АДАМ ҚҰҚЫҚТАРЫ

Түрмедегі жанжал белсенділердің жаза мерзімін ұзартуға әкелуі мүмкін. Бұл арандату ма?

Қаңтар оқиғасынан соң "әуежайға шабуыл жасады" деген айыппен сотталып, түрмеде отырған Әйгерім Тілеужанның үстінен тағы іс қозғалды. Бұған сотталушылардың бірімен арадағы жанжал себеп болған. Билікті сынап жүрген, қазір қамауда жазасын өтеп жатқан Тимур Дәнебаев та камералас адаммен жанжалдасқан.

Абақтыдағы «жанжал» арандату ма?

Алматы облысы Ұйғыр ауданының орталығы Шонжыдағы абақтыда отырған азаматтық белсенді Досжан Қуаныштың әкімшілік қамау мерзімі 7 күнге ұзарды. Анасының сөзінше камерада біреумен жанжалдасқан. Оқиғаны ішкі істер министрі де растады

Оппозиция митинг өтеді деп белгілеген күннің қарсаңында бірнеше белсенді қамалды

Астанада бірнеше белсенді әкімшілік қамауға алынды. Билік оларды оппозиция қарсылық акциясы өтеді деп белгілеген күнге жеткізбей жазалады.

"Бар айыбым – қарақалпақпын". Атамекенде де, шетелде де қуғын көргендер

Қарақалпақтар 2000-жылдардың басынан Өзбекстаннан көрші елдерге жұмыс іздеп жиі шыға бастаған. Қазақстанда тұрақтап қалғандары да бар. Олар қарақалпақ тілі мен мәдениетін дәріптеп, кейде қоғамдық-саяси мәселелерді де талқылаған. Өзбекстан билігі сынға төзбей, оларға қысым жасауға тырысады.

"Трактормен – Ақордаға". "Билікті басып алмақ болды" деп айыпталған жеті адамға үкім оқылды

Алматыда "билікті басып алмақ болған" деген айып тағылған жеті адамның айыбы толығымен дәлелденді деген тергеу тарабының байламымен үндесетін үкім шығарды: үш адамды 6 жылға, үшеуін 5 жылға бостандығынан айырды. Олар тағылған айыпты жоққа шығарды. Кінәсін мойындаған бір адамға сот шартты жаза берді.

Freedom House-тың жылдық есебі шықты. Қазақстан туралы бөлімінде не айтылған?

"Баланы ұрған". Сарыағашта заңсыз діни дәріс берген адам күдікке ілінді

Түркістан облысы Сарыағаш ауданында мешіт жанында заңсыз "діни сауат ашу" курсын жүргізген ер адамға қарсы кәмелетке толмаған балаларды ұру дерегі бойынша іс қозғалды. Балаларға "ашумен қол жұмсағанын" мойындаған ол "құйрығынан ұруға ата-анасы рұқсат еткен" деп ақталады. Балалардың әке-шешесінен шағым түспеген. Қоғам өкілдері бала ұру – қылмыс дейді.

Навальныйдың өлімінен соң өзге саяси тұтқындарды не күтіп тұр?

Қазақстан түрмесіндегі бір жыл, Еуропадағы сергелдең. Қарақалпақ белсендісі көрген шырғалаң

Қазақстанда тұратын қарақалпақ диаспорасының белсендісі, Өзбекстан азаматы Қошқарбай Төремұратов Еуропаның орталығында қиын жағдайға тап болды. Құқық қорғаушылардың айтуынша, оны жақында Еуропаның бір елінен басқа елге шығарып, ары қарай Өзбекстанға экстрадициялауы мүмкін. Өз елінде Төремұратов пен бірнеше жақтасына айып тағылған. Мұны да құқық қорғаушылар Ташкенттің Нөкістегі ереуілді басып-жаншығаны сияқты репрессиялық науқандарының бір бөлігіне теңейді.

"Тергеу долбарын қайталаған үкім". "Қаңтар ісі" бойынша ұзақ мерзімге сотталғандар

Қаңтар оқиғасына байланысты ұзақ мерзімге түрмеге кесілген төрт адам үкімге келіспейді. Түрлі қалада сотталған оларға тергеушілер бір-біріне ұқсас айыптар тағып, сот кінәлі деп таныды. Қорғаушылары "тергеу біржақты өтті, сот айғақ-дәлелі жоқ ауыр айыптар тағып, әділетсіз үкім шығарды" дейді.

Ташкент қарақалпақ белсенділерін Қазақстан көмегімен қудалап жатыр