Гэта у 5,7 раза менш, чым у тым жа месяцы 2024-га (63), сьведчаць дадзеныя расейскага агенцтва «АСМ-холдынг», якія цытуе Позірк.
Прадукцыя МАЗ у мінулым месяцы заняла 8-е месца ў сьпісе самых прадаваных брэндаў гэтага сэгмэнта аўтарынку Расеі, канстатавалі экспэрты. Доля на рынку склала 1,8 працэнта (3,2 працэнта).
Больш за ўсё аўтобусаў у гэтым месяцы рэалізавалі ПАЗ — 290 (-67,2%), Yutong — 98 (-29%) і КамАЗ — 60 (-7,7%).
За студзень і люты разам прадалі 15 беларускіх аўтобусаў (летась было прададзена 147; менш у 9,8 раза).
Усяго за 2024 год было МАЗ рэалізаваў у Расеі 504 адзінкі гэтай тэхнікі і заняў 9-е месца на рынку з доляй 2,6%.
10 лютага кіраўнік Архангельска Дзьмітрый Мораў паведаміў у сваім тэлеграм-канале, што праблемы з перавозкай пасажыраў у горадзе ўзьніклі з-за няспраўнасьці аўтобусаў МАЗ.
Акрамя таго, аўтобусы МАЗ рэгулярна загараюцца ў Расеі. Апошні такі выпадак быў зафіксаваны 13 студзеня ў Ліпецку.
Праблему зь беларускімі аўтобусамі ўскосна прызнаў Лукашэнка, які заявіў 19 верасьня 2023 на сустрэчы з губэрнатарам Краснадарскага краю РФ Веніямінам Кандрацьевым, што прычына ўзгараньняў пасажырскага транспарту ў Пецярбургу крыецца ў адсутнасьці «якаснага і своечасовага абслугоўваньня». Ён прапанаваў наладзіць тэхабслугоўваньне на месцы сіламі беларускіх рамонтнікаў.
Форум