Унясеньне ў чорны сьпіс цягне за сабой значнае ўзмацненьне жорсткасьці кантролю за фінансавымі апэрацыямі з удзелам арганізацый або асобаў з краіны, у тым ліку комплексную праверку па ўсіх зьдзелках.
У прыватнасьці, эўрапейскія чыноўнікі будуць запытваць больш дакумэнтаў аб бенэфіцыярах і паходжаньні грошай у бізнэсу, а зьдзелкі будуць дадаткова ўхваляць спэцыяльныя камісары эўрапейскай службы па барацьбе з адмываньнем грошай (AMLA), напісаў незалежны антыкарупцыйны экспэрт Ільля Шуманаў.
У сьпісе ўжо ёсьць, у прыватнасьці, КНДР, Іран і Аўганістан. Група распрацоўкі фінансавых мер барацьбы з адмываньнем грошай (FATF) яшчэ ў 2023 годзе прыпыніла сяброўства Расеі ў арганізацыі з прычыны поўнамаштабнага ўварваныя ва Ўкраіну, але тады ня стала ўносіць у якія-небудзь сьпісы. FATF неаднаразова заклікалі ўнесьці Расею ў чорны ці шэры сьпіс, супраць выступала Індыя і іншыя краіны БРІКС.
Афіцыйнай аб’явы аб уключэньні ў сьпіс на момант публікацыі навіны зроблена не было.
Форум