ӘЛЕУМЕТ

Бишімбаев ісінен кейін әйелдер үйдегі әлімжеттікті жиі айта бастады

Қазақстанда қазіргі және бұрынғы шенеуніктердің әйелдері отбасында қорлық көріп, зорлық-зомбылыққа ұшырайтынын жиі айта бастады. Мұндай мәлімдемелер әйелін қатыгездікпен өлтірді деп айыпталған бұрынғы экономика министрі Қуандық Бишімбаевтың соты мен ел президенті тұрмыстағы зорлық-зомбылықты қылмысқа теңестіретін жаңа заңға қол қойғаннан кейін жасалып жатыр.

Депортация қаупі төнген ауған қазағы бостандыққа шықты

Қазақстан азаматтығын алуға өтініш берген ауған қазағы Сәми Ата Ғұл 15 мамырда Ақмола облысы Целиноград аудандық полиция бөлімінің уақытша ұстау изоляторынан босап шықты. Сол күні таңертең ІІМ Көші-қон комитеті қызметкерлері оны үшінші рет ұшаққа салып жіберуге тырысқаны белгілі болды.

"Қоғам пікірі" мен "саяси астар" Бишімбаев үкіміне әсер етті ме?

"Азаматтық некедегі әйелін өлтірді" деп айыпталған бұрынғы ұлттық экономика министрі Қуандық Бишімбаев пен оның "қылмысты жасырды" деп айыпталған туысы Бақытжан Байжановқа шыққан үкімді қоғам әртүрлі қабылдады. Жәбірленуші тарап сот ұйғарымына "келіссе", феминистік белсенділер "өмір бойы түрме жазасына кесуді" талап етіп көшеге шықты. Ал құқық қорғаушылар үкімге "қоғам пікірі мен істің саяси жағы әсер етті" дейді.

Жайық деңгейі шекті межеден асты. Атырау мен облыстағы қазіргі ахуал

14 мамырға қараған түні Атырау облысындағы Жайық өзені деңгейі қауіпті межеден асты. Облыс орталығы мен Махамбет және Индер аудандарын су басу қаупі бар. Өзен сағасындағы елді мекендерге де қатер төніп тұр.

Сот Бишімбаевты 24 жылға, Байжановты 4 жылға түрме жазасына кесті

Төмпешікке айналған ауыл. Зайсан зілзаласының жазылмаған жарасы

1990 жылғы 14 маусымда Шығыс Қазақстандағы Зайсан ауданында 8 балдық жер сілкінісі болды. 9 мыңдай үй құлап, бір бала көз жұмды. Қираған ауыл сол баланың атымен "Біржан" аталады. Азаттық тілшісі Біржанға барып, 34 жыл бұрынғы зілзаланың жарасы жазылмағанына, жұрттың одан сабақ алмағанына куә болды.

"Мектеп әжетханасында әлімжеттік жасаған". Құмжота ауылындағы оқушы қазасының мән-жайы

Жамбыл облысы Байзақ ауданы Құмжота ауылы Ыбырай Алтынсарин атындағы мектептің 8-сынып оқушысы Мирас Мәлік мектеп ауласындағы әжетханада көз жұмды. Оның қазасына күдікті ретінде осы мектептің 9-сынып оқушысы үйқамаққа алынды. Марқұмның және күдіктінің ата-анасы оқиғаға бірнеше баланың қатысы болуы мүмкін дейді. Мектеп әкімшілігі бұрын-соңды оқушылар арасында әлімжеттік болмағанын алға тартады.

"Кінәлімін, бірақ қасақана өлтірген жоқпын". Бишімбаевтың соңғы сөзі

6 мамырда бұрынғы ұлттық экономика министрі Қуандық Бишімбаев пен оның бірге айыпталған туысы Бақытжан Байжанов сотта соңғы сөздерін айтты.

"Төрт қабырғаға қамалып отыр". Даун синдромы бар баланың өмірі

Ақтөбеде Даун синдромы диагнозы қойылған 200-ден аса бала мен жас адам бар. Бірақ қалада осы балаларды оңалтуға арналған мемлекеттік мекеме жоқ, сондықтан ата-ана баласын ақылы оңалту орталыққа апаруға мәжбүр. Алайда шіркеудің бір бұрышында ашылған жеке орталықта логопед, дефектолог маман тапшы. Азаттық сөйлескен ата-аналар Даун синдромы диагнозы қойылған балаларының қоғамға бейімделуі қиын екенін айтады.

Қазақ баспасөзінің ерекшелігі, БАҚ-тағы активизм, “негатив” және компромисс. Мичиган профессоры Эрик Фридманмен сұхбат

3 мамыр – Халықаралық баспасөз еркіндігі күні қарсаңында Азаттық Мичиган штаты университетінің профессоры Эрик Фридманмен сөйлесіп, демократия орнаған және орнамаған елдердегі журналистиканың ерекшеліктерін талқылады.

"Бұл жерден кетпеймін". Тасқын жайпаған ауылда жалғыз қалған отбасы

Биылғы су тасқыны Ақтөбе облысы Екпетал ауылындағы үйлерді түгелдей жайпап кетті. 50 шақты түтін болған ауылда қазір жалғыз отбасы қалған. Өзгелері аудан орталығы Ойылға көшірілген. Екпетал іргесіндегі 20 шақты үй болған Жаңабаз қыстағында да сау үй қалмаған. Екі ауылдан мыңнан астам мал басы шығын болды. Әйтеуір адамдар аман. Азаттық тілшісі Екпеталдың қазіргі жағдайын көріп қайтты.