Навіны палітвязьняў

• 15:40, 24 сакавік 2012

  «Вар’ятня», куды яго пераводзяць

  Сяргея Каваленку перавядуць з турэмнага шпіталю на Валадарцы ў псыхіятрычнае аддзяленьне, якое знаходзіцца на тэрыторыі Віцебскай папраўчай калёніі № 3. Пра гэта паведаміла «Свабодзе» са спасылкай на інфармацыю начальніка Дэпартамэнту выкананьня пакараньняў МУС Сяргея Працэнку жонка палітвязьня Сяргея Каваленкі — Алена.

• 12:22, 23 сакавік 2012

  Сяргею Каваленку не дазволілі сустрэцца з братам

  Віталю Каваленку адмовілі ў сустрэчы з братам, палітвязьнем Сяргеем Каваленкам.

• 15:42, 22 сакавік 2012

  Віталь Каваленка атрымаў дазвол на новую сустрэчу з братам

  Віталь Каваленка атрымаў дазвол на новае спатканьне са сваім братам, палітвязьнем Сяргеем Каваленкам.

• 14:33, 20 сакавік 2012

  Алена Каваленка: «Сын плача, кажа, што татка ня вернецца»

  Родныя палітвязьня Сяргея Каваленкі не пакідаюць намеру дамагчыся ягонага пераводу ў цывільны шпіталь з турмы на вуліцы Валадарскага ў Менску.

• 17:45, 19 сакавік 2012

  Алесь Бяляцкі: бракуе кантакту з роднымі і сябрамі

  Гарадзенcкія праваабаронцы атрымалі ліст ад Алеся Бяляцкага з бабруйскай калёніі. Кіраўнік праваабарончага цэнтру «Вясна» просіць перш за ўсё за яго не турбавацца.

• 11:25, 17 сакавік 2012

  Сяргея Каваленку зьбіраюцца пакласьці ў «Навінкі» на абсьледаваньне

  17 сакавіка жонка галадоўніка Сяргея Каваленкі Алена атрымала ліст з Дэпартамэнту пакараньняў МУС. Паводле гэтага лісту, 14 сакавіка Сяргей Каваленка быў абсьледаваны лекарам-псыхіятарам і ў яго нібыта вызначана страта адэкватнага псыхічнага стану.

• 10:26, 17 сакавік 2012

  Сяргею Каваленку на Валадарцы прымусова паставілі кропельніцу

  Пра гэта «Свабодзе» паведаміў намесьнік старшыні партыі КХП БНФ Юрась Беленькі, які апякуецца сябрам партыі Сяргеем Каваленкам.

• 13:52, 16 сакавік 2012

  Анархіст Мікалай Дзядок зьмешчаны ў карцэр на 5 сутак

  Бацька Мікалая Дзядка спадар Аляксандар паведаміў, што ягоны сын зьмешчаны ў штрафны ізалятар на пяць сутак. Пра гэта Аляксандар Дзядок даведаўся ад начальніка Магілёўскай калёніі № 15, дзе Дзядок адбывае пакараньне. Яго пакаралі за «няправільную рэакцыю на заўвагу».

• 12:28, 16 сакавік 2012

  Мікалай Статкевіч патэлефанаваў жонцы. Упершыню за 7 месяцаў

  «Гэта было вельмі кароткае тэлефанаваньне, але яно было першым за сем з паловай месяцаў, і я шчасьлівая», — кажа жонка палітыка Марына Адамовіч.

• 16:14, 15 сакавік 2012

  Зьміцер Дашкевіч пакараны карцэрам на месяц

  Старшыня «Маладога фронту» Зьміцер Дашкевіч зьмешчаны на месяц у карцэр. Пра гэта стала вядома Насьце Палажанцы, нявесьце актывіста.

• 14:57, 14 сакавік 2012

  Віцебск: затрымалі Алену Каваленку разам зь сямімесячнай дачкой

  Разам з Аленай у міліцыю Першамайскага раёну Віцебску забралі грамадзкага Сяргея Парсюкевіча і яшчэ некалькіх ягоных паплечнікаў.

• 14:51, 13 сакавік 2012

  Самасейка адмовіўся камэнтаваць зьвесткі пра камісію па памілаваньні

  13 сакавіка сябра Нацыянальнага сходу Мікалай Самасейка адмовіўся камэнтаваць зьвесткі пра тое, што днямі нібыта адбылося паседжаньне камісіі па памілаваньні, якая дзейнічае пры кіраўніку дзяржавы, і на гэтым паседжаньні былі разгледжаныя прашэньні аб памілаваньні Андрэя Саньнікава, Дзьмітрыя Бандарэнкі, а таксама Ўладзіслава Кавалёва, асуджанага за пасобніцтва ў тэрарызьме да сьмяротнага пакараньня.

• 12:22, 10 сакавік 2012

  Жонка Аўтуховіча: «Мікалая могуць пакараць за званок, якога ён не рабіў»

  Мікалай Статкевіч «закаханы ва ўсіх жанчын Беларусі». Зьміцер Дашкевіч напісаў пра тое, як змагаўся з холадам у карцэры. Павал Севярынец у нядзелю будзе маліцца і пісаць лісты аднадумцам.

• 16:35, 09 сакавік 2012

  Пастар Сабіла не ўгаварыў Каваленку спыніць галадоўку

  Пастар Эрнст Сабіла: «Ён мяне перапыніў і сказаў, што спыніць галадоўку, толькі калі адменяць прысуд і ён вернецца ў сям’ю».

• 21:00, 07 сакавік 2012

  У Берасьці заклікалі маліцца за Каваленку

  Доктар урбаністыкі і архітэктуры Ірына Лаўроўская зь Берасьця заклікала грамадзкасьць ладзіць малітвы за Сяргея Каваленку.

• 19:34, 07 сакавік 2012

  У 9-м шпіталі Каваленку агледзеў прафэсар Валянцін Кураш

  7 сакавіка галадоўніка Сяргея Каваленку з «Валадаркі» прывозілі на агляд у 9-ты клінічны шпіталь.

• 14:43, 07 сакавік 2012

  З Андрэем Саньнікавым у калёніі сустрэўся адвакат

  З былым кандыдатам у прэзыдэнты, палітвязьнем Андрэем Саньнікавым напярэдадні ягонага дня народзінаў сустрэўся адвакат.

• 18:15, 06 сакавік 2012

  Сяргея Каваленку абяцаюць паказаць цывільным дактарам

  Як паведаміла Алена Каваленка, яе муж зьбіраецца працягваць галадоўку, пакуль яго цалкам не апраўдаюць.

• 14:29, 06 сакавік 2012

  Лекары не далі Бандарэнку групу інваліднасьці. Яго прымусяць працаваць

  Каардынатару кампаніі «Эўрапейская Беларусь», даверанай асобе кандыдата ў прэзыдэнты Андрэя Саньнікава на выбарах-2010 Зьмітру Бандарэнку не далі групу інваліднасьці.

• 16:46, 05 сакавік 2012

  Сяргей Каваленка: «Буду галадаваць да канца»

  Маці, брат і сын Сяргея Каваленкі сустрэліся зь ім у менскім ізалятары на вуліцы Валадарскага.

• 13:53, 05 сакавік 2012

  Родныя Каваленкі ўбачыліся зь Сяргеем у турэмным шпіталі

  Маці, брат і сын Сяргея Каваленкі 5 сакавіка сустрэліся палітвязьнем у менскім ізалятары на Валадарскага, дзе знаходзіцца рэспубліканскі турэмны шпіталь. Пасьля спатканьня маці Лідзія Каваленка і брат Віталь Каваленка адказалі на пытаньні карэспандэнта «Свабоды».

• 10:35, 05 сакавік 2012

  Лісты да Міколы Статкевіча не праходзяць цэнзуру

  Замест лістоў з волі Мікалай Статкевіч атрымлівае цыдулкі «Ліст не прайшоў цэнзуру», паведаміў Леанід Гаравы, актывіст руху «За Свабоду», які лістуецца з палітвязьням.

• 09:24, 05 сакавік 2012

  Каваленку ў турме на Валадарскага наведаюць родныя

  <b>9.50</b> Пачалося гадзіннае спатканьне Сяргея Каваленкі з братам Віталём і сынам Валянцінам.

• 15:57, 03 сакавік 2012

  Севярынец: Хоць пад расстрэлам, 11 сакавіка ня буду працаваць

  Ці працягнулі Вінаградаў і Арцыбашаў галадоўку пратэсту? Зьмітру Бандарэнку паставілі яшчэ адзін дыягназ. Навіны палітвязьняў.

• 17:50, 02 сакавік 2012

  Жонка Каваленкі зьвярнулася ў Міжнародны Чырвоны Крыж

  2 сакавіка Алена Каваленка, жонка галадоўніка Сяргея Каваленкі, пазваніла ў офіс Міжнароднага Чырвонага Крыжа ў Жэнэве з просьбай аб дапамозе.

• 15:32, 02 сакавік 2012

  Суд дазволіў сваякам сустрэцца зь Сяргеем Каваленкам

  Судзьдзя Першамайскага суду Віцебску Алена Жук дазволіла сваякам Сяргея Каваленкі сустрэцца зь ім у Менскім рэспубліканскім турэмным шпіталі.

• 09:34, 02 сакавік 2012

  Камісія па інваліднасьці можа разгледзіць справу Зьмітра Бандарэнкі

  2 сакавіка ў Магілёўскай калёніі, дзе знаходзіцца Зьміцер Бандарэнка, павінна адбыцца пасяджэньне камісіі па інваліднасьці.

• 16:56, 01 сакавік 2012

  «У Бабруйскай калёніі можна жыць — калі ня мець годнасьці»

  У якіх умовах будзе адбываць пакараньне Алесь Бяляцкі? Пасьля двух тыдняў маўчаньня ад Андрэя Саньнікава прыйшоў кароткі ліст. Мікалай Статкевіч ацаніў дэмарш эўрапейскіх амбасадараў. Зьмітра Дашкевіча вярнулі з карцэра ў ранейшую камэру.

• 14:48, 01 сакавік 2012

  Мікалай Статкевіч падтрымаў санкцыі Эўразьвязу

  Жонцы былога кандыдата на прэзыдэнта Мікалая Статкевіча Марыне Адамовіч стала вядома ягоная рэакцыя на дыпляматычны крызіс, які выбухнуў у Беларусі пасьля новых санкцыяў Эўразьвязу адносна беларускага рэжыму.

• 11:17, 01 сакавік 2012

  Здароўе Зьмітра Бандарэнкі ў калёніі пагоршылася

  Вольга Бандарэнка, жонка зьняволенага, паведаміла, што ў часе агляду Зьміцер прастудзіўся.

• 12:51, 29 люты 2012

  Алесь Бяляцкі ўжо ў Бабруйскай калёніі

  Жонка Алеся Бяляцкага Натальля Пінчук паведаміла «Свабодзе»: «Сёньня мне стала вядома, што Алесь ужо ў Бабруйскай калёніі. Яго даволі хутка прывезьлі зь менскага СІЗА. Падрабязнасьцяў больш няма».

• 12:23, 29 люты 2012

  Сяргея Каваленку перавезьлі ў турэмны шпіталь на «Валадарцы»

  Алена Каваленка заявіла, што яе мужа, віцебскага актывіста Сяргея Каваленку ўвечары 28 лютага перавезьлі зь Віцебскага СІЗА ў турэмны шпіталь пры СІЗА-1 на вуліцы Валадарскага ў Менску.

• 18:03, 28 люты 2012

  Жонка Каваленкі: Сяргей кажа, што будзе галадаць да канца

  28 лютага ў Віцебскім сьледчым ізалятары зь вязьнем Сяргеем Каваленкам сустрэлася ягоная жонка Алена.

• 17:30, 28 люты 2012

  Ці вызваляць сёньня з карцэру Зьмітра Дашкевіча?

  У Зьмітра Дашкевіча скончыўся 10-дзённы тэрмін пакараньня карцэрам, але ці не атрымае палітвязень яшчэ адзін тэрмін — няма гарантыі. Зьміцер Бандарэнка расказвае пра настроі сваіх сукамернікаў. Мікалая Статкевіча выпрабоўваюць холадам. Эдуарду Лобаву дазволілі спатканьне з маці.

• 10:27, 28 люты 2012

  Бяляцкага этапавалі ў Бабруйскую калёнію №2

  У менскай турме на Валадарскага Натальлі Пінчук паведамілі, што яе мужа, старшыню Праваабарончага цэнтру «Вясна» Алеся Бяляцкага 28 лютага этапавалі ў Бабруйскую калёнію № 2.

• 08:58, 28 люты 2012

  Маці Сяргея Каваленкі. Тамбур суда. 23 лютага

  Паводле апошняй інфармацыі, Сяргей Каваленка працягвае галадоўку ў Віцебскім СІЗА. 24 лютага быў абвешчаны вырак актывісту — 2 гады і 1 месяц калёніі. 28 лютага ў СІЗА мае адбыцца спатканьне Сяргея з жонкай Аленай.

• 21:36, 27 люты 2012

  Сваякі Васьковіча: «Нізкі паклон вам, людзі, за падтрымку»

  Зварот ад сваякоў зачытала 27 лютага на вечарыне, прымеркаванай да дня народзінаў актывіста, яго бабуля Зоя Іванаўна.

• 16:43, 25 люты 2012

  Ахоўнікі «Валадаркі» адмовіліся прымаць перадачу для Бяляцкага

  Ад Алеся Бяляцкага прыйшла паштоўка з просьбай перадаць яму ежу, але на «Валадарцы» адмовіліся прымаць перадачу. Зьміцер Бандарэнка скардзіцца на пагаршэньне здароўя. Жонка Мікалая Статкевіча прыняла за яго прэмію імя Юрыя Захаранкі «З узьнятым забралам». Маладафронтаўцы перадалі Паўлу Севярынцу прадукты для вялікага паста. Мікалай Аўтуховіч пазваніў маці.

• 14:48, 25 люты 2012

  Справа Каваленкі: аўдыё выступаў пракурора, адвакатаў і апошняе слова падсуднага

  24 лютага сябру КХП БНФ Сяргея Каваленку судзьдзя Алена Жук асудзіла на 2 гады 1 месяц калёніі агульнага рэжыму.

• 12:38, 25 люты 2012

  Родныя Сяргея Каваленкі: «Будзем абскарджаваць прысуд!»

  24 лютага судзьдзя Першамайскага райсуду Алена Жук пакарала віцебскага сябра КХП БНФ Сяргея Каваленку зьняволеньнем у калёніі агульнага рэжыму. Агульны тэрмін пакараньня — 2 гады 1 месяц.

• 16:14, 24 люты 2012

  Яўген Васьковіч сваё 22-годзе сустрэне ў крытай турме

  26 лютага Яўгену Васьковічу спаўняецца 22 гады. Да Ігара Аліневіча не даходзяць лісты. Мікалай Дзядок не спадзяецца на палёгку зьняволеньня.

• 08:57, 24 люты 2012

  Вырак Сяргею Каваленку — 2 гады 1 месяц калёніі агульнага рэжыму

  Сяргея Каваленку асудзілі на 2 гады 1 месяц калёні. Калі адняць тое, што ён адседзеў да суду, застаецца 1 год 11 месяцаў. <b>Дадаюцца камэнтары</b>

• 18:14, 23 люты 2012

  Аўтуховіч першы раз патэлефанаваў маці з турмы

  Мікалай Аўтуховіч патэлефанаваў сваёй маці Лідзіі Аўтуховіч пасьля пераводу з калёніі ў сьледчую турму № 1 Горадні.

• 17:53, 23 люты 2012

  Алесь Бяляцкі едзе ў Бабруйскую калёнію праз Валадарку

  Алесь Бяляцкі даслаў ліст з ізалятара на Валадарскага. Зьміцер Дашкевіч патрабуе прынесьці яму ў карцэр Біблію. Навіны палітвязьняў.

• 09:06, 23 люты 2012

  Суд над Сяргеем Каваленкам. Дзень трэці

  23 лютага ў Віцебску працягваўся працэс над сябрам КХП-БНФ Сяргеем Каваленкам.

• 20:42, 22 люты 2012

  Севярынец пра візыт Панікі: «Кіраўніцтва камэндатуры выглядала па-галівудзку»

  Крыстафэр Паніка, дарадца па палітыка-эканамічных пытаньнях амбасады ЗША ў Беларусі, наведаў палітвязьня Паўла Севярынца.

• 13:20, 22 люты 2012

  Суд над Сяргеем Каваленкам. Дзень другі

  22 лютага ў судзе Першамайскага раёну Віцебску працягваўся працэс над сябрам КХП-БНФ Сяргеем Каваленкам. Перапынак да 10:30 23 лютага.

• 10:27, 22 люты 2012

  Працяг суду над Сяргеем Каваленкам — сёньня ў 14.00

  Пасьля таго, як 21 лютага ў Першамайскі райсуд выклікалі трэцюю брыгаду хуткай дапамогі, судзьдзя Алена Жук мусіла прызнаць, што зьняволенаму актывісту патрэбна мэдычнае абсьледаваньне.

• 20:12, 21 люты 2012

  Бандарэнка заклікае ратаваць Андрэя Саньнікава і Зьмітра Дашкевіча

  Алесь Бяляцкі знаходзіцца ў турме на Валадарскага. Мікалая Статкевіча наведаў адвакат. Зьміцер Бандарэнка патэлефанаваў жонцы.

• 09:03, 21 люты 2012

  Суд над Сяргеем Каваленкам. Дзень першы

  21 лютага суд Першамайскага раёну Віцебску пачаў разглядаць крымінальную справу супраць сябра КХП-БНФ Сяргея Каваленкі. Палітвязьня накіравалі ў медычную частку СІЗА для дасьледаваньня стану здароўя. Перапынак — да 14:00 22 лютага.

Загрузіць яшчэ