У Менску затрымалі малодшага брата беларускага добраахвотніка Дзяніса Ўрбановіча, паведамляе «Белсат».
Паводле зьвестак тэлеканалу, супрацоўнікі КДБ уварваліся ў кватэру, дзе жыў Максім Урбановіч, малодшы брат Дзяніса Ўрбановіча, які ад самага пачатку поўнамаштабнага ўварваньня расейскіх войскаў ва Ўкраіну ваюе ў складзе УСУ з пазыўным Ваўкалак.
Вядома, што пасьля ператрусу Максіма затрымалі. Паводле папярэдніх зьвестак, кватэру, дзе ён жыў з сваёй дзяўчынай, апячаталі.
Дзе цяпер Максім Урбановіч, невядома. Невядома таксама, што стала прычынай ператрусу і затрыманьня. Дзяніс Урбановіч даўно ня мае стасункаў з братам і сама меней два гады зь ім не размаўляў. Пра гэты выпадак ён ня ведае.
Максіма Ўрбановіча раней затрымлівалі ў сакавіку 2024 году і асудзілі на 10 дзён дміністрацыйнага арышту паводле абвінавачаньня ў «дробным хуліганстве».
Форум