Ысык-Көлдүн Бостери айылында көл жээкте эс алып жүргөн 18 жаштагы адам сууга чөгүп каза болду. Маалыматты "Азаттыкка" Ысык-Көл облустук милициясы тастыктады. Өзгөчө кырдаалдар министрлигинин маалыматына караганда, быйыл алты айда 46 киши сууга чөккөн. Алардын тогузу Ысык-Көлдө катталган.
Июлдун башында Ысык-Көлдө сууга сүзүп жатып, 11 жаштагы кыз чөгүп кеткени соцтармактарга жарыяланды.
Расмий маалыматка ылайык, 2023-жылы Кыргызстанда 95 адам сууга агып же чөгүп каза болгон, анын ичинен 36сы балдар. (AsK)
