Christopher Hill në sallën e gjyqit në Hagë.

Hill: S’kam dëgjuar që Thaçi kishte urdhëruar aktivitete të paligjshme

11 nëntor 2025

• Diplomati i pensionuar amerikan, Christopher Hill dëshmoi për ditën e dytë në mbrojtje të ish-presidentit të Kosovës, Hashim Thaçi në Gjykatën Speciale në Hagë.

• Hill ishte i dërguari i posaçëm i Shteteve të Bashkuara gjatë periudhës së luftës në Kosovë.

• Përveç Thaçit, gjyqi në Hagë po mbahet edhe kundër Kadri Veselit, Jakup Krasniqit dhe Rexhep Selimit. Ata akuzohen për krime lufte dhe krime kundër njerëzimit gjatë luftës së viteve 1998-1999, kur ishin pjesë e Ushtrisë Çlirimtare të Kosovës.

• Të katërtit i hedhin poshtë akuzat dhe janë deklaruar të pafajshëm.

• Hill ka thënë ditën e parë të dëshmisë se Thaçi nuk e drejtonte UÇK-në dhe që ajo nuk kishte strukturë me organizim hierarkik.

11:22

Hill përmend sërish Xhavit Halitin

Diplomati Hill po përsërit sërish se takimin e parë me dikë prej UÇK-së e ka pasur me Xhavit Halitin.

Ai ka thënë se dikush ia ka përshkruar Halitin si person të një niveli shumë të lartë, dikush i kishte thënë se ishte shok me persona me pozitë të lartë në UÇK, prandaj nuk mund të ketë një përshkrim të qartë për të.

11:18

Tani rendi i Prokurorisë...

Prokurori James Pach e ka marrë fjalën. Ai ka thënë se ka planifikuar pesë orë për ta marrë në pyetje diplomatin Hill.

11:16

Avokati i Krasniqit përfundon marrjen në pyetje

Avokati Ellis ia ka bërë të gjitha pyetjet e planifikuara diplomatit Hill, i cili në përgjithësi gjatë kësaj kohe e përmendur se e ka vërejtur që ka pasur pikëpamje të ndryshme brenda UÇK-së në periudhën e luftës.

11:05

Rinis seanca

Të gjitha palët tani janë kthyer në sallë dhe procesi po nis.

Diplomati Hill do të japë dëshminë deri në orët e pasdites.

Shfaq më shumë