Бишкек жана Ош шаарларында шайлоонун жыйынтыгын жокко чыгарууну талап кылган акциялар өттү. Бишкек шаардык соту Курсан Асановду үй камагына чыгарды. Кубанычбек Жумалиев казынага 1 млрд. сом төгүп, эркиндикке чыкты. //"Бүгүн Азаттыкта". 12.04.21.//
Оштун борбордук аянтына 12-апрелде “Бүтүн Кыргызстан”, “Улуу журт” жана “Бир бол” партияларынын өкүлдөрү чогулуп, шаардык кеңешке өткөн шайлоонун жыйынтыгын жокко чыгарууну талап кылышты.
Бишкек шаарында «Эмгек», «Ак бата», «НДПК», «Ата-Журт Кыргызстан», «Ынтымак» жана «Биздин эл» партиялары 7% босогону өттү. Ошто алдыга «Ата-Журт Кыргызстан», «Улуттар Биримдиги» жана «Ыйман Нуру» партиялары алдыга чыкты. Референдум өттү деп жарыяланды.
Добуш берүү башталгандан бери Борбордук шайлоо комиссиясынын ыкчам чара көрүү боюнча координациялык тобуна отузга чукул маалымат түштү. 12 маалымат текшерилди, калганы боюнча иш жүрүп жатат жана анын жыйынтыгында кошумча чара көрүлөт.
Кыргызстанда бүгүн референдум жана жергиликтүү кеңештерге шайлоо өтүп жатат.
Кыргызстандын бардык аймагында жергиликтүү шайлоо жана референдумда добуш берүү үчүн шайлоо тилкелери ачылды. 11-апрелде 448 кеңештин, анын ичинде 28 шаардык жана 420 айылдык кеңештин депутаттары шайланат. Ушул эле күнү президенттик башкарууга ыктаган Конституциянын жаңы долбоору референдумга коюлат
Ош шаарында 10-апрелде 1519 адам добуш берди. Мыйзам боюнча шайлоо өнөктүгүнө катыша албаган жарандар аймактык шайлоо комиссиясына арыз менен кайрылышы керек. Бүгүн таңкы саат 8ден баштап добуш берүү башталган. Майыптыгы бар адамдар жана кары-картаңдар үйүнөн добуш беришти.
11-апрелде 28 шаардык жана 420 айылдык кеңештердин депутаттарын шайлоо болуп, анда биринчи жолу аялдар үчүн 30% квота колдонулат. Эмне үчүн аялдардын депутат болушу маанилүу - "Азаттыктын" видео түшүндүрмөсүндө ушул тууралуу сөз болот.
Дагы жүктөңүз