Як паведамляе агенцтва Bloomberg, атакі закранулі больш за дзесяць энэргетычных кампаній ЗША.
«У цяперашні час не зафіксавана ніякага ўплыву на сыстэмы, якія кантралююць энэргетычную інфраструктуру ЗША. Патэнцыйнае ўзьдзеяньне абмежаваўся адміністрацыйнымі і дзелавымі сеткамі», — паведамілі Reuters ў энэргетычным адзьдзеле атамнай электрастанцыі ў Канзасе, на якую таксама была арганізаваная кібэратака.
Bloomberg піша са спасылкай на амэрыканскіх чыноўнікаў, што хакеры «працуюць на замежны ўрад», і што ў дачыненьні да нападаў падазраюць Расею.
У канцы мінулага месяца ФБР разам з амэрыканскімі дэпартамэнтамі энэргетыкі і нацыянальнай бясьпекі папярэдзілі, што энэргетычныя кампаніі знаходзяцца пад пастаяннай пагрозай кібэратакі.
У чэрвені супрацоўнікі ФБР правялі гутаркі з шэрагам супрацоўнікаў кампаніі Kaspersky Lab ў ЗША. Агенты адзначылі, што ФБР цікавіць, як дзейнічае Kaspersky Lab ў ЗША, у прыватнасьці, якім чынам дадзеныя пра працу кампаніі перадаюцца ў Расею. У заяве Kaspersky Lab гаворыцца, што іх абвінавацілі безь «якіх-небудзь пераканаўчых доказаў». Раней заканадаўцы ЗША выказвалі занепакоенасьць, што расейскія чыноўнікі могуць выкарыстоўваць прадукты Kaspersky Lab для зьдзяйсьненьня нападаў на амэрыканскія кампутарныя сеткі.
