3 траўня адзначаецца Ўсясьветны дзень свабоды прэсы. Мы спыталі мінакоў у Менску, што гэтае паняцьце азначае для іх, і ці свабодная прэса ў Беларусі. Супольны праект Радыё Свабода і Амбасады Вялікабрытаніі ў Беларусі.
Мосарскай зоне цьвярозасьці — 10 гадоў. Ці ёсьць плён ад сухога закону? Адказ шукае Зьміцер Бартосік у чарговым сваім падарожжы.
Ён штомесяц наведваў па 2-3 буйных беларускіх прадпрыемствы, сустракаўся зь беларускімі міністрамі і апазыцыянэрамі, публічна спрачаўся з Лукашэнкам і МЗС. Распавядаем, за што расейскага амбасадара Міхаіла Бабіча выслалі зь Беларусі пасьля 7 месяцаў працы.
Героі Лявона Вольскага Саўка ды Грышка абмяркоўваюць паведамленьні пра замінаваныя будынкі ў Менску. З пачатку году было заведзена 19 крымінальных справаў за «фальшывыя паведамленьні пра небясьпеку».
На рэдкіх кадрах, якія зафіксаваў відэаапэратар Сяргей Чырык, бачна, як пад бел-чырвона-белымі сьцягамі на плошчу Незалежнасьці ў Менску выйшла тагачаснае кіраўніцтва краіны, прафэсійных саюзаў, Менгарвыканкаму, Саюзу моладзі Беларусі.
Як сьвяткавалі 1 траўня ў 90-х. Пасьля прыходу да ўлады Аляксандра Лукашэнкі першамайскія лёзунгі ўсё больш палітызаваліся. У 1999-м яшчэ можна было хадзіць па цэнтральным праспэкце, але гэта былі апошнія вольныя шэсьці, а яшчэ праз 20 гадоў масавыя акцыі зрабіліся фінансава непад’ёмнымі.
Як сьвяткавалі Першамай у 1989 годзе. На рэдкіх кадрах 1 траўня 1989 году, якія зафіксаваў відэаапэратар Сяргей Чырык, да прысутных на дэманстрацыі зьвяртаюцца Зянон Пазьняк, Алесь Адамовіч, Аляксей Марачкін.
Моўны экзамэн менчукам на вуліцы наладзіў пісьменьнік і журналіст Зьміцер Бартосік. Але не на ўменьне чытаць, а... на веданьне слова «шыльда».
Ксёндз Марат Казлоўскі, пробашч парафіі Сьвятой Ганны ў Мосары, папрасіў журналістаў перадаць зварот да Бараўлянскага лясгасу і адказных за лёс крыжоў у Курапатах. Парафіяне і ксёндз просяць не пілаваць і не выкідаць крыжоў: «Няхай прывязуць нам. Мы іх паставім».
Вэтэран Радыё Свабода Ян Запруднік расказвае пра тое, што значыла для яго праца на Радыё Свабода.
30 красавіка 2019 радыё Свабода канчаткова пакідае радыёхвалі. Нас па-ранейшаму можна будзе слухаць у Інтэрнэце, але радыёпрымачы – наша галоўнае месца сустрэчы са слухачамі ў Беларусі і сьвеце больш як паўстагодзьдзя – адпраўляюцца ў музэй гісторыі Свабоды.
Алесь Чумакоў 15 гадоў адпрацаваў у Мінскэнэрга праграмістам і кінуў працу, каб мець болей часу езьдзіць на гастролі і выступаць з гуртом «Стары Ольса». Да таго ж ён майструе традыцыйныя беларускія гусьлі і вучыць іншых граць на старадаўнім інструмэнце — ня толькі сярэднявечную музыку
Ігар Турчыновіч працуе званаром больш за дваццаць гадоў. Каб вызваліць час для любімага занятку, ён пакінуў працу тэлеінжынэра на «Віцязі» і ўладкаваўся ў ахову. Яго першы звон важыў каля шасьці кіляграмаў. Цяпер Ігар звоніць у дабравесьнік вагою болей за пяць тонаў.
У 1999 годзе на Чарнобыльскім шляху ў першых шэрагах ішлі палітыкі, грамадзкія дзеячы, ліквідатары. Некаторых зь іх цяпер няма сярод жывых, у тым ліку былога міністра ўнутраных спраў і лідэра апазыцыі Юрыя Захаранкі.
Апэратар Сяргей Чырык: «1990 год, Гомельская і Магілёўская вобласьці, зь беларускага боку да рэактара — нейкія паўтара дзясятка кілямэтраў. Дагэтуль перад вачыма закінуты пасёлак Сонечны на Брагіншчыне, вёска Выдранка на Краснапольшчыне. Поўнае адчуваньне „сталкерызму“, нечага нерэальнага».
Беларусь абурылася няякаснай нафтай з Расеі і заявіла пра пашкоджаньне абсталяваньня на Мазырскім НПЗ. Пастаўкі расейскай нафты стратэгічна важныя для Беларусі. Расказваем, чаму.
24 красавіка Зянону Пазьняку - 75 гадоў. Мы спыталі мінакоў у Менску, ці ведаюць яны гэтага чалавека.
Дзяды, 30 кастрычніка 1990 году, парк Чалюскінцаў, месца масавых расстрэлаў пры Сталіну.
Каля Белавескай пушчы са слупоў паскідалі бусьлянкі і паўтыкалі на іх месца мэталічныя штыры. Электрыкі лічаць: калі гнёзды буслоў побач з дратамі, можа здарыцца кароткае замыканьне ці пашкоджаньне дратоў. Эколягі ж кажуць, што гэта ня мае сэнсу і прапануюць іншыя выйсьці.
Два гады таму зоаабаронцы Кобрыні зьвярнуліся да аўстрыйскай арганізацыі LISABONA, якая змагаецца за правы жывёлаў. Зварот быў пачуты, і цяпер LISABONA актыўна дапамагае стэрылізаваць і лячыць бадзяжных катоў і сабак, а таксама шукае сем’і для іх — каля 20 жывёлаў ужо пераехалі жыць у Эўропу.
Героі Лявона Вольскага параўноўваюць украінскія выбары з тым, што адбываецца ў Беларусі.
Палеская вёска Семехавічы можа спаборнічаць за званьне самага аддаленага ад «вялікай зямлі» беларускага паселішча. Да найбліжэйшай вёскі на беларускай тэрыторыі — 15 кілямэтраў, да крамы — 25. А суседняя вёска Омыт увогуле за мяжой, ва Ўкраіне.
У чым сакрэт рэйтынгу Зяленскага? Чым адметная выбарчая кампанія ва Ўкраіне? Як зьменяцца стасункі Беларусі і Ўкраіны пасьля 21 красавіка? Пра гэта ў перадачы, якую вядзе Ганна Соўсь, удзельнічаюць Франак Вячорка, Юры Дракахруст і Наталка Чурыкава.
Паводле апытаньняў грамадзкай думкі ва Ўкраіне, перад другім турам галасаваньня на прэзыдэнцкіх выбарах падтрымка шоўмэна Зяленскага ў два разы перавышае падтрымку дзейнага прэзыдэнта Пятра Парашэнкі.
На думку Лукашэнкі, людзі з Расеі ня могуць зразумець дарожных знакаў па-беларуску. І толькі 50% расейскамоўных беларусаў зь лёгкасьцю адкажуць, што значыць «выконвай хуткасны рэжым».
У аўтарскім праекце Каці Маркоўскай «Морква» актывіст расказаў, чаму не павязе ў Курапаты новыя крыжы, ці зьбіраецца ўдзельнічаць у прэзыдэнцкіх выбарах, як ставіцца да магчымасьці эміграваць у ЗША і колькі зарабляе цясьлярскай справай.
«Калі ты глядзіш на Лорда Старка, ты глядзіш на Лукашэнку». Расейскі філёзаф Максім Гаруноў тлумачыць, чаму беларусам строга забараняецца глядзець «Гульню тронаў».
Моцны пажар у саборы Парыскай Божай Маці зьнішчыў шпіль будынка і ўсе драўляныя канструкцыі, якія падтрымлівалі дах. Відэа Reuters.
Дэпартамэнт паліцыі Парыжу ў твітэры заклікаў жыхароў пазьбягаць навакольляў здарэньня і «вызваліць месца для аварыйна-выратавальных транспартных сродкаў».
У Курапатах 4 красавіка зьнесьлі 70 крыжоў і пачалі ставіць плот. Улады сьцьвярджаюць, што крыжы паставілі незаконна, а гэтыя дзеяньні — “добраўпарадкаваньне”. Свабода спытала жыхароў Менску, як яны ставяцца да зносу крыжоў і ці ведаюць увогуле, што такое Курапаты.
Чаму ўлады змагаюцца з крыжамі ў Курапатах? Што могуць сьцярпець беларусы? Чаму ізноў узмацніліся рэпрэсіі?Абмяркоўваюць Юры Дракахруст, Аляксандра Дынько, Алег Грузьдзіловіч і вядучая Ганна Соўсь.
Куды падзеліся трафэйныя аўтамабілі часоў Другой усясьветнай вайны? Ці палохае беларусаў вайсковая нямецкая форма? Пра гэта ды іншае глядзіце ў перадачы «Падарожжы са Зьмітром Бартосікам. Кіно і немцы».
Героі Лявона Вольскага спрачаюцца пра чарговы ператрус і вынас тэхнікі тэлеканалу Белсат сьледчымі.
У адным зь менскіх офісаў «Белсату» Сьледчы камітэт правёў ператрус. Забралі сыстэмныя блёкі кампутараў, тры ноўтбукі і ўсе носьбіты інфармацыі. Сьледчы камітэт даў Свабодзе камэнтар, што гэтыя дзеяньні зьвязаныя з крымінальнай справай аб «паклёпе» з боку «Белсату».
Каля дзьвюх соцень чалавек сабраліся ля менскага Сьвята-Духавага катэдральнага сабору на заклік Міколы Статкевіча. Самога палітыка затрымалі да пачатку акцыі з абвінавачаньнем: “Вы заклікалі памаліцца!” (паведаміла жонка Мікалая Статкевіча).
Хто перамагае на ўкраінскіх выбарах — паэзія ці проза? Зьмест ці форма? Інтанацыя ці сэнс? У «Зоне Свабоды» абмяркоўваюць дырэктарка ўкраінскай рэдакцыі Радыё Свабода Мар’яна Драч, дырэктар беларускай рэдакцыі Аляксандар Лукашук і вядоўца тэлеканалу «Настоящее время» Цімур Алеўскі.
У другі тур выбараў прэзыдэнта Ўкраіны выйшлі шоўмэн Уладзімір Зяленскі і дзейны кіраўнік краіны Пятро Парашэнка. Цяпер украінцы рыхтуюцца да наступнага туру, які мае адбыцца 21 красавіка. А ці мог бы нехта з артыстаў стаць беларускім прэзыдэнтам? І каго беларусы могуць сабе ўявіць на такой пасадзе?
Удзельніца панк-гурту Pussy Riot Марыя Алёхіна назвала Курапаты месцам, зь якога пачалося падзеньне камунізму, і заклікала ўсіх, хто пачуе яе зварот, зьвярнуць увагу на сытуацыю і спыніць зьнішчэньне мэмарыялу.
6 красавіка спаўняецца 110 гадоў з дня нараджэньня вядомага беларускага навукоўцы Барыса Кіта.
Дэпутатка Палаты прадстаўнікоў Ганна Канапацкая паспрабавала высьветліць у дырэктара Бараўлянскага спэцыяльнага лясгасу Аляксандра Мірановіча, на якой падставе ва ўрочышчы Курапаты знесьлі 70 крыжоў.
“Каб дэманстрацыяў з крыжамі не было”, — месяц таму падчас «вялікай размовы» сказаў Аляксандар Лукашэнка. І крыжы пачалі зносіць, а ў Курапатах ставяць плот.
4 сакавіка 1949 году 12 краінаў падпісалі ў Вашынгтоне Паўночнаатлянтычную дамову аб стварэньні вайскова-палітычнага блёку з мэтай абароны Эўропы ад савецкага ўплыву. За 70 гадоў NATO прайшло шлях ад вайсковага альянсу часоў халоднай вайны да міжнароднай сілы, якая дзейнічае на многіх франтах.
Лукашэнка ўчыніў разнос 26 сакавіка ў кароўніку малочнай фэрмы «Сьліжы» Шклоўскага раёну. Нямытыя каровы каштавалі пасады кіраўніцтву вобласьці. За што раней звальняў Лукашэнка дырэктараў і чыноўнікаў з розных пасадаў — у падборцы відэа з розных гадоў і розных «разносаў» Аляксандра Лукашэнкі.
Каля 20 млн тон хімічных адкідаў ляжыць пад Гомлем. Гэта пабочны прадукт вытворчасьці комплексных мінэральных угнаеньняў, якія выпускае Гомельскі хімзавод.
Мы параўналі працу выбарчых камісій, падлік галасоў і доступ да яго назіральнікаў на двух участках. Першы - адна зь сярэдніх школ Менску падчас мясцовых выбараў 2018. Другі - амбасада Ўкраіны ў Беларусі падчас прэзыдэнцкіх выбараў 2019 году.
31 сакавіка беларускія ўкраінцы галасуюць у Менску на выбарах прэзыдэнта Ўкраіны. Усяго ў Беларусі зарэгістравана каля 12 000 украінскіх выбарцаў, якія аднесеныя да двух участкаў: у амбасадзе Ўкраіны ў Менску і ў генконсульстве ў Берасьці.
У Менску эвакуююць наведнікаў гандлёвых цэнтраў Galileo і «Замак», ачапленыя чыгуначны і аўтобусны вакзал «Цэнтральны». Свабода правярае інфармацыю, пакуль не ўдалося атрымаць афіцыйных камэнтароў у міліцыі і МНС.
Жыхары вёсак вакол возера Чырвонага ў Жыткавіцкім раёне ладзяць талокі, каб упарадкаваць бераг вадаёму і прыставаць яго для культурнага адпачынку.
Як дэмакратыя стварае і вырашае крызісы: Украіна, ЗША, Вялікабрытанія. Удзельнікі «Зоны Свабоды» — Юры Дракахруст, Ірына Лагуніна, Аляксандар Лукашук, Алена Літвінава, Мэрхат Шарыпжан.
Павел Максімчык разам з братам Валерам набылі фургон, італьянскую печ на дровах і пачалі пячы там піцу. Горадзенскі pizzaiolo ўпэўнены, што яны гатуюць найлепшую ў горадзе піцу, і гатовы спрачацца, што сапраўдная — толькі нэапальская.
Загрузіць яшчэ
