د سپین بولدک د وېش بازار زرګونه دوکانونه سوځېدلي

ننګرهار کې توپان؛ ساجدالله ونه شوه کولی چې د کورنۍ غړي له خاورو خټو وباسي

ساجدالله د ننګرهار د سرخرود ولسوالۍ اوسېدونکی دی چې د تېرې اوونۍ په شدید توپان کې یې د کورنۍ ۱۱ غړي مړه شوي دي. هغه په اوښکو ډکو سترګو سره وایي چې ویې نه شو کولی د کورنۍ غړي، چې په کې ماشومان هم شامل وو، پرې د پریوتي کور له خاورو خټو راوباسي.

د سامسونګ ګوتمۍ کولای شي چې ستاسو د ورزش لارښود و اوسي

د سامسونګ شرکت ساعت او ګلیکسي داسې سمارټ ګوتمۍ نندارې ته ایښې ده چې، کولی شي ستاسو روغتیايي وضعیت وڅاري او د ورزش پر مهال تاسو ته لارښوونه وکړي.

اوومه ورځ – له سعید شینواري سره

د اوونۍ پېښو او خبرونو ته له متفاوتې زاویې څخه کتنه

خیبر پښتونخوا بنو کې د ناامنۍ ضد د زرګونه کسانو لاریون؛ د امنیتي ځواکونو په ډزو یو شمېر کسان ژوبل شوي

د خیبر پښتونخوا په بنو کې د امن مارچ په نوم په احتجاجي لاریون کې د ډزو پر مهال یو شمېر کسان ژوبل شوي دي. دغه لاریون د جولای ۱۹مه د سیمه‌ییزو سوداګرو په بلنه شوی چې په کې ګوندونو او د ښار زرګونه اوسېدونکو ګډون کړی و. لاریون کوونکي هغه مهال ټپیان شوي چې د بنو یوه نظامي مرکز ته یې د ننوتو هڅه کوله.

د کندهار په ویش بازار کې پراخه اورلګېدنه

نن د کندهار د سپين بولدک ولسوالۍ په ویش بازار کې پراخه اورلګېدنه رامنځته شوې ده. یاده سیمه د موټرو د پرزو د پېر او پلور بازار دی. دوکانداران وايي، اور وژونکي سیمې ته پر وخت نه دي رسېدلي چې د اورلګېدنې د پراخېدو مخه یې نیولې وای. تراوسه د دې پېښې د ځاني او مالي زیانونو په اړه معلومات نه شته.

شری څه دی، او ولې ترې افغانستان کې مړینه زیاته ده؟

د روغتیا نړیوال سازمان وايي د شري ناروغۍ یوازې سږکال په افغانستان کې ۱۶۰ کسان وژلي دي. سرخکان څه دي او څنګه کولی شئ خپل ماشومان ترې وژغورئ؟ جزییات په دې ویډیو کې.

افغانستان؛ هغه هېواد چې درملو ته اړتیا لري، خو بهر ته سیروم صادروي

په افغانستان کې د سیروم د تولید یوه فابریکه وايي چې سوریې، عراق او یمن ته سیروم صادروي. دا په‌داسې حال کې ده چې افغانستان د اړتیا وړ ډېر درمل له بهر څخه واردوي. نور په‌دې راپور کې:

ډېری ښځو غالۍ اوبدلو ته مخه کړې، خو د غاليو بازار سوړ دى

د طالبانو له‌خوا د ښځو پر کار او زده‌کړو د محدودیتونو له لګولو سره، ډېری ښځو غالۍ اوبدلو ته مخه کړې، خو په افغانستان کې د غالیو د پلور بازار د پخوا په پرتله سوړ دی. د غالیو صادرونکو ټولنه وايي، د بانکي ستونزو له امله د غالیو صادرات محدود شوي او په ټولیزه توګه د غالیو د پلور بازار سوړ شوی دی.

په خوست کې درې کلنه دښمني په دوستۍ بدله شوه

خوست کې د دوو کورنيو ترمنځ درې کلنه دښمني د قومي سپين ږيرو او ديني عالمانو په منځګړتوب په دوستۍ بدله شوه. ځايي خلک وايي، د کورنيو ترمنځ روغه جوړه دوی ته په دوديز ډول له مشرانو ورپاتې چې تر ډېره د جرګو له لارې د خلکو ترمنځ شخړې او ستونزې هواروي. نور په‌دې ويډيويي راپور کې:

په افغانستان کې سږ کال په محدودیت سره د عاشورا مراسم پرځای شول

د پخوانیو کلونو پر خلاف سږ کال دا مراسم یوازې په تکیه‌خانو پورې محدود وو. په تېرو کلونو کې به د کابل ښار سړکونه په تورو بیرغونو او تورو دروازو سینګارېده، خو طالبانو پر سړکونو دا مراسم منع اعلان کړي دي. یو شمېر ماتم کوونکي د طالبانو پر لګول شویو محدودیتونو ناخوښه دي.