"Азаттыктын" Баткен облусундагы кабарчысы. Ош мамлекеттик университетин аяктаган.
Президент Садыр Жапаров Кадамжайдагы жыйырма жылдан бери чыры басылбай келген Шамбесай кенинен алтын казылбай турганын билдирди. Кенди иштетүүгө жергиликтүү тургундар караманча каршы болуп келишкен. Алар кен ишке кирсе, аймактагы Исфайрам суусу булганарын жана башка экологиялык маселелер чыгарын айтышкан.
Кыргызстан, Тажикстан, Өзбекстандын чек аралары кесилишкен Фергана өрөөнүндө суу - экологиялык, экономикалык же социалдык эле маселе эмес, геосаясий мүнөзгө да ээ. “Азаттык” радиосунун "Сел менен кургакчылыкка эмне себеп?" деп аталган атайын долбоорунун алгачкы чыгарылышын сунуш кылабыз.
23 жашында күйөөсүнүн ур-токмогунан каза тапкан Айкыз Калмурза кызынын иши боюнча Кадамжай райондук сотунун өкүмүнө жакындары нааразылык билдирүүдө. Райондук сот мындан эки аптадай мурда маркумдун жолдошун 13 жылга эркинен ажыраткан.
23 жашында күйөөсүнүн ур-токмогунан каза тапкан Айкыз Калмурза кызынын иши боюнча Кадамжай райондук сотунун өкүмүнө жакындары нааразы. Райондук сот майдын соңунда маркумдун жолдошун 13 жылга эркинен ажыраткан.
Баткенде үй тибинде ачылган бала бакчалар көбөйүүдө. “Өкмөттүк акселераторлор” программасынын алкагында үйүндө бала бакча ачып, ар бир тарбиячы 25ке чейинки балдарды тарбиялоого мүмкүнчүлүк түзүлгөн. Муну менен аймакта мектепке чейинки билим берүүнү жакшыртуу аракети болууда.
Мындан отуз эки жыл мурда жер көчкү корунучунан улам Сүлүктү шаарынан көчүрүлгөн 70тен ашык үй-бүлөгө Лейлек районунун аймагынан жер берилип, жаңы айыл түптөлгөн.
Кыргыз-тажик чек ара тилкесинде ок атылган окуядан кийин эки тараптын күч түзүмдөрү, жергиликтүү бийлик өкүлдөрү жолугушуу өткөрдү.
Баткендеги "Айгүл таш" мамлекеттик коругу 1978-жылы коргоого алынып, 2004-жылы гүл Кыргызстандын Кызыл китебине кирген.
Үч округда парламент депутатын шайлоого байланыштуу оозеки жана жазуу түрүндө жалпысынан 50гө жакын кайрылуу түшкөнү расмий маалымдалды. Анын ичинде добуш сатып алуу боюнча чара көрүү суранычы камтылган кайрылуулар да бар.
Кыргызстанда көмүрдү чет жактарга экспорттоо боюнча күз-кыш айларында убактылуу чектөө киргизилип келет. Министрлер кабинети автожол аркылуу сыртка көмүр ташууга тыюу салууда. Быйыл көмүрдү сыртка ташууга чектөө күзгө чейин узартылып, көмүр казгандар четке сата албай калганын айтышууда.
Баткендин борборунан 130 чакырымдай алыс, тоо арасындагы кышы узак, электр энергиясы жете элек, автоунаа каттабаган Зардалы айылына келерки жылы асканы боорлой автожол салынмай болду. Президент Жапаров бир тилкелүү жолдун долбоору даярдалып жатканын жарыялады.
Баткенде кыргыз-тажик чек ара тилкесинде Жолдошбай Момунов айылы түптөлдү. Чек араны бекмедөө максатында 2014-жылы тургундарга жер тилкелери бөлүнгөн. Бирок зарыл шарттардын жоктугунан эл айылга толук көчүп бара элек. Жакында конушка айыл макамы берилип, расмий ачылышы өттү.
Баткенде Апаз Жайнаков атындагы музыкалык драма театрынын ачылганына 18 жыл болду. Театр жылына он чакты чыгарманы сахналаштырып, көрармандарга тартуулайт. Жакында алар Чыңгыз Айтматовдун “Кылым карытар бир күн” романынын негизинде Султан Раевдин "Маң-миң бир түн" спектаклин сахнага даярдашты.
Баткендин 92 жаштагы тургуну Турду эне 14 баланы төрөп, эрезеге жеткирген. Турду эненин улуу кызы, келини да “Баатыр эне” наамын алган. Кылымга чукул жашаса да отуруп калбай малын карап, короосун тазалап, кыймылы тетик.
Баткенде коомдук уюмдардын көмөгү менен мигранттардын үй-бүлөлөрү, эмгек миграциясында жүрүп келгендер каржылык сабатуулук боюнча окуп, ишкердик баштоого каражат алууда. Бул иш чек арадагы аймакта мигранттарды реинтеграциялоо долбоорунун алкагында жүрүүдө.
Өткөн аптада кыргыз-тажик мамлекеттик чек арасын тактоо боюнча топографиялык жумушчу топторунун кезектеги жолугушуусунда дагы 10 чакырымдан ашыгыраак чек ара сызыгы боюнча мунаса жетишилгени кабарланды. Жумушчу топ чек араны тактоодогу эң татаал участкаларда иштеп жатат.
Баткенде тамчылатып суугаруу жолу менен 24 гектар жерди бакка айлантуу долбооруна 70 миллион сом каражат сарпталып, бирок эки жылдан бери бир түп дарак тигиле элек. Бул каражат кытай өкмөтү тарабынан грант катары берилген. Калган каржысына акча табылбагандыктан долбоор токтоп калган.
24 жылдан бери туруктуу иш алып барган «Инсан Лейлек» фонду Баткендеги коомдук демилгелерди колдоп, ар кыл долбоорлорду ишке ашырып келет.
Баткен шаарында ичүүчү суунун акысы 20% кымбаттады. Баткендиктер тариф кымбаттаганы менен элге ичүүчү суу толук берилбей жатканына нааразы. Баткен таза суу мекемеси суунун тартыштыгын кыскартып, электр энергиясы жана жумушчулардын эмгек акысын жабуу үчүн бааны көтөрүүгө мажбур болгонун түшүндүрдү.
Дагы жүктөңүз
