Відэа, дасланае ў рубрыку «Такое жыцьцё» Аляксеем Л. зь Менску, — відэаблог пра выставу, дзе хатнія жывёлы знаходзяць сабе гаспадароў (17 сакавіка, Менск).
Відэа, дасланае ў рубрыку «Такое жыцьцё» Аляксеем Л. зь Менску, — відэаблог пра выставу, дзе хатнія жывёлы знаходзяць сабе гаспадароў (17 сакавіка, Менск). Каб даслаць сваё відэа ў рубрыку, трэба зьвязацца з рэдакцыяй праз пошту rferl.minsk@gmail.com
Краязнаўца Ўладзімер Трахімчык з Гарадзенскага раёну практычна адзін займаецца ачышчэньнем ад завалаў ракі Котры, прытоку Нёмана. Ён перакананы, што тут можа пралегчы адзін з найцікавейшых турыстычных маршрутаў Гарадзеншчыны.
Рыцарскі фэст «Белы замак» адбыўся недалёка ад Менску 16-18 сакавіка. Ужо трынаццатае па ліку сьвята сярэднявечнай культуры было арганізаванае гістарычным клубам «Ордэн Паўночнага храма».
Актывісты ініцыятывы «Ежа замест бомбаў» кожныя выходныя раздаюць у Менску гарачую ежу бедным. Прыносяць таксама ўжыванае адзеньне і абутак.
Актывісты ініцыятывы «Ежа замест бомбаў» кожныя выходныя раздаюць у Менску гарачую ежу бедным. Прыносяць таксама ўжыванае адзеньне і абутак. Аднак сваіх твараў валянтэры ня хочуць паказваць — бо імі цікавіцца КДБ. Відэарубрыка «Такое жыцьцё».
У Магілёве жыхары дома на вуліцы Чалюскінцаў, 63, перажылі зіму зь ненакрытым кавалкам даху.
У Магілёве жыхары дома на вуліцы Чалюскінцаў перажылі зіму зь ненакрытым кавалкам даху. Бляха замененая цэляфанавай плёнкаю і старым шыфэрам. Жыхары кажуць, што будаўнікі кінулі рамантаваць іх дом з восені. Аднавіліся працы пасьля таго, як людзі пачалі скардзіцца і пагражаць мясцовай уладзе прэзыдэнтам.
Пэнсіянэр Аляксандар Місьцюкевіч распавядае, як у Гарадзенскім аблвыканкаме дамагаўся ад супрацоўніцы, каб яна вяла зь ім размову па-беларуску.
Штораніцы віцебскія пэнсыянэры пільнуюць прывоз малочных прадуктаў. Нятлустае малако каштуе ў віцебскіх крамах амаль у два разы таньней за тое, што застаецца на прылаўках цягам дня — тлусьцейшае ды з рознымі дамешкамі. Тварог — таксама, але «ў адны рукі» прадаюць ня больш як 3 пачкі, а малака — толькі 2 літры. Часам танныя малочныя прадукты нават не трапляюць у гандлёвую залю. Прывозяць іх няшмат, таму службовыя дзьверы спачатку бяруць у аблогу, а потым пачынаецца штурм...
Нягледзячы на дыпляматычны крызіс, чарга ў Генэральны кансулят Польшчы ў Берасьці не зьмяншаецца. Штодзень некалькі соцень чалавек стаяць тут у чэргах па візы. Паводле інфармацыі кансуляту, у сярэднім тут афармляецца 540 візаў у дзень. За месяц берасьцейскі кансулят выдаў 11400 візаў.
Найлепшым відэа, дасланым у рэдакцыю за апошнія паўтара месяцы, свабодаўцамі былі прызнаныя танцы невядомага па траве ды асфальце, зьнятыя з вышыні шматпавярховага дому Аляксеем С, які назваў сваю замалёўку «Таннае віно». Аўтара чакае ўзнагарода.
Відэарубрыка «Такое жыцьцё» — шукаем кадры, якія гавораць самі за сябе. Здымаюць карэспандэнты «Свабоды» — здымайце і вы!
Магілёўскія праваслаўныя вернікі бароняцца ад праходжаньня дактыляскапіі. Міліцыя спрабуе прымусіць іх здаць адбіткі пальцаў у судовым парадку.
Адмысловую загартоўку прыдумаў для сябе гомельскі грамадзкі актывіст Алесь Яўсеенка. Нягледзячы на маразы, ён амаль штодня абліваецца на двары халоднай вадою. Стане басанож на сьнег й вылівае на сябе 2 вядры вады. Кажа, што такім чынам пазбавіўся ад прастуды й вясновай алергіі. Апрача таго, загартаванаму лягчэй пераносіць халады і ўвогуле эканамічны крызыс.
Чарговае відэа, дасланае чытачамі сайту «Свабоды» ў рубрыку «Такое жыцьцё». Менск, кастрычнік — відэазамалёўка пад назвай «Таннае віно» ад Аляксея С.
Уладзімер Вільчык страціў падчас вайны бацьку і зрок. Спадар Уладзімер жыве ў Магілёве, у раёне кампактнага пражываньня сьляпых.
На горцы ля помніка Караткевічу ў Віцебску даўно ладзяць зімовыя забавы дзеці. Ці ведаюць яны, каму гэта помнік, і хто такі Караткевіч?
Кароткая, але красамоўная замалёўка з мястэчка Луна Мастоўскага раёну Гарадзенскай вобласьці — у чарговым выпуску рубрыкі «Такое жыцьцё». Відэа даслаў чытач нашага сайту Андрэй Ф.
Пасьля тэрміновай службы ў войсках сувязі вярнуўся ў Магілёў моладзевы актывіст Станіслаў Рамановіч. Пра тое, з чым давялося сутыкнуцца ў войску беларускамоўнаму салдату, — наступнае відэаінтэрвію.
Зь сябрам аргкамітэту па стварэньні партыі "Беларуская хрысьціянская дэмакратыя" Алегам Аксёнавым адміністрацыя Магілёўскага домабудаўнічага камбінату не працягвае працоўных адносінаў. Працоўны кантракт сканчаецца 17 лютага. Пра тое, што ён ня будзе падоўжаны, Аксёнава афіцыйна папярэдзіла кіраўніцтва прадпрыемства. Адміністрацыя не патлумачыла прычынаў, дзеля якіх скасоўвае кантракт. Сам Аксёнаў лічыць, што звальняюць яго за абарону правоў працоўных прадпрыемства.
Верш Янкі Купалы "Будзь сьмелым!.. Магутна ярмо друзгачы!" напісаны праз трафарэт на задняй сьцяне камяніцы пачатку ХХ стагодзьдзя на вул. Элізы Ажэшкі. На другім баку вуліцы перад Гарадзенскім дзяржаўным унівэрсытэтам стаіць бюст Янкі Купалы, імя якога мае вучэльня. Верш бачаць тыя, хто шпацыруе ў "Швэйцарскай даліне" – месцы адпачынку ў старой Горадні, "Швэйцарская даліна" ляжыць уздоўж Гараднічанкі, якая ўпадае ў Нёман.
Тыдзень таму на сайце svaboda.org зьвілася новая рубрыка — відэа пра жыцьцё ў Беларусі «як яно ёсьць». Здымаюць карэспандэнты «Свабоды» — здымайце і вы!
У Магілёўскім «Доме вэтэранаў для адзінокіх старых і інвалідаў» жыве інвалід-вазочнік Уладзімер Аляксеевіч Вусікаў. Каб атрымаць там кватэру, яму давялося пікетаваць гарвыканкам ды атрымаць штраф за несанкцыянаванае мерапрыемства. Потым дамагацца, каб жытло прыстасавалі для бязногага інваліда.
Рубрыка «Такое жыцьцё» — гэта відэа пра жыцьцё ў Беларусі «як яно ёсьць». Здымаюць карэспандэнты «Свабоды» — здымайце і вы! Аўтары найлепшых дасланых у рэдакцыю відэа атрымліваюць невялікую HD-камэру ў падарунак!
Гэтага чалавека можна штодня сустрэць каля Смаленскага кірмаша ў Віцебску. У шэрагу побач з гандляркамі гароднінай ён уладкоўваецца з самаробным тачыльным станком. Віктар Віктаравіч мае дзьве вышэйшыя адукацыі і некалькі вынаходніцтваў, але воляй лёсу цяпер ён бомж. Каб выжыць, зрабіў з ламачча станок і зацьвердзіў свой «прэйскурант»: затачыць сталовы нож каштуе 4 тысячы, а сякеру — ужо 8 тысяч. Віктар кажа, што жыць можна, толькі б не ганяла міліцыя.
