Күлкү кербени

Бир орто мектепте тынчтык сабагына Путиндин өзү катышып, саал узагыраак убакыт сүйлөйт экен. Айрым окуучулар уйкусурай баштаганын сезип, ал суроо менен окуучуларга кайрылат экен:

- Балдар, кимдир-бирөөңөрдө мага карата суроо барбы?

Тайманбас атка конгон Петя Иванов ордунан шарт турат да, суроосун узатат:

- Менин Сизге үч эле суроом бар: 1) Литвиненкону ким өлтүрдү? 2) Эмне үчүн өлкөбүздүн калкы өтө жакыр? 3) Эмне үчүн өлкөбүздө адам укуктары улам-улам бузулуп жатат?

Путин жарга такалгандай сезет, бирок капысынан коңгуроо кагылып, окуучулар танаписке чыгат.

Танапистен соң Путин кайра окуучуларга кайрылат:

- Мага суроо бергиси келгендер болсо, эч тартынбай мүмкүнчүлүгүңөрдөн пайдалангыла, балдар!

Ордунан турган Вовочка:

- Менин Сизге беш эле суроом бар: 1) Литвиненкону чын эле ким өлтүрдү эле? 2) Эмне үчүн өлкөбүздүн калкы итке минип калды? 3) Эмне үчүн өлкөбүздө адам укуктары тынымсыз бузулуп жатат? 4) Эмне үчүн танапис 20 мүнөткө эрте жарыяланып калды? 5) Досум Петяны каякка алып кетишти?

* * * * * * *

Эй, Муратжан, сени кошунабыз ашарга (өзбекче: “хашар”) чакырса, казанынын жанынан чыкпай, “аш ашамакка” (өзбекче: “ашар”) барып алыпсың го?

* * * * * * *

- Бизде эки пахтакор бар. Бири – пахта жыйымы маалында өз жагына таштарды эптеп киргизет, экинчиси – футбол оюнунда өз дарбазасына голдорду көптөп киргизет.

(Ара-чолодо шылуун пахтачыны да, “Пахтакор” футбол командасын да шакабалаган учур).

* * * * * * *

Түшүмсүз калып чачыңды жулгуча, учурунда отоо чөп жулсаң болмок!

* * * * * * *

- Келгиле, көркөм филмдер тууралуу сөз кылалык. Кечээ мен сонун тасма көрдүм. Анын аталышы – “Төрт танкист жана Махамматжан”.

* * * * * * *

- Бул депутаттыкка талапкерге менин итим да добуш бербейт!

* * * * * * *

- Эшегиңди эмнеге башка-көзгө чапкылап атасың? Бул үчүн мыйзам алдында жооп берип каласың!

- Эшегим, кенчирип койчу! Сенин мыйзамды жакшы билген жакының бар экенин курган жаным кайдан билипмин!

* * * * * * *

Ой досум, алтын арабаңды шайтан араба сүзүп алыптыр го?

(Досу айдаган инкассатордук машинени троллейбус сүзүп алгандагы сөз).

* * * * * * *

TT