Бишкек шаардык ички иштер башкармалыгынын басма сөз кызматы Новопавловка айылынын Фрунзе көчөсүндө чайханалардын биринин алдына болгон үрөй учурган кол салуу тууралуу комментарий берди.
Милициянын маалыматы боюнча, 31-мартта Бишкек шаарынын Ленин райондук ички иштер башкармалыгына 28 жаштагы жигитке белгисиз адамдар кол салып, бычак менен бир нече жолу сайып кеткени тууралуу маалымат түшкөн. Бул фактыга байланыштуу Кылмыш-жаза кодексинин “Адам өлтүрүүгө аракет кылуу” беренеси менен кылмыш иши козголгон.
Улуттук коопсуздук боюнча мамлекеттик комитеттин (УКМК) жана Бишкек шаардык милициясынын кызматкерлери бул кылмышка шектүү катары 30 жаштагы эки адамды (Ч.Э. жана М.Н.) жана 33 жаштагы (А.Б.) дагы бир кишини кармап, Бишкек шаардык ички иштер башкармалыгынын убактылуу кармоочу жайына киргизилди. Бардык соттук-медициналык экспертизалар дайындалды.
Социалдык тармактарда окуянын видеосу тарады. Анда үч адам жерде жаткан кишини бир нече жолу сайып, ур-токмокко алганын көрүүгө болот. Жолдон өтүп бараткан адамдар арачага түшкөндө, аларга да баш бербей сабашканы тартылган. (BTo)
Шерине