18 желтоқсан – Мигранттардың халықаралық күні. Кейінгі жылдары Еуропадан, соның ішінде Чехия мен Швециядан босқын мәртебесін сұрайтын қазақстандықтардың саны артқан.
АҚШ президенті Джо Байден банк саласын реттейтін саяси қызметке Қазақстан тумасы Сәуле Омарованы ұсынды. Тағайындалса, басқарманың 158 жылдық тарихында басшы атанған тұңғыш әйел, тұңғыш ақ нәсілді емес адам болмақ. 3,5 мың қызметкері бар басқарма мыңнан астам ірі банкті бақылайды.
Ауғанстандағы туыстары оқ пен оттың арасында қалғанын айтып көмек сұрайтындар көбейді. Оқырмандар Азаттыққа жіберген тізімде 100-ге таяу адам бар. Олардың ешбірі 9 қыркүйекте Қазақстан Ауғанстаннан әкелген 35 адамның ішінде жоқ. Ресми орындар қандастардың келесі легі қашан келетінін әлі айтпады.
Ауғанстанда "Талибан" билікті басып алғалы өзінің қазақ екенін, Қазақстанға кеткісі келетінін айтып, жәрдем сұрағандар көбейді. Әлеуметтік желіде Кабулдағы Қазақстан елшілігі алдында да бір топ қазақ апталап тұрғаны айтылды. 9 қыркүйекте Қазақстан Ауғанстаннан 35 қазақты елге әкелгенін хабарлады.
Қазақстан "Талибан" билік орнатқан Ауғанстаннан ұлты қазақ 35 азаматты елге арнайы ұшақпен жеткізді. Үкімет "қандастар уақытша оқшау жерде болады" дегенімен, оларды қайда орналастырғанын жарияламады. Азаттық тілшісі ауған қазақтары түскен қонақ үйді тауып, олардың бірі Мұхаммед Хасанмен сұхбаттасты.
"Талибан" Ауғанстанда билік орнатқаннан кейін ұлты қазақ екенін айтып, Қазақстан үкіметінен Ауғанстаннан алып кетуді сұраушы көбейді. Қазақстан СІМ ресми өкілі Ауғанстанда 200-дей ғана қазақ барын мәлімдеді. Ал ол елде тұратын қазақтар одан да көп екенін айтады. Азаттық ауған қазақтарын санап көрді.
Қазақстанда және бірнеше елде террористік ұйым деп танылған "Талибан" қозғалысы Ауғанстанға бақылау орнатты. Азаттық тілшісі сөйлескен Ауғанстан қазақтары үрей үстінде отырғандарын айтып, Қазақстаннан жәрдем сұрайды.
Украина соты Қытайдың Шыңжаң өлкесінде туған 24 жастағы қазақ Ерсін Еркінұлын, Украинадан пана сұраған өтініші қаралып болғанға дейін, босқындар орталығында қалдыруға шешім шығарды. Бірнеше күн бұрын Словакия шекарадан заңсыз өткен Еркінұлын Украинаға кері қайтарған.
Нұр-Сұлтанда тұратын Алтынхан Қалиярқызы бір жарым жылдан кейін әзер қауышқан екі ұлы Қазақстанда қалып, азаматтық алғанын қалайды. Наурызда Қытайдан уақытша келген Таңжарық пен Есіл Шыңжаңға оралса жазаға тартыламыз деп қауіптенеді. Үш ұлдың үлкені Қытайда қалған.
Тағы
