Күлкү кербени

* * * * * *

Грузиянын бир чакан шаарындагы театрда “Ленин Өктөбүр ыңкылабы күндөрү” деген оюн коюлуп жатты. Кепкачан Ленин иш кабинетинде улам жаңы декреттерге кол коюп, катуу иштеп жаткан кез.

Сырттан анын катчысы келип:

- Жолдош Лэлин, Дзэржинский сизден кабыл алууңузду өтүнүп жатат!

- Аны шейшембиге саат 4кө жазып кой. Ошондо келсин.

Катчы чыгып кетип, кайра кирет:

- Владимир Ильич, Свэрдлов да жолуксамбы деп жатат?

- Жолдош Свэрдилов шаршембиде саат 3тө кирсин.

Катчы “макул, айтам” деп чыгып кетип, кайра кириптир:

- Владимир Ильич, жолдош Сталин келиптир, аябай суранып жатат, азыр эле кабыл ал деп.

- Анын маселесине байланыштуу декретке колум тийе элек, жума күнү таңкы саат 10до сөзсүз кабыл алам, айтып кой.

Аңгыча залдагы көрүүчүлөрдүн бири кыйкырыптыр:

- Жолдош Лэлин, менин жердешимди тез эле кабыл алып коюңузчу, Мен да Гори шаарынан болом. Өтүнүч!..

- Опэ-эй, муну карасаң! – деп залдагы өтүнүч ээсине берки өнөрпоз ачуулана кайрылыптыр: - Бул жерде Лэлин менминби, же сенсиңби?!.

* * * * * *

Ленин дүйнө менен кош айтышаар учуру жакын калганын сезип, Сталинди чакыртыптыр.

- Мен абдан толкунданып, бир чети сабырсызданып турам, жолдош Сталин. Деги сизди эл колдоп кетээр бекен?

- Колдойт, жолдош Ленин!

- А кокус сизди ээрчибей коюшсачы?

- Анда алар Сизди ээрчип жөнөөгө аргасыз болушат, жолдош Ленин!

* * * * * *

Пушкинге арналган айкел долбоорлорунун жыйынтыгы жарыяланды.

Үчүнчү сыйлыктын ээси: “Пушкин Лениндин китебин окуп жатат” деген айкел.

Экинчи сыйлыктын ээси: “Ленин Пушкиндин китебин окуп жатат” деген айкел.

Биринчи сыйлыктын ээси: “Ленин Лениндин китебин окуп жатат” деген айкел.

* * * * * * * *

Батыш дагы эле Чыгыш Европага өз баалуулуктарын таңуулап жатат! Добуш бурмалабастан, акыйкат, бийликтин бутактарын жиктөө, ж.у.с.ларды айтып! Силер минтип биздин өлкөнү кулчулукка матай албайсыңар! Жетишет! Буга жол жок!

* * * * * * *

— Сиздин оюңуз кандай болду экен, Украина соңку шайлоодо чоочундарды шайладыбы же жырткычтардыбы?

— Менимче, жатып ичерлерди шайлап алды!

* * * * * * *

Шайлоо алдында Александр Лукашенка Беларустагы бир кыштаккка келип, калайык менен жолугушуу өткөрүүгө киришти.

Кыштактагы шайлоочулар аны көздөрүнүн төбөсү менен карап, унчукпай турушту.

Лукашенка:

— Жолдоштор, бул жакта рыформалар кантип жүрүп жатат?

Эч кимиси үндөбөдү.

Лукашенка:

— Ал эми жалыйнаңар кантип төлөнүп жатат?

Эч кимиси үндөбөдү.

Лукашенка:

— Жолдоштор, турак-жай маселеси кандайча чечилүүдө?

Эч кимиси үндөбөдү.

Жыйын төрагасы Лукашенкага кайрылды:

— Ляксандр Рыгорыч, бул жактагы калк түркөй келет, карапайым тил менен эле сүйлөсөңүз?!.

Лукашенка:

— Арыбагыла, мужиктер?

Бардыгы бир ооздон жооп кайырышты:

— Арыбаңыз, барин («байым»)!

* * * * * * *

— Шайлоодо сен «Элдик майдан» үчүн добуш бересиңби, же «Бирдиктүү Орусия» үчүнбү?

— Путин кайсынысын колдосо, ошол контора үчүн добуш берем.

— Кызык го, ал деген мунусун да, тигинисин да колоп атпайбы!

— А—а, Путиндин «ВВПны эки эсеге көбөйттүм» дегенин эми түшүнбөдүмбү!

(Мында сөз оюну катылган: ВВП – 1. Улуттук дүң өнүм; 2. Путиндин ысымы, атасынын ысымы жана тегатынын шарттуу кыскартылган баш тамгалары).

* * * * * * *

Шаштысы кеткен Медведев Кремлде Путинге жолугат:

— Добуш бурмалоого каршы нааразылык кылып демонстрацияга чыккандардын өлө көп санын көрдүңбү?

— Көрдүм. Эл чын эле соолуга түшүптүр. Тез арада арактын баасын төмөндөтүү керек.

* * * * * * *

— Уктуңбу, кечээ биздикилер кайрадан утулуп калышыпыр?

— Спорттун кайсы түрүндө?

— Футболдо.

— Биздикилер шайлоодо кантип жеңип чыкканды гана билишет эмеспи.

* * * * * * *