د امریکا ولسمشر ډونالډ ټرمپ وایي، پوځ ته یې امر کړی و چې په سومالیا کې د اسلامي دولت ډلې یا داعش پر یوه مهم غړي برید وکړي.

دا د جنورۍ له شلمې راهیسې چې ټرمپ د امریکا د ولسمشر په توګه لوړه کړې، لومړی ځل دی چې نوموړی د دغسې یوه برید امر ورکوي. ټرمپ په یوه بیان کې وویل چې دوی دا ګسان، چې ده قاتلان بللی چې متحده ایالاتو او د هغې متحدانو ته ګواښ وو او په سمڅو کې پټ شوي و، وموندل.

هغه زیاته کړه چې په دغو بریدونو کې دغه سمڅې چې دوی پکې پټ و، ویجاړې شوې او ګڼ ترهګر پرته له دې چې ملکیانو ته زیان ورسیږي، ووژل شول.

په سومالیا کې د داعش څانګه چې تر اوسه د دې هیواد په پونټلینډ سیمه کې ډیره فعاله ده، د امریکا له هوايي بریدونو سره مخ ده

د جنین والي کمال ابوالرب فرانسپرس ته ویلي دا تنکی ځوان او دوه نور کسان په سړک روان وو چې د اسراییلو بې پيلوټې الوتکې هدف وګرځول.

د فلسطین هلال احمر ویلي دوه ټپيان د جنین په ختیځ کې روغتون ته وړل شوي.
د اسراییلو پوځ ویلي چې هوایي ځواکونو د دوی په خبره «وسله وال ترهګر په جنین کې هدف ګرځولي.»

د اسراییلو پوځ تېره میاشت د اشغال شوې ختیځې تړانګې په جنین ښار کې د فلسطیني ملیشه ډلو د له منځه وړلو لپاره بریدونه پیل کړي.

دا سیمه له ۱۹۶۷ کاله راهیسې اسراییلو اشغال کړې ده.

متقاعد جنرال کیټ کلاګ رویټرز ته ویلي د امریکا دولت غواړي چې اوکرایین د روان کال تر پایه او په تېره که په راتلونکو څو میاشتو کې له روسیې سره په اوربند سلا وکړي د جمهوري ریاست او پارلماني انتخابات ترسره کړي.

کیټ کلاګ ویلي ګڼ دولتونه د جګړو په وخت هم ټاکنې کوي او دا مهمه ده چې اوکرایین هم دا کار وکړي.
د امریکا د ولسمشر ډونالډ ټرمپ ادارې ویلي د کار په لومړیو میاشتو کې د اوکرایین د جګړې د درېدو طرحه وړاندې کوي.
لا د دې طرحې او تګلارې په اړه جزییات نه دي شریک شوي.

کرملین هم ویلي چې تر اوسه له واشنګتن سره په دې تړاو مستقیمې اړیکې نه دي ټینګې شوي.

په تېرو کلونو کې متقاعدینو په کراتو د کابل ښار په واټونو او د مالیې وزارت مخته لاریونونه کړي خو لا یې څه نتیجه نه ده ورکړې.
د طالبانو مشر هیبت الله اخندزاده په یوه فرمان سره د متقاعدینو حقوق لغوه کړي او امر یې کړی چې د حکومتي کارکوونکو له معاشونو دې د تقاعد پيسې جلا نه شي.

د افغانستان د متقاعدینو د ټولنې په وینا دغه هېواد څه باندې ۱۷۰ زره ملکي او پوځي متقاعدین لري.

متقاعدینو داسې وخت د خپلو معاشونو او حقونو غوښتنه کړې چې د راپورونو له مخې د طالبانو حکومت له شاوخوا دوو میاشتو د دولتي کارکوونکو معاشونه نه دي ورکړي.
په همدې حال کې د طالبانو د حکومت ویاند ذبیح الله مجاهد ژمنه کړې چې د دلوې/سلواغې میاشتې معاشونه به ژر اجرا شي.

د طالبانو حکومت دا اعلامیه د امریکا د مرستو پر سر د څار ادارې یا سیګار د وروستي راپور په غبرګون خپره کړې ده.

سیګار په خپل راپور کې چې د جمعې په ورځ یې خپور کړی ویلي د طالبانو حکومت په دغو میلیاردونو ډالرو باندې قانوني حق نه لري ځکه د دې ادارې په خبره حکومت یې په رسمیت نه دی پېژندل شوی او د بندیزونو لاندې دی.

د سیګار راپور کې همدارنګه راغلي چې د امریکا د ولسمشر ډونالډ ټرمپ اداره او کانګرس ممکن امریکا ته د څلورو میلیاردو ډالرو د څار او کنټرول د راګرځولو مسله وڅېړي.
امریکا په ۲۰۲۲ کال کې د افغانستان له کنګل شویو شتمنیو درې نیم میلیارده چې اوس له ګټو سره څلور میلیارده شوي په سویس کې د امانت صندوق ته وسپارل.

دا پیسې که څه هم افغانستان ته نه لېږل کېږي خو هدف یې د دغه هېواد د اقتصاد د ثبات ساتل دي.

په الوتکه کې یو ناروغ ماشوم انتقالېده چې تر څنګ یې مور هم ناسته وه. دوی دواړه مور او ماشوم، د الوتکې څلور عمله او یو کس په ځمکه کې د پېښې په نتیجه کې مړه شوي.

وژل شوي ټول د مکسیکو اتباع وو.

امریکا کې دا په یوه اوونۍ کې دویمه هوايي سانحه ده.

تېره اوونۍ د واشنګتن په رونالډ ریګن هوايي ډګر کې یوه مسافروړونکې الوتکه له یوې پوځي هیلیکوپترې سره ولګېده چې په نتیجه کې یې لږ تر لږه ۶۷ کسان ووژل شول.

د کډوالو لپاره د ملګرو ملتونو لویې کمیشنرۍ UNHCR او د کډوالو نړیوال سازمان IOM اعلان کړی چې د پاکستان حکومت د افغان کډوالو د وتلو لپاره نوې رسمي لارښوونې خپرې کړي دي.

په یوه بیان کې چې نن د سلواغې ۱۳مه په پاکستان کې د UNHCR پر وټس اپ چینل خپور شوی، ویل شوي چې ټول هغه افغانان چې د افغانستان د تابعیت کارتونه یا ACC لري، باید ژر تر ژره د اسلام‌آباد او راولپنډۍ له اړوندو سیمو ووځي او افغانستان ته ستانه شي.

همداراز، په اعلامیه کې راغلي، چې هغه افغانان چې د کډوالو د ثبت کارتونه PoR لري باید د اسلام‌آباد او راولپنډۍ له ښارونو ووځي، خو هغوی ته د ۲۰۲۵ کال د جون تر ۳۰مې پورې په پاکستان کې د پاتې کېدو اجازه ورکړل شوې ده.

په بیان کې د هغو کډوالو یادونه هم شوې، چې دریمو هېوادونو ته د کډه کېدو پروسه یې بشپړېدو ته نژدې ده، یا د بېلابېلو سفارتونو له لارې د خوندي تګ راتګ په پروګرام کې شامل دي. دغو کسانو ته د ۲۰۲۵ کال د مارچ تر ۳۱مې پورې وخت ورکړل شوی، چې له اسلام‌آباد او راولپنډۍ څخه ووځي.

د پاکستان حکومت خبرداری ورکړی، چې که افغان کډوال له دې ټاکل شویو مهلتونو سرغړونه وکړي، نو د نیولو او جبري ایستلو له ګواښ سره به مخ شي.

د ملګرو ملتونو د کډوالو ادارې UNHCR او د کډوالو نړیوال سازمان IOM دا پریکړه د پاکستان مېشتو افغان کډوالو لپاره خواشینونکې بللې او وایي چې دوی به د دې پریکړې د تطبیق په اړه د وضاحت غوښتنه وکړي، څو د کډوالو حقونه خوندي شي او د خوندیتوب لپاره یې لازم اقدامات وشي.

یوې باوري سرچینې ازادي راډیو ته وویل ،سید رحیم سعیدي، چې د طالبانو له لوري په درې کاله بند محکوم شوی، د یوه داسې فلم د جوړولو له امله نیول شوی چې لا تر اوسه بشپړ شوی نه و.

یادې سرچینې، چې د موضوع د حساسیت او د طالبانو د تهدید له امله نه غواړي هویت یې یاد شي، همداراز وویل، یوازې یو نیمه دقیقه د فلم د ازمایښتي ثبت لپاره اخیستل شوې وه.

د سرچینې په وینا، "د دې فلم موضوع د یوې نجلۍ د ژوند کیسه ده، چې د شپږم ټولګي څخه پورته زده کړو ته د دوام لپاره مجبوره شوې چې د هلکانو جامې واغوندي."

شاوخوا درې میاشتې مخکې، سید رحیم سعیدي د طالبانو له لوري د هغه څه په تور، چې "د نظام پر ضد تبلیغ" بلل شوی، په درې کاله بند محکوم شو او دا مهال د کابل د څرخي زندان کې بندی دی.

د افغانستان د خبریالانو مرکز په یوه اعلامیه کې ویلي چې د نوموړي محکمه د هغه او همدارنګه د مدافع وکیل یا د کورنۍ د غړو له ګډون پرته ترسره شوې.

د خبریالانو د ملاتړ کمېټې (CPJ) د دلوې په ۱۲مه، د یوې اعلامیې په خپرولو سره د دې خبریال د خوشې کېدو غوښتنه کړې.

سید رحیم سعیدي د یوټیوب د یوه چینل چلوونکی او د رسنیزو موادو تولیدونکی دی، چې په افغانستان کې یې فعالیت کاوه.

حماس د شنبې په ورځ د غزې په سویل کې درې یرغمل شوي بندیان خوشې کړل او اسراییلو او حماس ترمنځ د اوربند د موافقې په ترڅ کې د تبادلې په څلورم پړاو کې اسراییلو هم 183 فلسطینیان خوشې کړل.

فلسطیني او اسراییلي اسیران په غزه کې له حماس سره، چې امریکا او اروپايي ټولنه یې تروریستي ډله بولي، د اوربند د موافقې په اساس خوشې شول.

اوربند، چې د جنورۍ په ۱۹ پیل شو، موخه یې د اسراییلو او حماس وسله والې ډلې تر منځ د تر ټولو خونړۍ او ویجاړونکې جګړې ختمول دي.

د قطر، مصر او متحدوایالتونو په منځګړتوب په غزه کې د شپږو اوونیو په مخه د اوربند د موافقې له مخې د اسیرانو پر تبادلې سربېره غزې ته د بشري مرستو د رسولو بهیر هم پیلېږي.

د طالبانو حکومت په افغانستان کې د داعش او ځینو نورو ډلو د فعالیت په اړه د سیکار راپور رد کړی دی.

د طالبانو د حکومت مرستیال ویاند حمدالله فطرت رسنیو ته په یوه بیان کې په افغانستان کې د داعش او ځینو نورو ډلو د فعالیت په تړاو د سیګار د راپور په اړه وویل چې داعش ډله په افغانستان کې ځپل شوې ده او په خبره یې، په دې اړه اندېښنې د داعش لپاره "کمپاین" دی.

د افغانستان د بیارغونې لپاره د امریکا د حکومت د سرمفتش ادارې یا سیګار په خپل درې میاشتنې راپور کې چې د جنوري په ۳۰مه نېټه یې کانګرس ته وړاندې کړ او پرون د جنوري په ۳۱مه یې خپور کړ، ویلي دي چې طالبانو له یوې خوا په عراق او سوریه کې د داعش او د خپلو نورو مخالفو ډلو پرضد اقدامات کړي، خو د القاعده شبکې او د پاکستانی طالبانو د تحریک په څېر د نورو تروریستي ډلو پر فعالیتونو چوپه خوله پاتې دي.

په راپور کې دا هم ویل شوي دي چې د ۲۰۲۴ کال په وروستیو دریو میاشتو کې د داعش ډلې خراسان څانګه لاهم د افغانستان او سیمې د ثبات لپاره یو لوی ګواښ وه او په ټول کال کې یې په افغانستان، ایران، روسیه، پاکستان او ترکیه کې د ۶۰ حملو پړه منلې ده.