Казакстандын Атырау шаарынын административдик укук бузуулар боюнча соту Казакстандын желеги менен чуулгандуу сүрөткө түшкөн эки кызды жана жашы жете элек эки өспүрүм кыздын ата-энесин айыптуу деп тапты. Бул тууралуу шаардык соттун басма сөз кызматы билдирди.
Маалыматка караганда, мамлекеттик тууну көтөргөн төрт кызга карата “майда бейбаштык” беренеси боюнча кылмыш иши козголгон. Күнөөлүү деп табылган кыздардын бири 15 суткага камакка алынды. Дагы бир кызга 78 640 теңге (160 доллар) айып пул салынды.
Жашы жете элек эки кыздын ата-энеси 39 320 теңге (80 доллар) айып пул төлөөгө милдеттүү болду.
Март айынын соңунда Казакстандын батышындагы Атырау шаарында тартылган делген сүрөт социалдык тармактарда тарап, кызуу талкуу жараткан. Анда бети толугу менен жабылган же, тагыраагы, никабчан төрт кыз Казакстандын желегин көтөрүп турат. Желектеги символ күндүн үстү жагына диний символика жана араб тилинде жазылган сөздөр түшүрүлгөн.
Сүрөт 23-мартта Атырау муз сарайынын имаратында тартылганы белгилүү болду. Желек менен сүрөткө түшкөн кыздар кармалып, дароо полицияга жеткирилген. Аларга карата «Мамлекеттик символдорду мазактоо» беренеси боюнча кылмыш иши козголгонун жарыяланган. Бул берене боюнча жаза катары 23 миң доллардан ашык өлчөмдө айып пул салуу, коомдук жумуштарга тартуу же эки жылга чейин эркинен ажыратуу каралган. (AiA)
Шерине