Выезду зь Беларусі ў Літву і Латвію ў трох пунктах пропуску чакаюць 1710 грузавых аўтамабіляў. Як адзначаецца на сайце Дзяржаўнага памежнага камітэту Беларусі, у пункце пропуску Грыгароўшчына (з латвійскага боку Патэрніекі) сабралася 570 грузавікоў і 23 аўтобусы.
У Беняконях (зь літоўскага боку Салечнікі (Шальчынінкай) — 580 фур і 40 легкавых аўтамабіляў, у Каменным Логу (зь літоўскага боку Меднікі (Мядзінінкай) — 560 грузавікоў і 130 легкавых аўтамабіляў. Аўтобусаў на гэтых двух пунктах пропуску няма.
Мяжа паміж Беларусьсю і Польшчай усё яшчэ застаецца закрытай.
У Міністэрстве ўнутраных спраў і адміністрацыі Польшчы паведамілі, што знайшлі аскепкі яшчэ 4 расейскіх дронаў, якія заляцелі на польскую тэрыторыю ў ноч на 10 верасьня. Раней у розных гарадах Польшчы знайшлі 18 бесьпілётнікаў.
Форум