Як паведаміла дзяржаўнае агенцтва БелТА, у верасьні на тэрыторыі Беларусі адбудуцца вучэньні з калектыўнымі сіламі апэратыўнага рэагаваньня «Узаемадзеяньне-2025», спэцыяльныя вучэньні з сіламі і сродкамі выведкі «Пошук-2025», а таксама матэрыяльна-тэхнічнага забесьпячэньня «Эшалон-2025».
У сярэдзіне кастрычніка ў Кіргізстане арганізуюць апэратыўны збор з камандаваньнем і камандна-штабнае вучэньне з падразьдзеламі калектыўных сіл хуткага разгортваньня Цэнтральнай Азіі «Рубеж-2025», а ў другой палавіне кастрычніка ў Таджыкістане правядуць вучэньні зь міратворчымі сіламі «Непарушнае братэрства-2025», якія зьвяжуць з антытэрарыстычнымі вучэньнямі СНД «Садружнасьць-Антытэрор-2025».
- АДКБ — вайскова-палітычны блёк, мэтамі якога заяўленыя «ўмацаваньне міру, міжнароднай і рэгіянальнай бясьпекі і стабільнасьці, абарона на калектыўнай аснове незалежнасьці, тэрытарыяльнай цэласнасьці і сувэрэнітэту дзяржаў-сяброў». У яго ўваходзяць Армэнія, Беларусь, Казахстан, Кіргізстан, Расея і Таджыкістан.
- З 2024 году Армэнія замарозіла свой удзел у палітычных і вайсковых мерапрыемствах арганізацыі. Сёлета ў сакавіку Армэнія афіцыйна апавясьціла сакратарыят АДКБ, што ня будзе плаціць унёскі ў бюджэт АДКБ.
Форум