Алматыдан 12 шақырымдағы Көкжайлау шатқалында тау шаңғысы курортын салу жобасын талқылау мен оны қоғам тарапынан сынау 2002 жылы басталған. Содан бері жобаның техникалық-экономикалық негіздемесі (ТЭН) мен жобалау-сметалық құжаттарын (ЖСҚ) дайындап, болашақ курортты энергиямен қамтамасыз етуі тиіс қосалқы электр станциясы құрылысына кірісіп үлгерген, тіпті, жоба уақытша тоқтап, 2017 жылы қайта жаңғырған. Ескі ТЭН мен ЖСҚ енді жарамсыз болып қалды.
