раҳматзода гузориш медиҳад, ки дар маҳаллаи Заргари Кӯлоб ин пеша аз насл ба насл мерос мегузарад.
Ахиран хабарнигори Радиои Озодӣ Орзуи Карим аз осорхонаи кишваршиносии Хатлон зиёрат намуда, аз ҷумла дар бораи гӯшаи тозабунёди занони баруманди ин осорхона аз муовини раиси ин идора чанд суол кард.
Ёфтҳои бештар
