Сүрөт баян
COVID-19 дүйнөдө нааразылыкты күчөттү
Украинанын артисттеринин жана көңүл ачуу тармагынын кызматкерлери нааразылык акциясына чыккан учурда шаардын үстүнүнөн көрүнүп турган прожекторлор. Митингге чыккандар карантин шарттарын жеңилдетүүнү жана мамлекеттен каржылык колдоону талап кылышкан. Киев. 12-май, 2020-жыл.
Дүйнөдөгү көпчүлүк мамлекеттерде коронавирус пандемиясынын улам киргизилген карантинге нааразылыктар күчөп жатат. Айрым өлкөлөрдө киргизилген өзгөчө абалга карабай митингге чыккандар болууда. Алар карантиндин шарттарын талап кылышууда.
Гонконгдогу акция жана Рейтердин жеңиши
Полиция кызматкерлери нааразылык акциясына чыккандарга карата көздөн жаш агыза турган газ жана желим окторду пайдаланууда. Гонконг. 14-август, 2019-жыл.
Кытайдын курамына кирген бул автономиялык аймакта массалык нааразылык акциялары 2019-жылдын жай айларында башталган. Бийликтин кылмышка шектүү адамдарды Кытайга экстрадициялоо тууралуу мыйзамды кабыл алуу планы калың элди нааразы кылган.
Дүйнөдөгү эң чоң эл аралык маалымат агенттигинин бири Рейтер 2019-жылы Гонконгдогу нааразылык акциясын жана акция учурунда адам укуктарынын бузулушун чагылдырганы үчүн Пулитцер сыйлыгына ээ болду.
Бишкек менен Оштун көчөлөрүнө жан кирди
Бишкектеги тез татым жайларынын биринде иштеп жаткан жумушчу.
Бишкек, Ош, Жалал-Абад шаарларына жана Ат-Башы районуна киргизилген өзгөчө абал режими 11-майда алынды. Ал эми жалпы өлкө боюнча өзгөчө кырдаал режими кала берет. 11-майдан тартып бир катар мекеме-ишканаларга иштөөгө уруксат берилди.
Жеңиш, карантин жана эскерүү
Быйыл Кыргызстан 9-май Жеңиш күнүн карантин шартында тосуп жатат.
Экинчи дүйнөлүк согуштагы Жеңишке 75 жыл толду. Жыл сайын 9-майда белгиленчү маараке бул ирет коронавирус пандемиясына байланыштуу шаан-шөөкөтсүз өтүүдө.
Жеңишке 75 жыл: Жоокерлердин аты өчпөйт
Улуу Ата Мекендик согуштун катышуучусу, медициналык кызматтын ага лейтенанты Рафа Айдарбекова. Ленинград фронту. 1942-жыл.
Улуу Ата Мекендик согуштун 75 жылдыгына карата "Азаттык" согуш ардагерлеринин 1939-1950-жылдардагы сүрөттөрүн чогултту. Сүрөттөрдөгү жоокелердин катарында быйыл 100 жашка чыгып, Улуу Жеңиштин 75 жылдыгын тосуп жаткандар да бар.
Ооруктун күчү Жеңишти тездеткен
“Октябрь” колхозунун башкармасы М.Ахмедов колхозчуларга Советтик информбюронун маалыматын окуп жатат. 1941-жыл. (Сүрөт Кыргызстандын Борбордук Мамлекеттик Архивинин кинофотофонодокументтер бөлүмүнөн алынды).
Жаштыгы согуш талаасында калган жоокер
Маткерим Рахманбердиев 1915-жылы 20-апрелде Талас облусунун Манас районуна караштуу Ак-Таш айылында туулган. Чоң-Коргон айылындагы толук эмес мектепти бүтүргөндөн кийин Чүйдөгү Айыл чарба техникумуна тапшырып, ал жерде 1940-жылга чейин билим алвп, кийин согушка кеткен.
Маткерим Рахманбердиевдин фотоальбомундагы сүрөттөр 1941-1945-жылкы Экинчи Дүйнөлүк согуш учурундагы аскерлердин жашоосун чагылдырат. 80 жаш курагында көзү өтүп кеткен согуш ардагеринин кан майдандагы фотоальбомун чогуу барактайлы.
COVID-19 убактылуу ооруканаларды пайда кылды
Сербиялык аскерлер Белграддагы Көргөзмө комплексинин залын убактылуу ооруканага айландырууда. Бул жерге COVID-19га чалдыккан орточо оор, өпкөнү жасалма дем алдыруучу аппаратка муктаж болбогон бейтаптар жаткырылат. 24-апрель, 2020-жыл.
Албырган ажайып талаа
Май айында көркүнө келген кызгалдак эки жылдан бери быйыл гүлүн ачты. Быйыл жамгырдын мол жааганы буга шарт түздү.
Бишкек-Ош жолунун жээги кызыл килем төшөлгөн гүлгө оронду. Кызгалдак талаасы трассанын Базар-Коргон, Ноокен, Сузак аймактарында жайгашкан. Гүлдөрдүн ачылганына бир жумадан ашты.
Гүл жана беткап тагынган Прага
Чехия карантинден акырындап чыгып, чектөөлөр ырааты менен алына баштады. Анткен менен адамдардын бири биринен обочолонуусу жана беткап кийүү тыкыр көзөмөлдө. Жаздын келиши менен гүл жамынган баш калаа Праганын көчөлөрү акырындан элге толуп көркүнө чыгууда. Гүл жана беткап тагынган Прага шаарына фотосаякатка чыгалы
Лейлек: селден кийинки көрүнүш
Нөшөрлүү жаандан кийинки сел зыянга учураткан үйлөрдүн бири.
Баткен облусуна караштуу Лейлек районунун аймагында 2-май күнү кечке жуук жааган нөшөрлүү жаандан улам Кара- Булак, Тогуз-Булак айыл аймактарында жана Исфана шаарында сел жүрдү.
Акын элин таштап кетти
Зайырбек Ажыматов 1976-жылы 27-майда Аксы районунун Ак-Жол айылында төрөлгөн. 1998-жылы Жусуп Баласагын атындагы Кыргыз улуттук университетинин журналистика факультетин аяктаган.
«Азаттыктын» кабарчысы, акын, Кыргыз Республикасынын маданиятына эмгек сиңирген ишмер Зайырбек Ажыматов менен коштошуу зыйнаты бүгүн өзүнүн үйүндө өттү. Маркумдун сөөгү бүгүн 1-майда Бишкектеги «Ала-Арча» көрүстөнүндө жерге берилет.
Зайырбек акын азыркынын Алыкулу эле...
Акындын калеминен «Жалгыздык» (1996-ж), «Мелмил» (2005-ж), «Нөлү көп жылдар» (2011-ж), «Жүрөктөгү бороон» (2019-ж.) ыр жыйнактары жарык көргөн. Бир нече ырларына обончу-композиторлор обон жаратып эл арасында белгилүү болуп ырдалып калды.
Чебер калемгер, чыгаан акын, публицист Зайырбек Ажыматовду эскерүү кечеси "Азаттыктын" кеңсесинде өттү.
«Зайырбекмин, ысымы бар, өзү жок, закымдарды кууп жүрүп адашкан»
Төрт үмүтүм, төрт тилегим, кубатым,
Төлгө таштай көз алдымда турасың.
Төртөөңдө төрт бөлүнгөн мен бармын,
Төп болсо экен абийир, намыс, уятың.
Өлбөйм эми, өтөт жаным силерге,
Өзүңөрдү жан, дил менен сүйөргө.
Көңүлүмдү сыздаткыңар келбесе,
Көппө, чөкпө, душманга да түнөрбө, - деп Зайырбек Ажыматов балдарына ыр арнаган эле.
«Азаттыктын» кабарчысы, акын, Кыргыз Республикасынын маданиятына эмгек сиңирген ишмер Зайырбек Ажыматов 29-апрелде 44 жашында дүйнөдөн кайтты. Акындын артында жубайы, эки уул, эки кызы калды.
Коронавирус менен кармашкан ак халатчандар
Үй карантиндеги тургундардын акыбалына байкоо салган дарыгер. Өзгөн району.
Саламаттык сактоо министрлигинин маалыматы боюнча өлкөдө 29 миңге жакын жаран үй карантинге алынган.
Кыргызстанда өмүр сакчылары коронавирус менен күрөшүүсүн улантууда.