Тажик полициясы Дүйшөмбү шаарында өлкөнүн муфтийи Саидмукаррам Абдулкодирзодага кол салган кишини кармап, "бейбаштык" беренеси менен кылмыш ишин козгоду. Бирок талдоочулар муфтий атайын кызмат менен тыгыз байланышып, динчилдердин укугун тебелеген саясатты жүргүзүп жатканын айтышат.
Президент Садыр Жапаровдун басма сөз катчысы Аскат Алагөзов дин чөйрөсүн жөнгө сала турган мыйзам долбоорун “дааватка каршы” деп атоо туура эместигин белгилеп, коомчулукту бул теманын айланасында бурмаланган маалымат таратуудан алыс болууга чакырды.
Бавариянын ички иштер министрлиги исламчыл экстремизм менен күрөшүү максатында тартылып, бирок мусулмандар жөнүндө одоно расисттик стереотиптерди жайылтууга жана исламофобдук маанай жаратууга айыпталган видеону өчүрдү.
Кыргызстанда диний агартуу жаатында түзүлгөн “Ыйман” фондунун ишмердиги боюнча жаңжал чыкты. Фонддун ишмердигин текшерген аудит Түркиянын өкмөтү бөлгөн 5 миллион доллардан ашык акчанын отчету жок экенин аныктаган. Бул иш боюнча фонддун мурдагы эсепчиси камакка алынды.
Бишкекте Атамбаевдин мурдагы жан сакчысы Эркин Мамбеталиев кармалды. Курск аймагында "федералдык деңгээлдеги өзгөчө кырдаал" жарыялады. Парижде эркин күрөштөн 57 кг чейинки салмакта Бекзат Алмаз уулу коло медал үчүн күрөшөт. Кыз-келиндер күрөшүнөн Айсулуу Тыныбекова жарым финалга чыкты.
Казакстандын айрым аймактарында сот мектеп администрациясынын жоолукчан кыздарды сабакка киргизбей коюусун жана окуудан чыгаруусун мыйзамсыз деп тапты. Бирок соттон утуп чыккан ата-энелер менен мектептердин тиреши токтой элек.
Жайкы каникулдун башталышы менен өлкөдө мыйзамсыз иштеген диний лагерлер маселеси күн тартибине чыкты. Улуттук коопсуздук комитети (УКМК) бир айдын ичинде Бишкекте жана башка бир катар региондордо мындай жайлар аныкталып, жабылганын билдирди.
Сузак районуна караштуу Бек-Абад айылында мамлекеттик желек өрттөлгөн, ордуна ак мата илинген окуя өлкөдөгү диний экстремизм-терроризмге каршы күрөш, "Хизб ут-Тахрир" экстремисттик уюму, анын таасир-тамыры тууралуу талкууларга жем таштады.
УКМК бийликти басып алууга даярдаган деп кармаган топтун мүчөлөрүнүн үйүн тинткенде Жогорку Кеңештин депутатынын аскердик билети табылганы кабарланды. Атайын кызмат кармалган топ 31-августтагы Эгемендик күнүндө улуттук оюндар өткөн жерде теракт уюштурууну пландаганын билдирди.
Орусиянын курамындагы Дагестан республикасында никаб кийүүгө убактылуу тыюу салынды. Муфтият мындай чечим фатва бөлүмүнүн корутундусунун негизинде кабыл алынганын кабарлады. Серепчилер муну ксенофобиянын кезектеги толкуну жана "радикалдарга каршы күрөш" өнөктүгүнүн бир бөлүгү катары баалап жатышат.
Дагы жүктөңүз
