Бліц-аналіз

«Сёлета Беларусь павінна аддаць 12-13 мільярдаў даляраў»

Старшыня Нацыянальнага банку Надзея Ермакова паведаміла, што афіцыйны Менск спадзяецца на 3,6 млрд даляраў крэдыту ад МВФ. «Прапанова беларускага боку — рэфінансаваць запазычанасьць, якая сёньня ёсьць перад МВФ», — паведаміла Ермакова.

«Беларуская сыстэма адукацыі выхоўвае пакорлівых, апатычных жыхароў краіны»

Беларусь не гатовая далучыцца да Эўрапейскай прасторы вышэйшай адукацыі, гэтак званага Балёнскага працэсу. Да такой высновы прыйшла працоўная група на сваім паседжаньні ў Капэнгагене. У Беларусі няма патрэбнай ступені акадэмічных свабодаў, інстытуцыянальнай аўтаноміі і самакіраваньня ў сыстэме вышэйшай адукацыі, гаворыцца ў паведамленьні Міністэрства навукі, інавацыяў і вышэйшай адукацыі Даніі. У чым беларуская сыстэма адукацыі не адпавядае эўрапейскім стандартам? Каго выхоўваюць сёньняшнія беларускія ўнівэрсытэты? На гэтыя пытаньні адказвае кіраўнік Беларускага гуманітарнага ліцэю Ўладзімер Колас.

«У нас імкліва расьце розьніца між беднымі і багатымі»

Нацыянальны статыстычны камітэт абнародаваў памер сярэдняга заробку ў сьнежні — 2 мільёны 877 тысяч рублёў (345 даляраў). У параўнаньні зь лістападам заробкі павялічыліся амаль на 20%. Чым выкліканае і ці абгрунтаванае эканамічна такое павялічэньне? Чаму ў Беларусі расьце розьніца паміж багатымі і беднымі ? На гэтыя пытаньні адказвае эканаміст Міхал Залескі.

«Не байкот, а дамоклаў меч байкоту»

Ці павінна апазыцыя ўжо зараз цьвёрда вызначаць фармат свайго ўдзелу ў парлямэнцкіх выбарах альбо іх байкоту або варта пачакаць?

«Калі будуць гнацца за ростам ВУП, курс даляра будзе расьці»

Інстытут Мінэканомікі прагназуе курс на ўзроўні 9 тысяч рублёў за даляр у канцы 2012 году. Пра гэта паведаміў намесьнік дырэктара навукова-дасьледчага эканамічнага інстытуту Міністэрства эканомікі Віктар Пінігін, выступаючы 20 студзеня на пасяджэньні рэспубліканскага клюбу дырэктараў у Менску. Пры якіх умовах, пры якой фінансава-эканамічнай палітыцы магчыма ажыцьцяўленьне такога прагнозу? Як замежныя чыньнікі будуць уплываць у гэтым годзе на фармаваньне курсу беларускага рубля? На гэтыя пытаньні адказвае эканаміст, дырэктар па дасьледаваньнях Лібэральнага клюбу Яўген Прэйгерман.

«Беларускім сілавікам хацелася б мець такую ўладу, як у Расеі»

«Правядзем парлямэнцкія выбары, і думаю, што нам трэба зьвярнуць сур’ёзную ўвагу на палітычную рэформу або рэформу палітычнай сыстэмы нашай краіны», — заявіў Аляксандар Лукашэнка ў інтэрвію кітайскім журналістам. Якіх перамен можна чакаць ад гэтай палітычнай улады, ці будуць яны сапраўднымі альбо касмэтычнымі? Як зьмянілася сутнасьць цяперашняга рэжыму за год, што прайшоў пасьля прэзыдэнцкіх выбараў? На гэтыя пытаньні адказвае палітоляг Юры Чавусаў.

«Ня выключана, што ўлады будуць вымушаныя пусьціць у парлямэнт прарасейскую апазыцыю»

Адзін з арганізатараў «Народных сходаў» палітык Віктар Івашкевіч прапанаваў апазыцыі стратэгію актыўнага байкоту парлямэнцкіх выбараў. Наколькі аптымальнай зьяўляецца гэтая стратэгія, ці ёсьць у апазыцыі іншыя варыянты паводзінаў? Каго на гэтых выбарах улада можа прапусьціць у Палату прадстаўнікоў? На гэтыя пытаньні адказвае рэдактар інтэрнэт-праекту «Мы» палітоляг Кірыл Пазьняк.

«Я не адчуваю, каб у грамадзтве былі шырокія салідарныя настроі»

За апошнія тыдні ў Беларусі адбылося некалькі лякальных выпадкаў вытворчых канфліктаў і праяваў салідарнасьці працоўных супраць уціску адміністрацыі прадпрыемстваў. Ці можна сказаць, што ў краіне растуць пратэстныя настроі? Якімі сродкамі ўлада будзе імкнуцца гасіць такія канфлікты? На гэтыя пытаньні адказвае палітычны аглядальнік газэты «Белорусы и рынок» Паўлюк Быкоўскі.

«Можа дайсьці да прыпыненьня дыпляматычных адносінаў з ЗША»

«ЗША ня бачаць будучыні ў адносінах зь Беларусьсю», — заявіў дарадца дзяржсакратара ЗША Гордан.

«Хто ж стварыў такую сыстэму, калі выгадна купляць тавар у пасярэднікаў, працаваць па шэрых схемах?»

Аляксандар Лукашэнка назваў пасярэднікаў у эканоміцы «паразытамі» і запатрабаваў выпрацаваць дакладныя падыходы да рэгуляваньня пасярэдніцкай дзейнасьці. «Дзяржава і эканоміка нясуць страты з-за таго, што утварыўся цэлы паразытычны слой, які жыруе на спэкуляцыях», — заявіў кіраўнік дзяржавы. Чаму ў беларускай эканоміцы існуюць пасярэднікі і якую функцыю яны выконваюць? Чаму іхняя дзейнасьць выклікала абурэньне Аляксандра Лукашэнкі і ці прывядзе гэтае абурэньне да прыняцьця нейкага дакумэнту?

«Гэты падыход у савецкай традыцыі сталінскага «нарміраваньня»

У Беларусі плянуецца увесьці нормы спажываньня электрычнасьці. Гэта значыць, нейкую частку электраэнэргіі грамадзяне будуць аплачваць па льготным тарыфе, а рэшту — па 100%. Праўда, паміж рознымі міністэрствамі існуюць разнагалосьсі наконт таго, якімі мусяць быць гэтыя ліміты. Ці можа такі падыход вырашыць праблемы энэргазьберажэньня? Якія самыя энэргазатратныя галіны ў беларускай эканоміцы? На гэтыя пытаньні адказвае эканаміст Міхал Залескі.

«Такія прафсаюзы памруць, і ніхто помніка не паставіць»

Якой павінна быць роля прафсаюзаў у пераходных эканоміках, такой, як беларуская? Чаму большасьць беларусаў успрымае сёньня прафсаюзы не як грамадзкае аб’яднаньне, а як дзяржаўную структуры? Ці могуць прафсаюзы стаць перашкодай на шляху рынкавых рэформаў?

Тацьцяна Манёнак: Спадзяваньні на холдынгі — утопія

Унітарнае прадпрыемства «Беларускі мэталюргічны завод» (БМЗ) пераўтворана ў адкрытае акцыянэрнае таварыства з доляй дзяржавы ў статутным фондзе ў памеры 100%, паведамілі агенцтву «Інтэрфакс-Захад» у міністэрстве прамысловасьці Беларусі.

«Уладам спадабалася ціснуць на праваабаронцаў па фінансавых і падатковых прэтэнзіях»

Міністэрства па падатках і зборах просіць Міністэрства юстыцыі распачаць працэс ліквідацыі праваабарончай арганізацыі Беларускі Хэльсынскі камітэт. Ці варта разглядаць гэты намер уладаў у рамках агульнай кампаніі па ўціску і дыскрэдытацыі праваабарончага руху?

Сьвірко: Гісторыя з FEMEN ня зьменіць стаўленьня ўкраінцаў да Беларусі

Як інцыдэнт з актывісткамі ўкраінскага жаночага руху «Femen» можа паўплываць на беларуска-ўкраінскія адносіны? Які рэзананс ва Ўкраіне можа атрымаць гэтая гісторыя? На гэтыя пытаньні адказвае з Кіеву журналіст Юры Сьвірко.

«Беларускія ўлады нагадваюць злодзея, які ўвесь час паддаецца рэцыдыву»

Міністры замежных спраў Вялікабрытаніі, Швэцыі, Польшчы ды Нямеччыны апублікавалі сёньня супольны ліст адносна Беларусі. Ці можна сказаць, што міністры ў пэўным сэнсе прызналі памылковасьць сваіх спадзяваньняў на дэмакратызацыю беларускага рэжыму, спадзяваньняў, якія існавалі сярод эўрапейскіх палітыкаў напярэдадні мінулых прэзыдэнцкіх выбараў у Беларусі? Ці эфэктыўна дзейнічаюць два асноўныя пункты цяперашняй стратэгіі Эўразьвязу — санкцыі супраць прадстаўнікоў рэжыму і падтрымка грамадзянскай супольнасьці? На гэтыя пытаньні адказвае палітоляг Алесь Лагвінец.

«Лукашэнка загаварыў пра палкі ў свае вокны. Можа, гэта прадчуваньне?»

Што новага мы даведаліся пра Аляксандра Лукашэнку пасьля ягонага інтэрвію вядомаму расейскаму тэлежурналісту Сяргею Дарэнку? Чаму беларускі кіраўнік загаварыў пра тое, што на пэнсіі, магчыма, вокны ягонай хаты закідаюць палкамі? На гэтыя ды іншыя пытаньні адказвае рэдактар інтэрнэт-газэты «Салідарнасьць» Аляксандар Сатрыкевіч.

«Часам лёзунг „Купляйце беларускае“ пераўтвараецца ў гумар»

15 сьнежня ў Менску адбыўся сэмінар кіроўных работнікаў рэспубліканскіх і мясцовых дзяржаўных органаў на тэму імпартазамяшчэньня. Чаму Беларусь, нягледзячы на доўгія гады размоваў пра імпартазамяшчэньне, закупляе за мяжой на дзясяткі мільёнаў даляраў, напрыклад, яблыкі ці кансэрвы з гародніны? На якіх сфэрах вытворчасьці варта сканцэнтравацца, а якія прадукты выгадней закупляць за мяжой? Ці выцясьняць імпартныя тавары беларускія пасьля ўступленьня краіны ва Ўсясьветную гандлёвую арганізацыю? На гэтыя пытаньні адказвае эканаміст Барыс Жаліба.

«Мы бачым праявы звычайнай помсты»

Навошта ўлады ўзмацняюць ціск на палітычных зьняволеных? Ці ёсьць нейкая лягічнае тлумачэньне такіх дзеяньняў? Ці ёсьць галоўнай мэтай уладаў прымусіць палітычных зьняволеных падпісаць памілаваньне на імя кіраўніка дзяржавы? На гэтыя пытаньні адказвае палітычны аглядальнік газэты «Беларусы і рынак» Паўлюк Быкоўскі.

Чаму ўлады перадумалі прадаваць «Беларуськалій»?

Аляксандар Лукашэнка пацьвердзіў кошт «Беларуськалія» ў суме 30 мільярдаў даляраў і заявіў, што пакуль няма неабходнасьці сьпяшацца зь яго прыватызацыяй.

«Урад будзе вымушаны друкаваць грошы»

Нацбанк Беларусі прагназуе ў 2012 годзе сярэднегадовы курс даляру на узроўні 9150 рублёў. Пра гэта паведаміла журналістам старшыня праўленьня Нацбанка Надзея Ермакова.

«У многіх апазыцыйных палітыкаў будзе спадзяваньне, што іх прапусьцяць на выбарах»

Ці павінна апазыцыя абмяркоўваць свой удзел у парлямэнцкіх выбарах, пакуль за кратамі застаюцца палітвязьні?

«Найбольш карумпаваныя – сфэры кантролю, падаткаў, мытня, памежнікі, праваахоўныя органы»

Чаму ў Беларусі, дзе столькі кантрольных органаў, карупцыя не памяншаецца? Гутарка з кіраўніком Асацыяцыі малога і сярэдняга прадпрымальніцтва Сяргеем Балыкіным.

«Урад пасунуўся ў бок палітычных патрабаваньняў адміністрацыі прэзыдэнта»

Віцэ-прэм’ер Сяргей Румас выступіў у Плаце прадстаўнікоў і адказаў пытаньні дэпутатаў. Ці можна сказаць, якой будзе эканамічная палітыка ўладаў у наступным годзе? Ці можна сказаць, што рэфарматарскія намеры некаторых прадстаўнікоў ураду зьмяніліся пасьля падпісаньня беларуска-расейскіх пагадненьняў? На гэтыя пытаньні адказвае фінансавы аналітык Сяргей Чалы.

«Найлепшай пазытыўнай санкцыяй было б аднабаковае зьмяншэньне цэн на шэнгенскія візы»

Ці здольны цяпер Эўразьвяз на тле эканамічных праблемаў прапанаваць сродкі для дапамогі дэмакратычнай Беларусі? Якія крокі, што не патрабуюць матэрыяльных укладаньняў, мог бы зрабіць ЭЗ дзеля эўрапейскай пэрспэктывы Беларусі?

«Мяне фармулёўка пра расейскі альтруізм увесь час зьдзіўляе»

Чаму Аляксандар Лукашэнка спыніў намеры ўраду праводзіць больш рынкавую эканамічную палітыку? Ці спадзяецца афіцыйны Менск зноў на дапамогу Расеі і ці бескарысьлівая гэтая дапамога? Чаму беларускі кіраўнік баіцца эканамічных рэформаў?

«Разьвязана вайна супраць людзей, якія ўздымаюць беларускую культуру»

Канцэрт Зьмітра Вайцюшкевіча ў менскай кавярні «Містраль», які меўся адбыцца 22 лістапада, адменены. «Ізноў было тэлефанаваньне зьверху, з адміністрацыі раёну», — паведаміў сам выканаўца. Ці можа сказаць, што забарона канцэртаў незалежных беларускіх выканаўцаў — гэта дзяржаўная палітыка? Альбо самадзейнасьць канкрэтных мясцовых чыноўнікаў? За што ўлада помсьціць Зьмітру Вайцюшкевічу? Чаму ўлады не хвалюе магчымая нэгатыўная рэакцыя прыхільнікаў беларускай вольнай музыкі?

«Я ня веру, што магчымыя нейкія раўнапраўныя эканамічныя саюзы з Расеяй»

Ці рэальнае стварэньне эканамічнага саюзу з краінаў, эканомікі якіх кардынальна адрозьніваюцца, і якія вядуць паміж сабой гандлёвыя войны? Адказвае фінансавы аналітык Сяргей Чалы.

«Спадзяванкі, якія ўскладаліся на Эўразійскі праект, ня маюць моцных шанцаў ажыцьцявіцца»

У пятніцу ў Маскве сустрэнуцца прэзыдэнты краін Мытнага саюзу Беларусі, Казахстану і Расеі. Сёньня прэзыдэнт Расеі Дзьмітрый Мядзьведзеў паведаміў, што 18 лістапада ў Крамлі будзе падпісанае пагадненьне, якое тычыцца далейшай эканамічнай інтэграцыі.

«Усё цяпер пераходзіць у рукі Віктара Лукашэнкі і ягонай каманды»

Беларускі вайсковы суд 15 лістапада абвясьціў прысуды ў так званай «справе Грамовіча». Да крымінальнай адказнасьці было прыцягнута 36 чалавек, большасьць зь якіх былі службовымі асобамі мытні і КДБ. Амаль усім фігурантам справы вынесеныя апраўдальныя прысуды.

«Праз год сярэдні заробак будзе сто даляраў»

Аляксандар Лукашэнка запатрабаваў ад ураду спыніць рост спажывецкіх цэнаў да сьнежня. Ці можна сказаць, што цэны і так ужо дасягнулі сваёй столі і зараз ужо можна патрабаваць іхняга зьніжэньня? Колькі працэтаў можа скласьці інфляцыя ў наступным годзе? На гэтыя пытаньні адказвае эканаміст Міхал Залескі.

«Ані каталікі, ані праваслаўныя ня бачаць у Лукашэнку фігуру прымірэньня»

14 лістапада кіраўнік Беларусі сустрэўся ў Менску з каталіцкім герархам кардыналам Куртам Кохам. Чаму Аляксандар Лукашэнка шукае дапамогі ў каталіцкай царквы?

«Мясьніковіч адступіцца і ўлічыць заўвагі Лукашэнкі»

Чым можа скончыцца для Савету Міністраў Лукашэнкава крытыка, ці будзе вымушаны ўрад карэктаваць свае падыходы да эканамічных праблемаў?На гэтае ды іншыя пытаньні адказвае былы кіраўнік Нацыянальнага банку Станіслаў Багданкевіч.

«Карупцыя — гэта асноўны мэханізм утрыманьня ўлады»

У Палату прадстаўнікоў унесеныя папраўкі ў закон аб барацьбе з карупцыяй. Калі яны будуць прынятыя, то будзе зьнятая забарона на сумесную дзяржаўную службу блізкіх сваякоў. Ці можна сказаць, што гэтыя зьмены могуць павялічыць сямейнасьць і, адпаведна, карупцыю ў дзяржаўным апараце? Як можна ацаніць узровень карупцыі ў Беларусі ў параўнаньні з 90-мі гадамі? На гэтыя пытаньні адказвае былы дэпутат Вярхоўнага Савету Беларусі, аўтар знакамітага антыкарупцыйнага дакладу Сяргей Антончык.

"Хутчэй пацяпленьне адносінаў з Захадам зьяўляецца пэўным выключэньнем"

"Мы што, рыхтуемся да вайны з НАТО?"

Ці ёсьць сёньня патрэба пераглядаць вынікі рэформы Ўзброеных сілаў? На які прапагандысцкі эфэкт разьлічана кампанія ўзмацненьня войскаў тэрытарыяльнай абароны? Разважае былы міністар абароны Беларусі генэрал Павал Казлоўскі.

«Расея ня будзе чакаць Беларусь у WTO»

«Беларусь актывізуе працэс далучэньня да Ўсясьветнай гандлёвай арганізацыі», — заявіў сёньня на брыфінгу прэсавы сакратар МЗС Беларусі Андрэй Савіных. Ці сапраўды афіцыйны Менск набліжаецца да ўступленьня ў СГА, ці гэта толькі рыторыка? Ці будзе Расея абарочвацца на Беларусь у гэтым працэсе? На гэтыя пытаньні адказвае экспэрт у міжнародных справах Андрэй Фёдараў.

Улады гатовыя больш ня гнаць рост ВУПа?

Міністар эканомікі Беларусі Мікалай Снапкоў заявіў, што дэфіцыт замежнага гандлю па выніках году зьнізіцца амаль у два разы ў параўнаньні з мінулым годам. Наколькі рэалістычны гэты прагноз, як на экспарт паўплывала дэвальвацыя? Ці можна сказаць, што беларускія эканамічныя ўлады гатовы адмовіцца да росту ВУП дзеля больш якасных паказчыкаў? На гэтыя пытаньні адказвае эканаміст Барыс Жаліба.

«Рэжым такімі мэтадамі спрабуе зламаць палітвязьняў»

Чаму апошнімі днямі ўзмацніўся ціск на палітычных вязьняў, якія знаходзяцца за кратамі? Якое месца ў сцэнары ўлады займае працэс над Алесям Бяляцкім? На гэтыя пытаньні адказвае палітоляг Юры Чавусаў.

«Мы з нашымі заробкамі ня вытрымаем канкурэнцыі на рынку працы»

Праезд у грамадзкім транспарце ў Менску ў найбліжэйшыя дні пачне каштаваць 1300 рублёў. Ці спыніць гэта скарачэньне колькасьці маршрутаў і старэньне аўтамабільнага парку? Ці можа падвышэньне коштаў зрабіць працу камунальнай гаспадаркі рэнтабэльнай? На гэтыя пытаньні адказвае эканаміст Міхал Залескі.

"Беларускія ўлады пагадзіліся з тым, што ціск Захаду будзе нарастаць"

«Улады будуць выкарыстоўваць ня толькі пернік, але і пугу»

Ці можа стаць страйк барысаўскіх камунальшчыкаў прыкладам для іншых? Якімі мэтадамі — пугай ці пернікам — улада будзе імкнуцца спыніць сацыяльныя пратэсты? Адказвае палітоляг Юры Чавусаў.

«Тыдзень ШОСу» — гэта вяртаньне сацыяльных сетак у сацыяльныя сеткі

Група актывістаў інтэрнэт-супольнасьці «Рэвалюцыі праз сацыяльную сетку» аб’явіла, што праводзіць тыдзень ШОСу ў Менску. Як можна ацаніць трансфармацыю формаў пратэстаў, арганізаваных праз сацыяльныя сеткі ў інтэрнэце? Ці азначае новы фармат, што актывісты гэтай інтэрнэт-супольнасьці ўжо ня будуць арганізоўваць вулічныя акцыі? На гэтыя пытаньні адказвае палітычны аглядальнік газэты «Беларусы і рынак» Паўлюк Быкоўскі.

«Свае высновы з гісторыі з Кадафі Лукашэнка ўжо зрабіў»

Якія высновы можна зрабіць з досьведу супрацьстаяньня былога лібійскага лідэра Муамара Кадафі ўласнаму народу і заходняй кааліцыі? Ці магчыма праводзіць паралелі паміж лібійскай і беларускай сытуацыяй, якія ўрокі вынес Аляксандар Лукашэнка з падзеяў у Лібіі? На гэтыя пытаньні адказвае палітоляг Віктар Марціновіч.

"Гэта відавочна прапагандысцкі ход Пуціна і частка ягонай кампаніі"

Ці мяняе пагадненьне аб зоне вольнага гандлю эканамічныя ўмовы гаспадараньня для Беларусі? Ці становіцца інтэграцыйная тэма адной з ключавых для перадвыбарчай кампаніі Пуціна? Разважае палітоляг У.Мацкевіч.

Рубель узмоцніцца. На некалькі тыдняў

Аляксандар Лукашэнка ў аўторак заявіў, што чакае падзеньня курсу даляра пасьля пераходу на адзіную сэсію таргоў на біржы: «Майце не ўвазе, што курс даляра абваліцца». Наколькі абгрунтаваныя такія запэўніваньні? Што можа паўплываць на часовы эфэкт падзеньня даляра? На гэтыя пытаньні адказвае эканаміст Леанід Злотнікаў.

«Галоўнае ў артыкуле — пасланьне расейскаму кіраўніцтву, што так проста ён ня здасца»

У расейскай газэце «Известия» надрукаваны артыкул Аляксандра Лукашэнкі «Пра лёс нашай інтэграцыі» — адказ на апублікаваны раней у той жа газэце артыкул прэм’ер-міністра Расеі Ўладзімера Пуціна. Якія асноўныя ідэі выклаў беларускі кіраўнік у сваёй публікацыі? Ці ўдасца Аляксандру Лукашэнку перахапіць статус галоўнага інтэгратара на постсавецкай прасторы?

"Стаўка рэфінансаваньня павінна быць на ўзроўні інфляцыі — каля ста працэнтаў"

Ці будзе даляр да канца году каштаваць 10 тысяч рублёў?