Пра гэта паведаміла агенцтва AFP з Брусэля. Былая кіраўніца зьнешняй палітыкі ЭЗ Фэдэрыка Магерыні была абвінавачаная разам з двума іншымі асобамі ў рамках расьсьледаваньня «махлярства і карупцыі» ў сувязі з кантрактамі на падрыхтоўку будучых эўрапейскіх дыпляматаў.
«Тры асобы былі афіцыйна апавешчаныя аб абвінавачваньнях супраць іх, — гаворыцца ў заяве Эўрапейскай пракуратуры (EPPO) у сераду праз дзень пасьля іх затрыманьня ў Бруселі. —Абвінавачваньні тычацца махлярства ў закупках і карупцыі, канфлікту інтарэсаў і парушэньня прафэсійнай таямніцы».
«Іх вызвалілі, бо яны ня лічацца такімі, што могуць уцячы», — дадалі ў пракуратуры.
Раніцай 2 сьнежня бэльгійская паліцыя правяла ператрусы ў дыпляматычнай службе ЭЗ у Брусэлі, у Каледжы Эўропы ў Бруге і некалькіх прыватных дамах.
Магерыні з 2020 году займае пасаду рэктара Каледжа Эўропы — вышэйшай школы ЭЗ для дыпляматаў і дзяржаўных службоўцаў. Euractiv з спасылкай на чатыры крыніцы, знаёмыя з расьсьледаваньнем, піша, што гаворка ідзе пра абставіны набыцьця каледжам будынку ў Бруге за 3,2 млн эўра праз тэндэр.
Сьледчыя лічаць, што Каледж Эўропы і ягоныя прадстаўнікі мелі доступ да інфармацыі пра тэндэр, якая павінна была заставацца канфідэнцыйнай для забесьпячэньня сумленнай канкурэнцыі паміж установамі, якія прэтэндуюць на разьмяшчэньне новай Дыпляматычнай акадэміі Эўразьвязу.
Федэрыка Магерыні — у 2014 годзе займала пасаду кіраўніка МЗС Італіі. У 2014–2019 гадах была вярхоўным прадстаўніком Эўрапейскага зьвязу ў замежных справах.
Форум