اوومه ورځ – له سعید شینواري سره
د فرانسې په کوربهتوب په پاریس کې د سږ کال المپیکي سیالۍ نن جمعه تر سختو امنیتي تدابیرو لاندې پیلېږي او د اګست میاشتې تر ۱۱مې دوام کوي. د افغانستان درې نارینه او درې ښځینه لوبغاړې د درې رنګه بیرغ لاندې په دې سیالیو کې ګډون کوي.
د کډوالو نړیوال سازمان د شمېرو له مخې، په څو ولایتونو کې د تېرې اوونۍ د سېلابونو د تلفاتو شمېر ۷۱ کسانو ته رسېدلی او شاوخوا ۹۰۰ کورونه ویجاړ او زرګونه نور کسان بې کوره شوي دي. دا په داسې حال کې ده چې له زیانمنو سره د طالبانو او مرستندویه ټولنو د مرستو بهیر له انتقادونو سره مخامخ شوی دی.
د هرات اوسېدونکی عبدالکریم کلونه په نشهيي توکو روږدی و، اوس د روږدو کسانو د درملنې په یوه مرکز کې په نشهيي توکو د اخته کسانو درملنه کوي. هغه وايي، په ایران کې پر نشهيي توکو اخته شو او افغانستان ته له بېرته ستنېدو سره یې پرېکړه وکړه څو نشهيي توکي پرېږدي.
په ننګرهار کې د تېرې اوونۍ د سختو بارانونو او توپانونو ډېری زیانمن شوي کسان وايي، دوی ته مرستې نهدي رسېدلي او بېړنیو بشري مرستو ته اړتیا لري. د افغانستان په ختیځو او شمال ختیځو ولایتونو کې د توپان او سختو بارانونو له امله لسګونه کسان مړه شوي او سلګونه نور ټپیان شوي دي.
مکرون د دوشنبې په ورځ په خپلو خبرو کې له افغانستانه د امریکا د وتلو د پرېکړې یادونه وکړه او ويې ويل، پوهېږي چې د دې پرېکړې له پایلو څومره افغان مېرمنې او نجونې اغېزمنې شوې دي.
د ۱۴۰۳ هجري لمریز کال د کانکور اول نمره اتل خان رحیمزوی وایي، د لومړي مقام په ګټلو خوشحاله دی او هیله لري چې په راتلونکي کې افغان ولس ته د خدمت مصدر وګرځي. رحیمزوی د کابل له حبیبې لېسې فارغ او د ۳۵۹،۶۱ نمرو په اخیستلو د کابل طب پوهنځي ته بریالی شوی دی.
ساجدالله د ننګرهار د سرخرود ولسوالۍ اوسېدونکی دی چې د تېرې اوونۍ په شدید توپان کې یې د کورنۍ ۱۱ غړي مړه شوي دي. هغه په اوښکو ډکو سترګو سره وایي چې ویې نه شو کولی د کورنۍ غړي، چې په کې ماشومان هم شامل وو، پرې د پریوتي کور له خاورو خټو راوباسي.
د سامسونګ شرکت ساعت او ګلیکسي داسې سمارټ ګوتمۍ نندارې ته ایښې ده چې، کولی شي ستاسو روغتیايي وضعیت وڅاري او د ورزش پر مهال تاسو ته لارښوونه وکړي.
د اوونۍ پېښو او خبرونو ته له متفاوتې زاویې څخه کتنه
د خیبر پښتونخوا په بنو کې د امن مارچ په نوم په احتجاجي لاریون کې د ډزو پر مهال یو شمېر کسان ژوبل شوي دي. دغه لاریون د جولای ۱۹مه د سیمهییزو سوداګرو په بلنه شوی چې په کې ګوندونو او د ښار زرګونه اوسېدونکو ګډون کړی و. لاریون کوونکي هغه مهال ټپیان شوي چې د بنو یوه نظامي مرکز ته یې د ننوتو هڅه کوله.
نور راوښيه
