Израиль қарулы күштері Газаның оңтүстігіндегі Рафах қаласына шабуылдап жатыр. Енді жаяу әскер кіргізбек. АҚШ, Қытай, Германия бастаған бірқатар ел бейбіт тұрғындар қауіпсіздігіне алаңдап, жоспардан бас тартуға шақырды.
Еуропада фермелер наразылығы әлі жалғасып жатыр. Енді Испанияда шаруалар жолды жапты. Ал Пәкістанда ертең өтетін сайлау қарсаңында ірі жарылыс болып, ондаған адамның өмірін қиды. Бұдан бөлек бүгін Ресейдің Украинаға жасаған әуе шабуылынан кемі үш адам қаза тапқан.
Азаттық зерттеуі Әзербайжан президенті Илхам Әлиевтің отбасына тиесілі банктердің нарықтағы үлесі 43 пайызға жеткенін көрсетті. Банктердің бұл үлесі 2015 жылы ұлттық валюта құнсызданғалы бері 3 есе артқан.
Алматыда болған жер сілкінісінің эпицентрі — Қытайдың Шыңжаң өлкесі. Дүмпу қуаты 7,1-ге жеткен. Ондағы қуатты зілзаладан ондаған үй бүлініп, бірнеше адам жараланған. Ал дүмпу жайылған тағы бір ел Қырғызстанда жағдай аса қиын емес.
Ресейде оппозиция өкілдері Борис Надеждинге қол жинауға үгіттеп жатыр. Ол президент Владимир Путин мен Украинаға қарсы соғысты сынайтын кандидаттыққа үміткер. Надеждиннің кандидат ретінде тіркелуіне қол қою үшін жер-жерде адамдар кезекте тұр. Надеждин деген кім? Ол Путинге шын қарсылас бола ала ма?
Башқұртстандағы наразылық — жеке, өңірлік, ұлттық саясат аралас, әлеуметтік жарылыс қаупі бар оқиға. Мәскеу Украинаға қарсы соғыс жүргізіп жатқан тұста президент Владимир Путиннің орталықтандырылған жүйесіне өңірдегі жағдайды бақылауда ұстау қиынға соғуы мүмкін.
Еуропарламент Орталық Азия жөніндегі резолюцияны басым дауыспен қабылдады. Қарарда аймақ елдерін адам құқықтары саласындағы халықаралық міндеттемелерді орындауға және Еуропа Одағымен тығыз ынтымақтастықта болуға үндеген.
Тағы
