"Азаттыктын" Баткен облусундагы кабарчысы. Ош мамлекеттик университетин аяктаган.
Баткенде үч жасалма мөнгү тоңдурулду, аны дагы көбөйтүү пландалууда. Мындай жол менен суу тартыштыгын жеңилдетип, кайракы жерлерге суу жеткирип, жайыттарды жакшыртуу аракети көрүлөт.
Кадамжайда 23 жаштагы майып келин жети жыл чогуу жашаган жолдошу сабап, эсине келбей каза болгон.
Кадамжайда 23 жаштагы биринчи топтогу майыптыгы бар келин күйөөсүнүн ур-токмогунан каза тапты. Окуя 2-январда болгон. Кылмышка шектүү кармалып, тергөө башталды.
Баткендин чек арага жакын Ак-Татыр айылынын тургундары Бактыгүл менен Апиза эл аралык уюмдун колдоосу менен ишкерлик баштап, айылда популярдуу ашпозчуларга айланган. Алардын колунан чыккан даамдуу тамак-аш ар бир жакшылыктагы дасторкондун берекесин арттырат.
Баткендин борборунан 130 чакырымдай алыс, жолу катаал Зардалы айылында кышындасы туруктуу отузга жетпеген үй-бүлө жашайт. Айылга жол, электр энергиясын жеткирүү, туруктуу байланыш,
Лейлек районундагы уздар жаңы жабдыктын жардамы менен килем токуй башташты. Бишкектен жасалган бул шайман иштин түмөн түйшүгүн кыйла жеңилдетет. Адатта жерге отуруп алып, килем согуу бир топ оор. Уздар жаңы жабдык ишти жеңилдеткенине кубанганы менен килемдин баасы чыкпай жатканына кабатыр.
Баткендин Сүлүктү шаарына жакын Кош-Булак айылында жашаган мугалим Жазгүл Ахматкулова өз үйүндө англис тил үйрөткөн чакан борбор ачты. Мындай сунушту ага элеттик ата-энелер берген. Эл аралык уюмдун колдоосу менен зарыл жабдууларды алып, ушул тапта 20дай окуучуга тил үйрөтүүдө.
Баткендин Тажикстан менен чектеш Самаркандек айылынын тургуну Нуриза үйүнөн эле кыз келиндерге укуктук жардам берип, ага кошумча тикмечилик менен алектенип жатат. Орусиянын жогорку окуу жайынан билимин жогорулатып, айылында бейөкмөт уюмдардын колдоосу менен өз ишин баштай алган.
Баткен шаарынын 2 200 кожолугун таза суу менен камсыздоо үчүн 2016-жылы Европа реконструкциялоо жана өнүктүрүү банкы 5 млн 200 миң евро каражат бөлгөн. Долбоорду казакстандык компания ишке ашырган.
Баткендин Тажикстан менен чектеш Кара-Бак айылынын 20дай тургуну үй-жайына байланыштуу маселени чечүүнү суранып жатышат. Алардын үйү айылдагы жаңы көрүстөнгө жакын жайгашып калгандыктан, көчүү тууралуу талап коюлууда. Буга чейин мунапыс комиссиясы турак жайларды мыйзамдаштыруудан баш тарткан.
Баткенде атайын текшерүүдөн кийин 32 мечит жана 5 диний окуу жайдын ишмердүүлүгү токтотулду. Бир мечит уруксат кагаздарын алып, кайрадан эшигин ачты. Баткен облусунда 535 мечит, 16 диний билим берген мекемелер бар.
Баткендин Тажикстан менен чектеш айылдарында аялдарга ишкерлик кылууну үйрөткөн долбоор иштеп жатат. Ушул тапта тандалып алынган 30 кыз-келин бизнестин сырлары боюнча окуудан өтүп, чакан иштерин баштап жатат. Алардын алды жумуш орундарын түзө баштады.
Баткендин Тажикстан менен чектеш Дөбө айылынын 3 чакырым ички жолу 11 айдан бери оңдолбой, кечигип жатат. Жолго 18 миллион сом бөлүнүп, пилоттук долбоор катары таш төшөлмөк. Ушул тапта болгону 200 метр жол гана бүттү. Айылдыктар иштин кечигип жатканына нааразы болуп жатышат.
«Чек арасыз дарыгерлер» эл аралык уюму Баткенде чек арага жакын жашаган айыл тургундарына психологиялык жардам көрсөтүүдө. Адистер ар кандай чыр-чатактарды баштан кечирип, коркуп жашагандарга тийиштүү жардам берилбесе жалпы саламаттыгы жабыркашы мүмкүн экенин белгилешет.
Былтыр 14-сентябрда кыргыз-тажик чек арасында башталган жаңжал үч күнгө созулган. Эки тараптан жуздөн ашык кишинин өмүрүн алган куралдуу чатакта бир катар айылдар талкаланып өрттөлгөн. Достук айылы толугу менен өрттөлгөн. Быйыл бул айылда 60ка жакын жаңы турак-жай курулду.
Тажикстан менен чек арадагы Лейлектин Кулунду айыл аймагында 650 гектар жерге насос менен сугат суу чыгарган станциянын жабдыктары алмашты. 1963-жылдан бери иштеп келе жаткан насостук станция эл аралык каржылык уюмдун колдоосу менен 11 млн сомдон ашуун каражатка жаңыртылган.
1-сентябрдан тарта Кыргызстан менен Өзбекстандын жарандары ары-бери ички паспорт менен каттай баштады. Баткен облусундагы "Кайтпас" өткөрмө бекетинен кирип-чыккандардын саны көбөйдү. Буга чейин жүргүнчүлөр жалпы жарандык паспорт менен каттап, чек арадан өтүүнүн жол-жобосу татаал болчу.
Лейлек районунун борбору Раззаков шаарында мигранттардын балдары үчүн атайын бала бакча иш алып барганына 5 жылдан ашты. Аймакта жумушсуздуктан балдарын жакындарына таштап, четке кеткендер көп болгонунан улам мындай бала бакчага муктаждык күч.
Дагы жүктөңүз
