د سامسونګ شرکت ساعت او ګلیکسي داسې سمارټ ګوتمۍ نندارې ته ایښې ده چې، کولی شي ستاسو روغتیايي وضعیت وڅاري او د ورزش پر مهال تاسو ته لارښوونه وکړي.
د اوونۍ پېښو او خبرونو ته له متفاوتې زاویې څخه کتنه
د خیبر پښتونخوا په بنو کې د امن مارچ په نوم په احتجاجي لاریون کې د ډزو پر مهال یو شمېر کسان ژوبل شوي دي. دغه لاریون د جولای ۱۹مه د سیمهییزو سوداګرو په بلنه شوی چې په کې ګوندونو او د ښار زرګونه اوسېدونکو ګډون کړی و. لاریون کوونکي هغه مهال ټپیان شوي چې د بنو یوه نظامي مرکز ته یې د ننوتو هڅه کوله.
نن د کندهار د سپين بولدک ولسوالۍ په ویش بازار کې پراخه اورلګېدنه رامنځته شوې ده. یاده سیمه د موټرو د پرزو د پېر او پلور بازار دی. دوکانداران وايي، اور وژونکي سیمې ته پر وخت نه دي رسېدلي چې د اورلګېدنې د پراخېدو مخه یې نیولې وای. تراوسه د دې پېښې د ځاني او مالي زیانونو په اړه معلومات نه شته.
د روغتیا نړیوال سازمان وايي د شري ناروغۍ یوازې سږکال په افغانستان کې ۱۶۰ کسان وژلي دي. سرخکان څه دي او څنګه کولی شئ خپل ماشومان ترې وژغورئ؟ جزییات په دې ویډیو کې.
په افغانستان کې د سیروم د تولید یوه فابریکه وايي چې سوریې، عراق او یمن ته سیروم صادروي. دا پهداسې حال کې ده چې افغانستان د اړتیا وړ ډېر درمل له بهر څخه واردوي. نور پهدې راپور کې:
د طالبانو لهخوا د ښځو پر کار او زدهکړو د محدودیتونو له لګولو سره، ډېری ښځو غالۍ اوبدلو ته مخه کړې، خو په افغانستان کې د غالیو د پلور بازار د پخوا په پرتله سوړ دی. د غالیو صادرونکو ټولنه وايي، د بانکي ستونزو له امله د غالیو صادرات محدود شوي او په ټولیزه توګه د غالیو د پلور بازار سوړ شوی دی.
خوست کې د دوو کورنيو ترمنځ درې کلنه دښمني د قومي سپين ږيرو او ديني عالمانو په منځګړتوب په دوستۍ بدله شوه. ځايي خلک وايي، د کورنيو ترمنځ روغه جوړه دوی ته په دوديز ډول له مشرانو ورپاتې چې تر ډېره د جرګو له لارې د خلکو ترمنځ شخړې او ستونزې هواروي. نور پهدې ويډيويي راپور کې:
د پخوانیو کلونو پر خلاف سږ کال دا مراسم یوازې په تکیهخانو پورې محدود وو. په تېرو کلونو کې به د کابل ښار سړکونه په تورو بیرغونو او تورو دروازو سینګارېده، خو طالبانو پر سړکونو دا مراسم منع اعلان کړي دي. یو شمېر ماتم کوونکي د طالبانو پر لګول شویو محدودیتونو ناخوښه دي.
د خیبر پښتونخوا بنو کې سهار وختي د پوځي چاوڼۍ له دیوال سره نږدې چاودنه شوې چې پکې د ښځو په ګډون ځینې کسان ژوبل شوي دي. د سیمې خلک وایي چاودنه زوره وره وه او تر لېرې یې ودانۍ لړوزولی او ښیښې یې ماتې کړي دي. له چاودنې وروسته دغلته د ډزو اوازونه او د یو بلې وړې چاودنې غږ اورېدل شوی دی.
د امریکا پخوانی ولسمشر ډونالډ ټرمپ د ټاکنیز کمپاین پر مهال تر برید لاندې راغلی دی. پر هغه د تېرې شپې د برید ډېر جزییات لا روښانه نه دي او انګېزه یې هم معلومه نه ده. نور په دې ویډیو کې:
د روغتیا نړیوال سازمان ویلي چې سږ کال په افغانستان کې د شري ناروغۍ له کبله ۱۶۰ کسان مړه شوي دي. څرنګه کولی شئ له دې ناروغۍ خپل ماشومان وساتئ؟
نور راوښيه
