Прэзыдэнт ЗША і прэм’ер-міністар Вугоршчыны пагаварылі з журналістамі напярэдадні асабістых перамоваў у Белым доме. Амэрыканскі лідэр паведаміў, што палітыкі абмяркуюць гандаль, расейскую нафту, а таксама вайну Расеі і Ўкраіны.
Па словах Трампа, Вугоршчыне больш складана, чым іншым эўрапейскім краінам, адмовіцца ад расейскіх энэргарэсурсаў і ЗША вывучаюць магчымасьць зрабіць выключэньне Вугоршчыны з рэжыму санкцый.
«Мы разглядаем гэтае пытаньне, таму што яму вельмі цяжка атрымліваць нафту і газ з іншых рэгіёнаў. Як вы ведаеце, у іх няма перавагі ў выглядзе выхаду да мора. Гэта вялікая краіна, вялікая краіна, але ў яе няма мора. У іх няма партоў. Таму гэта сурʼёзная праблема», — сказаў прэзыдэнт ЗША.
Таксама Трамп назваў працяг баявых дзеяньняў ва Ўкраіне прычынай таго, што саміт з Пуціным да гэтага часу не адбыўся. Пры гэтым прэзыдэнт ЗША дапусьціў магчымасьць сустрэчы з Пуціным у Будапэшце ў «агляднай будучыні».
Таксама прэз ыдэнт ЗША запэўніў, што вайна скончыцца ў хуткім будучым. Орбан заявіў журналістам, што ў яго ёсьць «некаторыя ідэі» адносна таго, як гэта можа адбыцца.
Форум