Укук коргоочу (учурдагы Акыйкатчы) Турсунбек Акундун турмушундагы тамашалуу окуялардын бири.
Ажылардын таарынышканы
Укук коргоочу Турсунбек ажы Акунов менен айтылуу Өзүбек ажынын катышы бар тура. Бир күнү Өзүбек ажы Турсунбек ажыны үйүнө конокко чакырат.
Турсунбек өз жубайын колтуктап алып барып калат.
Аш бышканча берки үй кожоюну болгон ажынын колуктусу көрүнбөйт.
- Өзүке, бу колуктуңуз бир жакка чыгып кеткенби?
- Жок, ал үйдө эле.
- Анда чакырбайсызбы, чогуу-чаран отуралы.
- Антүүгө болбойт, чоочун кишиге ал жүзүн көрсөтпөйт.
- Сиз менин үйүмө барганда жадырап-жайнап аялым менен сүйлөшүп, анын апакай колунан чыны чай алып, жыргап чайлашып отурасыз да, мен келгенде мындай кылганыңыз кандай? - деп укук коргоочу чындап ачууланыптыр.
Мурдагы "Солидарност" кыймылынын башчысы, мурдагы президент Лех Валенса. 2011.
Акчаң “күйгөнүнө” кайра сүйүн да!
Полшада 1980-жылдары “Солидарност” ("Тилектештик") кесиптик кошуундар биримдиги менен коммунисттик режим тирешип турган доордогу анекдот.
Бир поляк кенчиси Гданск шаарына келип, шаардык банкка аманат акча калтырууну чечет.
Саал ойлонуп, анча-мынча акчасына тынчсызданып банк кызматкеринен сурайт:
- Эгерде Гданск банкы банкрот болуп калса эмне кылам?
- Эч кам санабаңыз, Варшава банкынан аманат акчаны төлөп беребиз.
- Варшава банкы “отуруп” калсачы?
- Анда да коркпоңуз, бизде Полшанын Улуттук банкы бардыгын төлөйт.
- Саат басып, бул банк да сызга отурган болсочу?
- Анда шеригибиз Маскөө банкына кайрылабыз.
- Ал банк да банкрот болсочу?
- Эч кам жебеңиз. Мындай шартта Советтер Биримдигинин Борбордук банкы жардамга келет.
- Эсеби маселен, СССР Борбордук банкы да банкрот болсочу?
- Ой тобо-о, Сиздин акчаңыз салынгандан СССРдин банкы ойрон болсо, анда кайра сүйүнө бербейсизби! – дептир ичинен “Солидарност” ("Тилектештик") кыймылына жан тарткан банк кызматкери.
(Чет элдик интернет булактарынан алынып которулду).
