Паводле яго словаў, якія прыводзіць Delfi, мабільныя каманды «будуць дзейнічаць і будуць гатовыя прымаць рашэньні».
Чакаецца, што Камісія нацыянальнай бясьпекі налета абмяркуе «вынікі таго, што адбудзецца за гэты час».
Інфармацыйнае агенства «Позірк» нагадвае ранейшыя паведамленьні аб тым, што ў сувязі з беларуска-расейскімі вайсковымі вучэньнямі «Захад-2025» Літва ўзмацняла ўзровень кантролю сваёй граніцы, у тым ліку залучаючы структуры нацыянальнай абароны і ЛЗС.
Зьвяз стральцоў — непалітычная грамадзкая ваенізаваная арганізацыя пад кіраўніцтвам ураду Літвы. Абʼяднаньне налічвае больш за 16 тыс. чальцоў.
На ўзбраеньні ў стральцоў аўтаматычныя і снайпэрскія вінтоўкі рознай мадыфікацыі, пісталеты, кулямёты.
- У Вільні пасьля чарговага закрыцьця аэрапорту з прычыны зьяўленьня ў паветранай прасторы Літвы зондаў з кантрабанднымі цыгарэтамі на палову содняў былі затрыманыя некаторыя авіярэйсы.
- Аэрапорт не працаваў менш за тры гадзіны, яго кіраўніцтва папярэдзіла, што «цягам дня магчымыя затрымкі асобных рэйсаў з прычыны парушэньня ратацыі экіпажаў і паветраных машын».
- Усе пункты пропуску на беларуска-літоўскай мяжы будуць закрытыя на месяц — такое рашэньне прыняў урад Літвы 29 кастрычніка. Магчымае падаўжэньне абмежаваньняў пасьля 30 лістапада.
- Позна ўвечары 26 кастрычніка Літва закрыла мяжу зь Беларусьсю на нявызначаны тэрмін, такім чынам, зараз тэрмін падоўжаны да канца восені.
- Раней Літва закрывала мяжу некалькі разоў. Прычынай сталі паветраныя балёны з кантрабанднымі цыгарэтамі, якія ў тым ліку пагражалі рабоце аэрапорту ў Вільні. Упершыню мяжу закрылі ў ноч на 22 кастрычніка.
Форум