Бир лейлектик жигит Бишкекке келсе, күн сайын андан "Лейлек - жер түбү экени чынбы?" деп тажатып сурай беришет экен.
Бир жолу дагы бирөө ушундай суроо менен кайрылса, ал камаарабай жооп узатыптыр:
- Ооба, жердин эң четиндебиз. Келсеңиз көрөсүз - чек арага эңкейип келип алып, бутубузду аскадан салпылдаты-ып отура беребиз, бизден ары - тим эле туңгуюк!..
* * * * * * *
Бир карыя Баткенден Лейлеккке кетчү таксилердин жайына келип, таксичиге кайрылыптыр:
- Үкам, эңкейесиңби?
- Мине болду?
- Минип алат элем да...
(Мында карыя "Лейлекти карай эңкейиштеп - төмөндү карай кетесиңби? Унааңа түшүп алат элем" деп айтып жаткан экен).
