АЙМАҚ ХАБАРЛАРЫ

"Жеке мүддені қорғаштайды". Кәсіпкерлер облыс әкімі Даниал Ахметовті сөкті

Шығыс Қазақстанда бірнеше кәсіпкер облыс басшылығын мемлекетке "зиян" шешімдер қабылдады деп сөкті. Даниал Ахметов басқаратын облыс әкімдігі бұған ресми пікір білдірген жоқ. Қазақстанда бизнестің билікке ашық қарсы шығатын кезі сирек. Бұл жолғы тірестің астарында не жатыр?

"Абайды Назарбаевқа айырбастамаймыз". Кешенге экс-президенттің атын беруге қарсылық

Қазақстанды отыз жылға жуық басқарған Нұрсұлтан Назарбаев президент болып тұрған кезде облыс орталығы мәртебесінен айырылып, Шығыс Қазақстан облысы құрамындағы қала болып қалған Семейде "Абай арена" деген спорт кешенінің атауын "Елбасы аренаға" айырбастауға келіспейтіндер бар.

"Ақшаны өзге мақсатқа жаратқан". Ірі кәсіпорындар қарызға қалай батты?

Шығыс Қазақстандағы екі ірі кәсіпорын – Cемей ет комбинаты мен "Қазақцемент" зауыты миллиардтаған қарызға батып, жылдар бойы қызметкерлеріне жалақы төлей алмай отыр. Екі компанияны да кезінде Қазақстандағы ең бай кәсіпкерлер тізіміне енген, бұрын парламент депутаты болған адам басқарған.

Өтемақыға келіспеген ауыл тұрғындары сусыз, жарық пен жылусыз қалды

Қарағанды облысында "Қазақмыс" компаниясы мыс өндіретін кен орнына жақын маңда тұратын ауыл тұрғындарын күштеп көшіру жалғасып жатыр. Үйін босатудан бас тартқан тұрғындар сусыз, жарық пен жылусыз қалған.

Тұрғындардың шымбайына батқан экология мәселесі неге шешілмей келеді?

Теміртау белсенділері 180 мың тұрғыны бар қала зиянды қалдыққа тұншығып отырғанын бірнеше жылдан бері айтып, дабыл қағып жүрсе де, мәселе әлі шешілген жоқ. Ауаны ластайтын қалдықтың басым бөлігі жергілікті металлургия комбинатынан шығады. Белсенділер мұны "экологиялық геноцидке" балайды.

"Оқушы жалдап, жүгеріні қолмен тердік". Зайсан шаруалары комбайнға зәру

Шығыс Қазақстан облысы Зайсан ауданының шаруалары комбайн жоқтығынан көктемде салған егінді күзде қолмен жинауға мәжбүр болғанын айтады. Олардың жергілікті билік шаруа қожалықтарын күзде комбайнмен қамтамасыз етсе деген тілегі бар. Ал әкімдік "комбайн тапшы" деген сөзді жоққа шығарады.

Кафеде газ баллон жарылып, 2 адам мерт болды. Тұрғындар түгел көшірілді

Жаңатастағы өрттен мерт болған бес баланы Үшаралға жерледі

Жамбыл облысындағы Жаңатас кентінде үйде ата-анасы жоқта шыққан өрттен қаза болған бес баланы 20 ақпанда әкесінің ауылына жерледі. Отбасына ауыр қайғы әкелген төтенше оқиғаның жай-жапсары тексеріліп жатыр. Президент Қасым-Жомарт Тоқаев бұл оқиғаны "ел басына түскен трагедия" деп атаған.

"Рейдерлік әдіс". Ақтас ауылын жылытқан альтруистің хикаясы

Қарағанды облысы Ақтас ауылындағы көппәтерлі үйлердің бір бөлігі жергілікті тұрғын Олег Горбунов салған қазандықтан жылу алып келген. Бірақ бірнеше жыл бұрын билік жаңа қазандықтың құрылысына қаржы бөліп, Олегтің өзі де, еңбегі де ескерусіз қалған.

"Күндік жоспар - 70 мың, айлығым - 75 мың". Автобус жүргізушілер наразылығы

Ақтөбедегі жолаушы таситын компанияның жүзге жуық жұмысшысы басшылықтан жалақы мен әлеуметтік төлемдерге қарызды өтеуді, айлықты көбейтіп, күндік жоспарды азайтуды талап етіп, жұмысқа шығудан бас тартты. Қала әкімі "мәселені шешуге" сөз берген соң ғана жұмысшылар ереуілді тоқтатты.

Жүргізушілер наразылығынан кейін Shymkent bus басшылығы жалақыны көтеруге келісті

3 ақпанда Шымкенттегі Shymkent bus компаниясының автобус жүргізушілері жалақыны көбейтуді талап етіп, жұмысқа шықпады. Олармен келіссөзде басшылық "компанияның шамасы жеткенше" жұмысшылар талабын орындауға келісті.