2006 жылғы ақпанда оппозиция лидері Алтынбек Сәрсенбайұлын екі көмекшісімен қоса атып өлтірді. Бұған дейін екі рет сот өтіп, "кісі өлтіруге тапсырыс беруші" мен "орындаушы" адамдарға үкім шықты. Марқұмның туыстары мен серіктері "саяси қастандықтың құпиясы әлі толық ашылған жоқ" деп біледі.
25 жыл бұрын, жаңа Конституция бойынша сайланған қос палаталы парламент жұмысқа кірісіп, Мәжіліс төрағалығына белгілі саясаткер Марат Оспанов сайланған еді. Білетіндер оны Нұрсұлтан Назарбаевтың режимін күшейтуге ат салысқан, сөйте тұра оны сынаудан да қаймықпаған тұлға болды деп еске алады.
Қазақстан президенті Қасым-Жомарт Тоқаев "Қазақстаннның жаңа тарихын жүйелі зерттеген жөн" деп жазды. Қазақстан тарихының "ақтаңдақ беттері" әлі зерттелмеді ме? Сапалы тарих оқулығын жазу мүмкін бе? Жаңа тарихта елдегі мәселелер, ақиқат жазыла ма? Азаттық тарихшы Хангелді Әбжановпен сұхбаттасты.
90 жыл бұрын, 1930 жылғы желтоқсанда Қарағандыдан 45 километр жердегі Долинка ауылында ГУЛАГ жүйесіндегі ең ірі тұтқындар лагері құрылды. Азаттық Қарағандының тумасы, қазір Мәскеуде тұратын ғалым, Қарлаг тұтқындары жайлы деректер жинап жүрген Оксана Воробьевамен сұхбаттасты.
Қазақстанды отыз жылдай басқарған Нұрсұлтан Назарбаевтың жақындары – қазір елдегі ең бай адамдар. Олардың арасында мемлекеттік қызметте жүргендер, ұлттық компанияларды басқарып отырғандар, ірі бизнесмендер бар.
Жетпіс бес жыл бұрын, Екінші дүниежүзілік соғыс аяқталған соң, Совет одағы Германияның Кёнигсберг қаласы мен Шығыс Пруссияның көп бөлігін өзіне қосып алды. Азаттық соғыстан қираған қалаға алғаш болып қоныстанған орыс тұрғындардың кейбірімен сөйлесті.
30 жыл бұрын Қазақстан егемендігі туралы декларацияны СССР құрамындағы 15 республиканың 13-і егемендігін жариялап қойғаннан кейін қабылдаған. 1990 жылдардың басында "егемендік шеруі" деп аталған бұл процесс бір жылдан кейін тәуелсіздік декларацияларына ұласып, СССР-дің дәурені аяқталды.
Қазақстан билігі совет кезінде саяси қуғын-сүргінге ұшырағандарды "толық ақтап алу" туралы мәселе көтерді. Ал белсенділер мен құқық қорғаушылар билік әуелі бүгінгі саяси тұтқындарды ақтап, босатуы тиіс деп санайды.
Тағы
