Журналист Эрлан Сатыбеков 24-декабрда ишемиялык инсульттан каза болду. Ал 2022-жылдан бери Жазаларды аткаруу кызматынын басма сөз бөлүмүнүн башкы адиси болуп эмгектенип жаткан. Бул тууралуу мекеменин 26-декабрдагы билдирүүсүндө жазылган.
Сатыбеков 1966-жылы туулган. Кыргыз мамлекеттик университетинин журналистика факультетин 1993-жылы бүтүргөн.
Эмгек жолун 1987-жылы “Кыргызфильм” киностудиясында режиссёрдун ассистенти болуу менен баштаган. Андан соң журналистикага аралашып, ошол маалдагы бир катар белгилүү басылмалар – “Дело№”, “Эркин Тоо”, Комсомольская Правда-Кыргызстан”, “Вечерний Бишкек” гезиттери менен кызматташып, коомдук-саясий темадагы макалаларды, курч иликтөөлөрдү даярдаган.
Кесиптештери анын көптөгөн кадрларга жол көрсөтүп, кыргыз журналистикасынын өнүгүшүнө салым кошконун, коомдук-саясий абал тууралуу өзүнүн пикирин ачык билдирип келгенин белгилешет.
Шерине