Կանադայի նորընտիր վարչապետ Մարկ Քարնին կիրակի օրը հայտարարել է ապրիլի 28-ին արտահերթ ընտրություններ նշանակելու մասին: Նա ասել է, որ իրեն ուժեղ մանդատ է պետք՝ հաղթահարելու ԱՄՆ նախագահ Դոնալդ Թրամփի սպառնալիքը, որը «ցանկանում է կոտրել մեզ, որպեսզի Ամերիկան կարողանա մեզ տիրել»:
Երկու վաղեմի դաշնակիցների և հիմնական առևտրային գործընկերների միջև հարաբերությունները վատթարացել են այն բանից հետո, երբ Թրամփը մաքսատուրքեր է սահմանել Կանադայի նկատմամբ և սպառնացել է բռնակցել որպես 51-րդ նահանգ:
«Մեր պատասխանը պետք է լինի ուժեղ տնտեսություն և ավելի անվտանգ Կանադա կառուցելը», - ասել է նա:
Հունվարի սկզբին Թրյուդոն հայտարարեց, որ ինը տարվա ղեկավարումից հետո մտադիր է հեռանալ վարչապետի և իշխող լիբերալների առաջնորդի պաշտոնից:
59-ամյա Քարնին հավաքել էր ձայների 86 տոկոսը:
