Латушка: Эканамічная сытуацыя ў Лукашэнкі вельмі цяжкая. Адмоўнае гандлёвае сальда $4,5 млрд. Кажу як былы амбасадар і чалец ураду, гэта рэкорд за гады гандлёвых адносін зь Беларусьсю. У Беларусі назіраецца падзеньне прамысловасьці. Падзеньне вытворчасьці сельскай гаспадаркі. У Віцебскай вобласьці ў прамысловасьці мінус 4,2%, у сельскай гаспадарцы мінус 5%. Чаму Лукашэнка пачаў так моцна грукацца ў дзьверы амэрыканцаў і эўрапейцаў? Бо яго прымушае да гэтага эканоміка.
Пакуль Злучаныя Штаты, на думку Латушкі, ажыцьцяўляюць свой варыянт і камунікуюць зь Менскам у гуманітарных інтарэсах, ён пераконвае Эўразьвяз да іншай тактыкі.
Латушка: Мы кажам эўрапейцам, каб «залатую акцыю» яны трымалі ў сваіх руках, і не аддавалі ні ў якім разе яе Лукашэнку. Бо яе трэба выкарыстаць для рэальных зьменаў унутры Беларусі.
Дэфіцыт у замежным гандлі таварамі павялічыўся да 4,5 мільярда даляраў. У паведамленьні Белстату адзначаецца, што экспарт зьнізіўся на 2,9% у параўнаньні з студзенем—верасьнем 2024 году, а імпарт павялічыўся на 1,6%.
Гэтая статыстыка ня ўлічвае гандлю паслугамі, зьвесткі пра яго не апублікавалі.
Статыстычны камітэт з 2021 году не дае інфармацыі пра замежны гандаль Беларусі з паасобнымі краінамі сьвету. Ведамства дае толькі зьвесткі аб гандлі з краінамі СНД і з астатнім сьветам.
Форум