На ютуб-канале Алы Пугачовай 1 красавіка зьявіліся відэа дзьвюх новых песень — «Мама» і «Пацалункі вайны». Песьня «Мама» — гэта дыялёг паміж маці і сынам, які загінуў на вайне, пішаРасейская служба Радыё Свабода.
«Мам, для цябе я жывы. Чуеш, мам, буду заўсёды я з табой. Я праклінаю той бой, мам, што разлучыў нас з табой», — сьпявае Пугачова.
Словы да песьні напісала сама сьпявачка, музыку — Андрэй Місін.
Другая песьня напісаная паводле матыву прарыву савецкіх салдат падчас Сьвірска-Петразаводзкай апэрацыі ў Другой сусьветнай вайне, якая прайшла летам 1944 года. Сама сьпявачка афіцыйна гэта не пацьвярджала. Музыку да гэтай песьні напісаў таксама Андрэй Місін, словы — Андрэй Ардынец.
Але Пугачовай летась споўнілася 75 гадоў. Пасьля пачатку поўнамаштабнага ўварваньня Расеі ва Ўкраіну сьпявачка зьехала з Расеі, яе мужа Максіма Галкіна прызналі «замежным агентам», а сама артыстка выказалася ў яго падтрымку і супраць вайны.
