“Премьер” гезитинин баш редактору Роман Романенко.
Вологда облусу Путиндин аскерине үмүт артат
Орусиялык журналист жана публицист, “Премьер” гезитинин баш редактору Роман Романенко президент В.Путинге өз облусунун тургундарынын атынан санааркоо, үмүт жана сатира учкуну ширелген катты интернет аркылуу жолдоптур.
* * * * * * *
Орусиянын президенти Владимир Путинге өлкөнүн Вологда облусунун тургуну, журналист жазган кат:
«Урматтуу Владимир Владимирович.
Биз орус тилдүү калктын укуктарын коргоо үчүн Крымга аскер киргизгиңиз келип жатканы тууралуу үйрөндүк.
Буга байланыштуу Сизге чоң өтүнүчүбүз бар: Вологда облусуна да аскер киргизсеңиз жакшы болоор эле. Мында каякты карабаңыз – бүтүндөй орус тилдүү калк жашайбыз жана биздин укуктарыбыз өлө бузулуп жатат.
Биздин кесел кишилерибиз тийешелүү дары-дармек ала албай, жакшылап дарылана албай жатат. Билим берүү деңгээлибиз жыл өткөн сайын улам төмөн түшүүдө. Балдар үчүн ийримдер четинен жабылып, айыл чарбасы болсо иш жүзүндө “оомийин” болду. Бардыгыбыз жабыркап жатабыз.
Биз Сизге абдан ыраазы болоор элек жана боштондукка чыгаруучуларга каршы эч кандай партизандык күрөш жүргүзүлбөйт деп кепилдик беребиз. Эл аралык санкцияларга деле кабылбасыңызды бөркүңүздөй көрө берсеңиз болот.
Бизге жеткен кабарга караганда, Крымдагы турмушту калыбына келтирүү үчүн абдан көп акча жумшаган жаткан экенсиз. Бизге саат уятыраак болсо да сурап калалык: ошол акчаны Вологда облусундагы тиричиликти калыбына келтирүү үчүн коротсок болоор эле. Болбосо облусубуз карызга белден өйдө батып калды, эч нерсега акча жетишпейт. Саат басып, бизге көпүрөлөр, жолдор, спорттук курулуштар, өнөр жай объекттери курулушу керек болуп, жаңы иш орундарын түзүү керек болуп жатканын карасаңыз!..
Сизге урматтообуз менен жана боштондукка чыгуу үмүтүн аркалоо менен,
Вологда облусунун орус тилдүү калайыгы”, -
деп журналист жана публицист, “Премьер” гезитинин баш редактору Роман Романенко бул Путинге арналган азил жана үмүт ширелген катты өз облусунун тургундарынын атынан интернетте жарыялаптыр.
Жылдыздардан космостук азилдер алда канча көбүрөөк. Бүт дүйнө жүзүнүн калктары Юрий Гагаринди жана башка космоско аттангандарды баатыр катары аздектешет. Ошол эле учурда аларды шылтоо кылып өздөрү тууралуу анекдотторду да арбын айтып келишет.
* * * * * * *
- Орусияда крепостнойлук түзүлүш жоюлган жыл кайсы эле? – тарых сабагынын сынагы маалында бир студент курсташынан шыбыраптыр.
Окутуучуга билдирбей тез арада жообун шыбырай калуу үчүн берки кыскараак сүйлөптүр:
- Алтымыш биринчи.
- Токтосоң... 61-жылы Юрий Гагаринге космоско чыгууга уруксат берилген да! А-а, эми түшүндүм. Ошонун урматына крепостнойлукту жоюшса керек... – дептир мээси анализди чагылгандай тез жүргүзгөн берки студент.
* * * * * * *
Валентина Терешкова космоско аттанганда казакстандык сыналгы журналисти толкундана айткан дешет:
- Азаматсың, Терешкова! Сен – эркексиң!
* * * * * * *
- Биздин коңшубуз космоско учуптур го. Сен качан учасың?
- Космоско Лайка деле учкан, анын эмнесине таң калат элек.
* * * * * * *
- Кеттик! – деп Гагарин адатынча шайдоот сүйлөдү.
- Каякка? – деп андан тактап сурады таксичи.
* * * * * * *
- Валентина Терешкова 2 сааттай кечигип, анан космоско аттанган дешет...
- Жөн эле... ал бет май, упа, эндиктер салынган кутучасын унутуп калып, саал-паал күтүүгө туура келген.
* * * * * * *
- “Менин таякем космоско барып келди” дейсиң, далилиң барбы?
- Ал жактан жандоочу (спутник) антеннасын белекке ала келиптир.
* * * * * * *
- Мен эки залкар киши үчүн сыймыктанам. Алар – Гагарин менен Ньютон. Биринчиси Жерден космоско качып кетүүгө алгачкы жолу далаалат жасаган. Экинчи киши болсо тигинин далаалаты тартылуу күчү аркылуу жокко чыгаарын далилдеп салган.
* * * * * * *
СССРден качкысы келген киши Гагариндин космостон кайтканына таң калып:
- Ой тобо-о, Гагарин Советтер өлкөсүнө кайра кайтып келүү үчүн гана космоско учтубу?
* * * * * * *
1961-жылы апрелде Юрий Гагарин ракета аркылуу Индияга учууну чечти. Ара-чолодо ал капысынан космос мейкиндигине жетип, кубанган бойдон мекенине кайтып келди.
* * * * * * *
Бир мактанчаак эстрада ырчысынан “космоско чыгаар белеңиз?” деп сурашыптыр.
- Эч качан!
- Неге?
- Ал жакта жылдыздар көп. Бул жакта мен жалгызмын.
